Educación

Esti llunes, 30 de xunetu, a les 13:00 hores, nel Salón d’Actos de la Casa de la Cultura «Palaciu d’Omaña» de Cangas del Narcea, entamen los Cursos y les Actividaes Abiertes de la Universidá Asturiana de Branu (UABRA): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea. Nel actu intervendrán la Conseyera d’Educación, Cultura y Deporte del Gobiernu del Principáu d’Asturies, Ana González Rodríguez, el Vicerrector d’Estensión Universitaria, Vicente Domínguez García, la Presidenta de l’Academia, Ana Mª Cano González; l’Alcalde del Conceyu de Cangas del Narcea, José Luis Fontaniella Fernández y el Director de los Cursos, Xosé Antón González Riaño.

Los maestros de llingua asturiana Jesús Rodríguez Martínez y María Dolores Coalla, asoleyen nel númberu cuatro de la “Serie el CSIC en la escuela”, un artículu fechu nel cursu 2010/2011 na Escuela Concertada San Llorienzo de Xixón. Nesta investigación fecha na clas de Llingua Asturiana, bien novedosa, rellaciónase de mou sistemáticu y científicu’l rendimientu nes estayes llingüístiques col trabayu prácticu de les ciencies.

Descarga la revista de baldre

La Facultá de Filosofía y Lletres tien abiertos los plazos pa matriculase nos minor que tien a disposición del so alumnáu. El minor d’asturianu, la primer titulación universitaria de Filoloxía Asturiana que ta homologada en toa Europa, tien abiertu’l plazu pa matriculase. El programa inclúi delles asignatures dedicaes al sintasix, léxicu o morfoloxía, ente otres.

El Minor n’Asturianu complementa la formación llograda en cualesquier de los Maiores qu’ufierta la Facultá de Filosofía y Lletres. Mientres los cuatro cursos que dura un Grau (o ocho si se fai a tiempu parcial), dirán combinándose asignatures d’un Maior con un Minor, nesti casu, el d’Asturianu. D’esta forma, cada cursu los alumnos faen diez asignatures, cinco en caún los dos semestres. D’estos diez, trés pertenecen al Minor n’Asturianu.

El programa del minor ta coordináu pola profesor Xulio Viejo.

Porgrama completu del minor d’asturianu

Dende va catorce años l’Asociación Xuvenil Estudiantes Progresistas y la Confederación Asturiana d’Asociaciones de Madres y Padres d’Alumnes y Alumnos (COAPA) entamen el programa d’intercambiu de llibros de testu. Nel añu 2011 esti programa cuntó con más de 2.989 participantes, y recoyéronse 12.529 llibros.

Esti programa básase nel empréstamu ya intercambiu de llibros de testu ente families, con cuenta de reutilizar los llibros de testu, dexar qu’otros estudiantes pueden aprovechalos y amenorgar l’esfuerciu económicu de les families pa encarar el nuevu cursu. Solidaridá, altruísmu, compromisu social, reutilización… son dalgunos de los valores qu’impulsen esta iniciativa.

Páxina de la inciativa en Facebook

L’Institutu Feijoo, asitiáu nel barriu de La Calzada, en Xixón, cumple cincuenta años y celébralo col asoleyamientu del llibru “El Feijoo y La Calzada. Historia de un instituto”.

«Cumplir 50 años de vida ye ocasión oportuna pa faer un altu nel camín y volver la vista tras. Y celebrar l’andadura. Y remembrar momentos, anécdotes, llogros y fracasos. Máxime cuando los 50 años cumplíos lo son por un Institutu que ta venceyáu estrechamente a la vida d’una comunidá, d’un barriu popular que les sos xentes fueron decisives na so puesta en marcha, deseoses de ver cumplíos nos sos fíos y fíes los pruyimientos d’una vida meyor. El llibru recueye retazos d’esta hestoria singular, alcordances, anécdotes y vivencies d’alumnáu, profesoráu y families. Sobre’l telón de fondu del institutu da cuenta del trascendental cambéu esperimentáu na nuesa sociedá. Nuna etapa de involución como l’actual, ye imprescindible guardar memoria d’onde venimos. Y oportunu pa establecer nuevos horizontes de xusticia ya igualdá»

El sindicatu del enseñu SUATEA emitió estos díes un comunicáu nel que trataba les cuestiones más urxentes de cara a la nueva alministración del Gobiernu d’Asturies, encabezada pol socialista Javier Fernández. Ente les cuestiones más destacaes la solución a los yá tradicionales problemes que vive l’enseñu del asturianu y gallego-asturianu nes escueles. Pal sindicatu “yá ye tiempu de facer casu a una reivindicación hestórica y terminar con una inxusticia que lleven careciendo dende va años los y les docentes qu’imparten clases de llingua asturiana y gallego-asturianu, a los que se-yos niega la posibilidá de tener una plaza fixa y a los que se conderga a la precariedá llaboral”.

SUATEA afirma qu’estos cambios un son más “qu’una cuestión de voluntá política” y recuerden qu’asina lo dexa claro “l’últimu informe, fechu pol gobiernu anterior”, nel que se conclúi que nun esisten torgues xurídiques insalvables pa la creación de la especialidá de llingua asturiana.

El sindicatu recuerda qu’“el camín yá ta abondo percorríu, esisten los currículos de primaria y secundaria, esisten les titulaciones nes enseñances reglaes de la Universidá d’Uviéu, esiste profesoráu interín y funcionariu pa faese cargu de la enseñanza de la llingua asturiana cola calidá educativa que garantiza la esistencia de la especialidá”.

Ye por ello que nun entienden dende SUATEA que dándose toles circunstancies entá “nun esista un ámbitu profesional nel que puedan trabayar, n’igualdá de condiciones, lo mesmo que n’otres especialidaes, la xente qu’escueye esta opción”.

Per otru llau emplacen al nuevu gobiernu a que cumpla y faiga cumplir la Llei d’Usu y Promoción del Asturianu, que na so artículu 10 diz que se va garantizar la enseñanza del asturianu y del gallego-asturianu en tolos niveles y graos del sistema educativu asturianu. Pa ello píden-y “la ellaboración d’unes instrucciones, clares, d’inscripción y matriculación de la llingua asturiana pa tolos centros y niveles educativos, respetando la Llei d’Usu y aplicando, en tolos niveles, la sentencia qu’esanicia la ratio mínima na ESO pal cursu que vien”, cumpliendo la sentencia qu’eliminó apocayá’l cupu de matricules na asignatura pa que s’imparta.

La cuarta edición de Sestaferia del Profesoráu d’asturianu va celebrase’l próximu vienres 1 de xunu, n’horariu de mañana y tarde. Los actos, conferencies y una actuación musical d’Anabel Santiago y Xulio Arbesú pa pesllar la xornada, organícenlos la Conseyería d’Educación y el Centru de Profesoráu y Recursos de Xixón.

Ente les conferencies, “Contribución de la llingua asturiana al desarrollu de les competencies básiques”, pronunciada por Santiago Fano Méndez y “La llingua asturiana na escuela: un futuru más competente”, por MªTeresa González Iglesias. Amás, celebraránse dellos talleres.

Del 30 de xunetu al 10 d’agostu de 2012 van celebrase nueve cursos en réxime d’internáu en Cangas del Narcea. La matrícula ta abierta hasta l’1 de xunu nel llar de l’Academia de la Llingua Asturiana. Los alumnos que participen nellos podrán algamar, respeutivamente, 6 y 4’5 creitos de llibre configuración.

Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d’Educación Primaria y Secundaria del Principáu d’Asturies.

L’Academia de la Llingua Asturiana celebra estos cursos a comuña cola Universidá d’Uviéu y el Conceyu de Cangas, dientro de la so Universidá Asturiana de Branu (UABRA). La ufierta de cursos ta colgada na páxina web de l’Academia ya inclúi Cursos d’Estensión Universitaria dirixíos a los estudiantes de toles estremaes carreres universitaries, amás d’a otres persones ensin formación superior. La direición de los cursos, que se celebren en Cangas del Narcea ta al cargu del profesor y académicu Xosé Antón González Riaño.

Pa esta edición tán previstos los cursos yá tradicionales, (elemental, avanzáu y capacitación pa la traducción al asturianu) y otros centraos en cuestiones más concretes: Cursu de Comunicación Periodística, Internet y Escuela. Nueves aplicaciones socio-educatives, Ecoloxía y Mediu Ambiente n’Asturies, Cantares, bailles ya instrumentos musicales asturianos y un Cursu d’aniciu a la investigación dialeutal y de tradición oral.

Amás va celebrase una nueva fase del cursu de Capacitación en Gallego-Asturianu pa profesores.

Información de los cursos na páxina de l’ALLA

Del 30 de xunetu al 10 d’agostu de 2012 van celebrase nueve cursos en réxime d’internáu en Cangas del Narcea. Estos Cursos tienen reconocencia oficial per parte de la Conseyería d’Educación del Principáu d’Asturies, darréu de l’acreitación de l’ALLA como “Entidá Organizadora d’Actividaes de Formación Permanente del Profesoráu”. La matrícula ta yá abierta y hasta l’1 de xunu nel llar de l’Academia de la Llingua Asturiana. Los alumnos que participen nellos podrán algamar, respeutivamente, 6 y 4’5 creitos de llibre configuración.

Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d’Educación Primaria y Secundaria del Principáu d’Asturies.

L’Academia de la Llingua Asturiana celebra estos cursos a comuña cola Universidá d’Uviéu y el Conceyu de Cangas, dientro de la so Universidá Asturiana de Branu (UABRA). La ufierta de cursos ta colgada na páxina web de l’Academia ya inclúi Cursos d’Estensión Universitaria dirixíos a los estudiantes de toles estremaes carreres universitaries, amás d’a otres persones ensin formación superior. La direición de los cursos, que se celebren en Cangas del Narcea ta al cargu del profesor y académicu Xosé Antón González Riaño.

Pa esta edición tán previstos los cursos yá tradicionales, (elemental, avanzáu y capacitación pa la traducción al asturianu) y otros centraos en cuestiones más concretes: Cursu de Comunicación Periodística, Internet y Escuela. Nueves aplicaciones socio-educatives, Ecoloxía y Mediu Ambiente n’Asturies, Cantares, bailles ya instrumentos musicales asturianos y un Cursu d’aniciu a la investigación dialeutal y de tradición oral.

Amás va celebrase una nueva fase del cursu de Capacitación en Gallego-Asturianu pa profesores.

Información de los cursos na páxina de l’ALLA

El CRA Eugenia Astur de Tinéu presenta Y tú… ¿por qué t’apuntes a llingua? Una iniciativa pa que los escolinos d’Asturies s’apunten a Llingua Asturiana y Gallego-Asturianu. L’anunciu ta fechu por neños de la Preda: Esteban, Antonio, Tania, Pelayo, Iván; El Pedregal: Tania, Jose Antonio, Aida, David, Melanie, Noemí, Damián, Carlos, Jimena, Ana, Víctor, Miguel, Óscar; y Tuña: Eva, Rocío, Alba, Fran, Jose, Llucía, Zaira, María, Aroa, Sergio, Raúl, Sheila, Carmen, Estela, coordinaos por profesor y realizador Pablo A. Quiroga Prendes.