Convocatories

Ta acabante d’entamar el plazu pa presentar proyectos al concursu de productores cinematrográfiques moces qu’organiza’l Festival Internacional de Cine de Xixón, el Conseyu de la Mocedá del Principáu d´Asturies y Ciudad Tecnológica Valnalón. Esta convocatoria ta destinada a xente d’ente 16 y 26 años que tengan un proyectu de productora pa participar nel concursu de “Nun nos cuentes películes, failes”, con un documental”. La dotación económica pa los dos ganadores ye de 3.500 euros cada premiu.

Los cursos van llevase al cabu n’Uvieu y Xixón los sábados 12, 19, 26 d’abril y 3 de mayu, ente les 10:00 y les 14:00 hores. Nel Conseyu de la Mocedá del Principáu d´Asturies, al travies del númberu de telefonu 985 250 065 y de la dirección de correu info@cmpa.es, pue alagamase más información. Tamien ufren infoamción sobre esta convocatoria na Ciudad Tecnológica Valnalón, nel telefonu 985 692 227 o na dirección nonoscuentespeliculas@valnalon.com.

El Centru Asturianu de Madrid va acoyer güei, xueves 6 de marzu, a les ocho la tarde, la presentación del llibru “Iglesias, Santuarios, Capillas y Ermitas del Cuarto de los Valles (Tineo)” del que son autores Emilio Pérez García y José Luis Pérez. Va empobinar l’actu, el pintor Manuel García Linares.

El 12 de marzu l’asociación xuvenil “El Turullu” entama un “Cursu de Llingua Asturiana”. Va facese na Casa de La Xuventú de Sotrondio, tolos miércoles y xueves de 18:30 a 20:30. Daráse certificáu, ye gratuitu y pue apuntase tou aquel que quiera. Pa más entrugues pue llamase al 645 970 198 (Anabel).

Ya ta dosponible na web del Teatru Xovellanos de Xixón tola información necesaria p’apuntase a la edición d’esti añu del programa d’actividaes “Arte en la Calle” nes modalidaes nes modalidaes artístiques de música, circu, danza y teatru. El plazu pa que cualquier grupu o interprete unvie la so solicitú entama el 3 de marzu y fina’l el 31 d’esi mesmu mes, nes oficines del Teatru Xovellanos (Casa de la Palmera, C/ Cabrales, 82 – 33201, Xixón).

Más información na web del Teatru Xovellanos

Güei a les siete y media la tarde va entamase un recital qu’amesta música y poesía y que ta organizáu pol poeta y animador cultural Armando Vega nel hestóricu chigre Trisquel de Xixón. El recital va cuntar cola presencia de dellos autores xixoneses.

El Conceyu de Laviana ta acabante d’abrir una nueva convocatoria pal concursu lliterariu “Érase una vez”, empobináu a favorecer la creación (tantu n’asturianu como en castellanu) na rexón ente xóvenes de 14 a 35 años. El plazu pa la presentación de los trabayos, que van poder ser de tema llibra anque va valorase sobre manera aquellos que traten sobre los problemes de la mocedá, fina’l 4 d’abril. El premiu na categoría de 14 a 18 años ye de 150 euros y na de 19 a 35 años, de 420 euros.

Más información

El Conceyu de Xixón, xunto col madrileñu Cafe Gijón y Cajastur, ta acabante d’abrir el plazu pa presentar obres a una nueva edición del premiu de novela en castellanu “Cafe Gijón”. Los trabayos puen presentase hasta’l 30 d’abril al travies de la Oficina Virtual del Ayuntamientu de Xixón o por correu postal ya’l premiu pa la obra ganadora ye de 18.000 euros.

Bases del concursu

La editorial Trabe, que cambió de manes apocayá, ta acabante de rematar les reformes sobre la so Llibrería Asturiana, asitiada na Cai Padre Buenaventura de Paredes 4, n’Uviéu. Pa festexar la reapertura del negociu, güei vienres a les siete y media la tarde convida a un vinu a los veceros que s’acerquen pola celebración.

La conceyalía de Cultura del Ayuntamientu de Ribeseya ta acabante d’abril el plazu de presentación de obres al primer premiu de cuentu eróticu n’asturianu. “Arbidel”. Esti certame va ser el primeru en llingua asturiana que se fai nel conceyu y garra’l nome del poema postumu de Pin de Pria, “La fonte’l cai”. El plazu d’entrega de los cuentos (que tienen qu’unviase al Ayuntamientu de la llocalidá) fina’l 15 d’abril y los premios van ser de 1000 euros pal ganador y 300 pal segundu.

L’Asociación “Mujeres Jóvenes” entamó’l concursu “Cuentanos tu propio San Valentín y San Valentina”. L’oxetivu de les organizadores ye, según informen en nota de prensa, fomentar la reflexón artística sobre la visión estereotipoada que se tiene del procesu de namoramientu. El plazu pa presentar obres fina’l 29 de febreru, el fallu del xuráu va tener llugar el 3 de marzu y la entrega de premios el 7 de marzu. Al concursu puen presentase cuentos, poesíes, canciones, pieces de teatru y cualquier tipu de narración ensín importar la estensión

Los premios van ser: un fin de selmana pa dos persones nun hotel rural d’Asturies y 200 euros pa la obra ganadora y una cena pa dos persones y 100 euros pa la segunda clasificada. Los trabayos puen unviase a la dirección de correu ellectrónicu sexosinduda@hotmail.com y por correu postal o en persona na sede de l’asociación n’Uvieu (C/General Elorza, 68, 6ºB, 3300)