Cooperación

Redacción.

Conocer meyor el nuesu pasáu evolutivu ye posible agora en Cangues d’Onís gracies a una esposición organizada pola Universidá a Distancia (Uned), que lleva años investigando los restos apaecíos nes cueves de Cangues, onde alcontraron a los últimos neandertales que vivieron nel nuesu territoriu.

Lo novedoso de la esposición ye que los visitantes pueden rellenar un cuestionariu p’autoevaluar los conocimientos sobre’l tema y dempues dir descubriendo na esposición los datos descubiertos nes escavaciones nes cueves d’El Sidrón y La Güelga.

L’horariu de la esposición ye de 10 a 13 hores y de 17 a 20 menos los sábados, domingos y festivos, cuando abre ente les 11 y la una la tarde. Según les pallabres de Mario Menendez, direutor de la Uned n’Asturies, “La esposición quier dar una visión xeneral de la dómina final de los neandertales y los restos que tamos estudiando en Cangues d’Onís, contienen información que pue ser perimportante”.

La esposición tará un mes na Casa Cultura de Cangues d’Onís y nel branu visitará otros conceyos como Xixón, que yá tien zarraes feches.

Tres un añu de xera, el dominiu europeu d’internet “.eu” ye un de los que más lluego ta creciendo. Rexistráronse más de 2,5 millones de nomes de dominiu durante esti añu, con una xuba del 17% nos rexistros nos últimos cinco meses, lo que situa al dominiu “.eu” como’l tercer dominiu de primer nivel más popular d’Europa y el setimu de tol mundu.

La Comisaria europea responsable de Sociedá de la Información y Medios de Comunicación, Viviane Reding considera que’l dominiu “.eu” ta consolidáu nel ciberespaciu europeu dempues d’un añu de funcionamientu. “trátase d’una señal positiva del atractivu del comerciu ellectrónicu na UE. Felicito a EURid, el rexistru independiente ensin ánimu de lucru responsable del dominiu “.eu”, por haber xestionao con exitu l’altísima demanda de la industria y del públicu y por ayudar a esparder la identidá europea”, declaró la Comisaria.

Ciudadanos y empreses de caún de los 27 estaos miembros pidieron durante esti últimu añu un nome de dominiu “.eu” anque los países que más subieron la so demanda fueron Alemania (31%), el Reinu Xuníu (17%) y los Países Baxos (12%).

Amás l’exitu del dominiu “.eu” ocasionó un aumentu significativu de la demanda de nomes de dominiu nacionales na mayoría de los Estaos Miembros. Ye’l casu del dominiu de los Paises Baxos (“.nl”), qu’esperimentó una xuba del 10% nos rexistros durante l’últimu añu, o de los dominios nacionales d’Alemania y Reinu Xuníu (“.de” y “.uk”) cuyu crecimientu subió al 5% pal mesmu periodu.

El dominu “.eu” entamó a operar por primer vez el 7 d’avientu de 2005 y taba enpobináu en principio a les empreses titulares de derechos previos, pero dende principios d’abril de 2006, el rexistru ta abiertu a tolos residentes na Unión Europea y a les organizaciones con una sede oficial na UE . Amás dende’l 1 de xineru de 2007, los residentes y les empreses de los dos nuevos Estaos miembros, Rumanía y Bulgaria, tamien pueden rexistrar un nome de dominiu “.eu”.

La xestión central de los nomes de dominiu de primer nivel “.eu” ye responsabilidá de EURid, una organización independiente ensin ánimu de lucru afincada en Belxica. EURid entamo la so xera como una sociedá entre los operadores de los rexistros territoriales de los dominios de primer nivel de Belxica (.be), Italia (.it) y Suecia (.se). Más tarde, los operadores de los rexistros de los dominios de primer nivel d’Eslovenia (.si) y República Checa (.cz) amestaronse a EURid como miembros.

Comisión Europea – Sociedá de la Información y Medios de Comunicación

La Coordinadora asturiana d’ONGDs por mor de la cellebración el 22 de marzu del Día Mundial del Agua y nel marcu de la so campaña ¿Quién debe a quién? llama a la ciudadanía a continuar reivindicando l’abolición de la delda esterna y la restitución de la delda ecolóxica.

Los datos facilitaos pola Coordinadora d’ONGDs asturiana amuesen qu’una de cada tres persones nun tien accesu al agua potable por nun tener los medios afayadizos pa garantizar la salubridá del elementu. Y ye qu’anque más del 70% de la superficie de la Tierra tea cubierta d’agua sólo’l 2,5% d’esti agua ye apta pal consumu.
Dende la Coordinadora consideren que la crisis d’abastecimientu d’agua agrávase nun momentu nel que les fontes y manantiales tán privatizándose, citando qu’el Fondu Monetariu Internacional utiliza’l recursu de la privatización d’estos pa conceder préstamos a los países en víes de desarrollu.
La Coordinadora, atendiendo a les cifres y estadístiques, denuncia que l’importe de los intereses que los países del sur aporten a los países desarrollaos por esta cuestión podríen ser abondo como pa garantizar un suministru afechiscu d’agua a la población. Ye’l casu pol que nos países africanos los gobiernos han pagar 15$ por persona en conceptu de gastos de delda y empobinar sólo 5$ a servicios como la salú y la educación.
La campaña ¿Quién debe a quién? ta compuesta por más de 50 organizaciones estatales que trabayen nel ámbitu de la cancelación de la delda esterna de los países en víes de desarrollu.

El prósimu miércoles a partir de les 19.30 hores l’Atenéu Obreru de Xixón va acoyer una charra sobre la prevención del VIH-SIDA entitulada “Prevención del VIH-SIDA a través del fomentu d’una sexualidá responsable”. La charra ta entamada pola ONG Médicos del Mundo dientro del so programa informativu sobre la enfermedá.

Embaxo’l lema “Prometieron democracia, provocaron l’horror” delles organizaciones sociales, polítiques y sindicales convoquen una concentración contra la guerra y ocupación d’Iraq de la que güei se cumplen 4 años.

El Comité de Solidaridá cola Causa Árabe, Izquierda Xunida, Médicos “a pie de calle”, Bloque por Asturies, Lliberación, FSA-PSOE, CSI, SUATEA, UXT, CCOO, Movimientu Social pola Escuela Pública, la Plataforma de la Sanidá Pública y l’Atenéu Obreru son les entidaes convocantes d’esta concentración que se va facer a partir de les 19,00 hores na Plaza del Parchís de Xixón.
Nestos cuatro años d’ocupación Iraq sofrió la muerte de más de 650.000 iraquinos, más de dos millones de refuxaos, l’aumentu de la violencia contra les muyeres o la eliminación de 250 intelectuales.
Coincidiendo con esta fecha’l Partíu Demócrata americanu presentaba ayeri una resolución al Congresu americanu pa que los USA retiraren les sos tropes del país pérsicu, la resolución nun algamó la mayoría congresual polo qu’esti partíu la va llevar al Senáu americanu, cámara na que cuenta cola mayoría.
La guerra d’Iraq entamó depués del pronunciamientu de Bush, Blair y Aznar nes Azores nel qu’anunciaben la ocupación del estáu iraquí por mor de la supuesta esistencia d’armes de destrucción masiva, circunstancia esta que depués determinóse como falsa.

L’asociación xuvenil Llanera Joven acaba de ver aprobáu’l so proyectu d’intercambiu del Programa Mocedá de la Unión Europea. L’intercambiu va aconceyar en Llanera a 40 mozos y moces de Colombia, Guatemala, Italia y Asturies cola fin de debatir sobre les migraciones internacionales como fenómenu del mundu de la globalización.
L’intercambiu va desendolcase ente los díes 13 y 26 de setiembre nel albergue de Robleo.

El programa Mocedá de la Unión Europea ye un conxuntu d’aiciones enfocaes a fomentar la participación de la mocedá na construcción europea a lo llargo de delles actividaes relacionaes cola participación, el discutiniu, y la realización de programes conxuntos ente la mocedá europeo.
Nesti programa amás de la mocedá europeo tamién puede participar la mocedá americano y de los estaos del Mediterraneu africanu.

Programa Mocedá (inglés)

Los Conseyos de la Mocedá d’Asturies y Xixón, organicen los díes 24 y 25 de marzu unes xornaes titulaes “Transexualidá, situación actual y retos de futuru”. Les xornaes van facese nel Conseyu de la Mocedá de Xixón. Ente los ponentes d’estes xornaes figuren Carla Antonelli, Mané Fernández Noriega o Joana López Roldán.

Dientro de les xornaes van abordase les diversos aspectos de la vida de les persones transexuales. La primer intervención va ser la de Carla Antonelli que va tocar la historia de la transexualidá nel estáu español. La situación legal del colectivu, el derechu a la sanidá, la integración social van ser otros de los apartaos d’estes xornaes.
La inscripción ye gratuíta y puede facese nel Conseyu de la Mocedá de Xixón

Conseyu de la Mocedá del Principáu d’Asturies

La propuesta de da-y una plaza n’Uviéu a Clara Campoamor abrió les intervenciones de les asociaciones feministes que reclamaron la igualdá real y la erradicación de la violencia de xéneru; el derechu al albuertu llibre y gratuitu. La decisión del Bancu Mundial de reconocer el papel de la muyer na sociedá foi tamién una de les consignes que se desenvolvieron nesti actu.

Ayeri yera’l trenta aniversariu de la primer manifestación feminista de la historia del país, hai trenta años salió dende l’edificiu históricu de la Universidá la manifestación convocada pola Asociación Feminista d’Asturies col lema “Derecho a nuestro cuerpo.

L’AFA convida a la ciudadanía asturiana, y n’especial a les muyeres, a participar nes actividaes que tán programaes dende la Coordinadora Feminista d’Asturies embaxó’l lema “Güei por nosotres… y mañana tamién”. A les 20.00 hores ta convocada una concentración delantre del Teatru Campoamor; a partir de les 22.00 va facese una fiesta nel Tamara.

L’asociación va entregar los premios AFAllucha y AFAmierda. Esta vegada l’AFAllucha va dir pa la Tertulia Feminista Les Comadres de Xixón, n’otres vegaes esti premiu foi pa la escritora Carmen Ojeda o Amelia Valcárcel. El premiu negativa l’AFAmierda va esti añu pal Conseyeru d’Educación, José Luís Iglesias Riopedre, “pola so visión de les muyeres na política definiendo a la señora Paloma Sainza como la <> y el nun facer p’avanzar nes estratexes de promoción y desenrollu de la igualdá nel ámbitu de la educación”.

La Vía Campesina, organización internacional d’asociaciones campesines, va entamar a partir del 23 de marzu unes xornaes sobre la solidaridá y la unidá nel ámbitu de les organizaciones campesines cola fin de promover la igualdá y la xusticia social, basaes na producción a pequeña y mediana escala. Nes xornaes inclúinse dende ponencies, a actividaes de teatru na cai cola fin d’esparder los sos conteníos.

Programa d’actividaes: 23 DE MARZU

Taller: Alternatives a les grandes cadenes de distribución d’alimentos.

Aula del Centru Cultura Antiguu Institutu (Xixón). 17,00 hores.

Charra: La Soberanía Alimentaria y les propuestes de &ldquo;La Vía Campesina&rdquo;.

Salón d’actos del Centru Cultura Antiguu Institutu (Xixón). 19,30 hores

Charra: &ldquo;la Política Agraria Común. Consecuencies nes estayes de la lleche y la carne&rdquo;. Cooperativa d’Otur. 20,00 hores

24 DE MARZU

Alcuentru d’organizaciones europees de &ldquo;La Vía Campesina&rdquo;.

Albergue municipal de La Pola (Siero).

25 DE MARZU

Alcuentru d’organizaciones europees de &ldquo;La Vía Campesina&rdquo;.

Albergue municipal de La Pola (Siero).

Mercáu agroecolóxicu y de comerciu xusto. Teatru na cai.

Plaza Cabu Noval de La Pola (Siero). De 11,30 a 15,00 hores.

26 DE MARZU

Taller: L’usu de los recursos agrarios: agua, semilles, territoriu, etc&rdquo;.

Llocal Cambalache (Uvieu). 17,00 hores.

Charra: La Soberanía Alimentaria y les propuestes de &ldquo;La Vía Campesina&rdquo;.

Salón d’actos de la Biblioteca Pública Perez d’Ayala. (El Fontán &ndash; Uvieu). 19,00 hores.

Charra: &ldquo;la Política Agraria Común. Consecuencies nes estayes de la llechi y la carne&rdquo;. Centru Cívicu de Posada de Llanes. 21,00 hores.

La Vía Campesina