Convocatories

La escuela de tiempu llibre “Abierto Asturias” convoca un cursu de monitor de tiempu llibre col que se consigue’l títulu oficial del Principáu nesta materia. El cursu entama’l 5 de mayu y va cuntar con 150 hores teóriques y 80 hores de práctiques , por 150 euros.

La escuela ufierta la posibilidá d’escoyer trés horarios: De mañanes, de llunes a vienres; de tardes, de llunes a vienres; y les fines de selmana. Les práctiques son posibles nes actividaes de la mesma escuela.

Pa más información o inscripciones ha llamase al teléfonu 985 510 463 o parar per cai Ruiz Gómez, 23 1º izda, Avilés.

La Conceyalía de Cultura Tradicional y Llingua Asturiana del Conceyu de Xixón, nel so enfotu de facer alcordanza de la figura de Federico González-Fierro Botas convoca otra vegada’l Premiu d’Ensayu “Fierro Botas” que tien comu plazu final de presentación esti próximo 31 d’agostu.

Esti premiu empobínase a aquelles obres d’ensayu, o trabayos d’investigación, nos que se recueyan los siguientes ámbitos: investigación sobre la cultura asturiana; investigación sobre la cultura rusa o eslava; la memoria social y colectiva de los pueblos rusu y asturianu; la memoria social y colectiva de Xixón.

El premiu ye de 4.000 euros ya inclúi la publicación de la obra. Les primeres dos ediciones ganóles Rafael Rodríguez Valdés por “Discursos llingüísticos y movimientu obreru na Asturies decimonónica” y Javier Cubero de Vicente por “Del romanticismu al rexonalismu: escritores carlistes na lliteratura asturiana”.

Bases completes

El grupu Cálamo y la Sociedá Cultural Gesto convoquen la XXV edición d’esti premiu dotáu con 300 euros y la publicación de la obra. Los poemarios han de tar en castellán y tener una estensión de 300 a 500 versos. El plazu pa presentar les obres remata’l 22 de setiembre. Les obres han mandase al apartáu de correos 88, 33200-Xixón. Esiste un teléfonu pa plantegar duldes alredor de la convocatoria, el 667 253 403.

Como cada añu, Xenta Gai Astur, convoca’l concursu de cartelos del que va salir l’escoyíu p’anunciar la xornada reinvindicativa del 28 de xunu, el Día Internacional de Lesbianes, Gais, Transexuales y Bisexuales o Día del Arguyu.

El tema del cartelu habrá facer referencia a la celebración del 28 de xunu, ya incluyirá los vinientes testos: «28 de xunu», «Día internacional de lesbianes, gais, transexuales y bisexuales», l’añu de la edición, nesti casu, «2010» y el lema oficial de les celebraciones d’anguaño «Pola igualdá trans».

Los cartelos presentaos sedrán trabayos orixinales ya inéditos. Cada concursante podrá presentar cuantos trabayos deseye. Habrá un únicu premiu de 300 euros pal cartel ganador. El concursu podrá ser declaráu ermu.

L’autor o autora del cartel ganador vencerá tolos sos derechos -sacantes el d’autoría- sobre’l cartelu a l’Asociación XENTE LGTB ASTUR, qu’editará’l trabayu premiáu como cartelu anunciador del 28 de xunu de 2010 y en el qu’incluyirá’l so propiu llogotipu y los llogotipos de les instituciones que collaboren con XEGA.

El tamañu del cartel será como mínimu DIN A4 y como máximu DIN A1 y podrá presentase en cuantos colores deseye l’autor. El plazu de presentación de carteles rematará’l 10 de xunu de 2010, a les 20:00 hores. Los trabayos unviaránse o apurriránse na sede de XEGA n’Uviéu, Cai Gascona, 12 – terceru, 33001.

Bases completes

La Fundación Secretariáu Xitanu entama esta esposición del 19 al 23 d’abril nel Cibercentru de La Lila, na 17 de la cai La Lila. Pue visitase de 17 a 19 hores y consiste nuna panorámica de la hestoria del pueblu xitanu afitada por testos, imáxenes y oxetos. Amás, güei llunes 19 d’abril, va proyectase’l documental San Romnia, nel cibercentru de La Lila y a partir de les 17 hores.

El 22 d’abril, un día enantes del Día del Llibru, va celebrase nel mesmu llugar un cuentacuentos, a les 17 hores.

La Sociedá Cultural Gesto convoca esta Amuesa a la que pueden presentase trés semeyes en blancu y negru o color d’un tamañu ente 24X30 y 30X40 cm. Hai un premiu de 200 y otru de 100 euros, remantando’l plazu’l 22 de setiembre. Los unvios tienen de faese a Grupu Fotográficu Man Ray de la Sociedá Cultural Gesto. Apartáu 88, 33200 de Xixón. Pa más información pue llamase al teléfonu 667 253 403.

Los chigre Trisquel y Dompedro de Xixón van celebrar dos nueches de monólogos y rock con Carlos Alba y el so espectáculu “Caleya Urbana”. El xueves 15 d’abril, a partir de les diez de la nueche, l’espectácului entama nel Trisquel, y el sábadu 17, a les 22:30 hores nesta ocasión, entama una “folixa republicana” nel Dompedro, cola participación de Toli Morilla.

La duración de les beques va ser dende la fecha de nomamientu hasta’l 31 d’avientu, pudiendo prorrogase al exerciciu siguiente siempres que fuera necesario. Les solicitúes pa participar na presente convocatoria van topase a disposición de los interesaos na Unidá de Convenios y ayudes del Vicerrectoráu d’Estudiantes y Empléu, asitiáu na cai González Besada, 13 y na web de la institución.

Los becarios van recibir en conceptu d’ayuda pa la so formación la cantidá de doscientos cincuenta euros brutos mensuales, con una dedicación de quince hores selmanales que se distribúin en función de les necesidaes de la Biblioteca correspondiente y del horariu de clases del becariu. Les solicitúes tienen de presentase hasta’l 14 d’abril.

Bases nel BOPA http://festivalasturiasjoven.es/festival-coral-2010/

La Compañía Asturiana de Zinc S.A.(AZSA), en collaboración cola Universidá d’Uviéu, convoca la Primer Edición del Premiu AZSA d’Investigación creáu a reconocer y potenciar les iniciatives de mozos investigadores y tecnólogos, pente medies de la financiación d’una estancia nun Centru d’Investigación o Centru Tecnolóxicu de reconocíu prestíu nel estranxeru, escoyíu por el mesmu investigador. El plazu pa la presentación de solicitúes ta abiertu hasta’l 9 d’abril de 2010.

Nel Boletín Oficial del Principáu d’Asturies de 27 de marzu del 2010 publicóse la convocatoria conxunta de subvenciones pa la normalización social del asturianu y, nel so ámbitu, del gallego-asturianu, en réxime de concurrencia competitiva y dirixíes a estudios, asociaciones, empreses, actividaes cinematográfiques, música y medios de comunicación.

Bases completes de les sovenciones