Convocatories

La Sociedá Popular La Regalina tien abiertu’l plazu del so premiu de poesía, dedicáu a la figura del Padre Galo (1884-1939), clásicu de la lliteratura asturiana hasta’l 16 de xunetu. Al concursu pueden presentase poemarios en llingua asturiana, con un mínimu de 275 versos. Los trabayos han mandase a la Sociedá, que ta asitiada nel Casinu de Cadavéu, na cai Curión e/n.

El premiu consiste en 1.300 euros y la posibilidá de publicar el poemariu . El premiu pue quedar ermu, conociéndose’l resultáu del xuráu, el 7 d’agostu, aniversariu del ñacimientu del Padre Galo.

Nos últimos años ganaron autores como Héctor Pérez Iglesias, Rubén d’Areñes, Carmen Guardado, Berto García o L.luis Fernández, ente otros.

Yá queden pocos díes pa inscribise na prueba de conocencia básica de llingua asturiana, qu’organiza l’Academia de la Llingua pa toles persones interesaes n’acreitar el so nivel de conocencia del asturianu.

La prueba va facese’l sábadu 29 de mayu, con una estaya llingüistica y una estaya de llingua y sociedá, y cuntando, amás, con parte escrita y falada.

Los interesaos pueden apuntase n’alla@asturnet.es, nel llar de l’Academia, cai Marqués de Sta Cruz, 6-2º-Uviéu o nel teléfonu 985 211 837, hasta’l xueves 27.

El Conceyu d’El Franco convoca una plaza d’informador turísticu per trés meses de branu, con una xornada completa. Pídese diplomatura universitaria, faciéndose la selección pente medies de valoración de CV y entrevista. El plazu de solicitú remata’l 28 de mayu y les bases tán tamién na páxina del Conceyu d’El Franco.

Yá ta abiertu’l plazu pa presentase a la prueba de conocencia básica de llingua asturiana, qu’organiza l’Academia de la Llingua pa toles persones interesaes n’acreitar el so nivel de conocencia del asturianu.

La prueba va facese’l 29 de mayu, con una estaya llingüistica y una estaya de llingua y sociedá, y cuntando, amás, con parte escrita y falada.

Los interesaos pueden apuntase n’alla@asturnet.es, nel llar de l’Academia, cai Marqués de Sta Cruz, 6-2º-Uviéu o nel teléfonu 985 211 837, hasta’l 27 de mayu.

La Dirección Xeneral de Política Llingüísticavieno acabante de convocar esti día los premios de creación lliteraria en llingua asturiana qu’inclúin el de novela, novela xuvenil, poesía, ensayu y cómic y que cuenten con una dotación de 7.000 euros caún. El plazu de presentación finará’l próximu día 10 de setiembre.

Los premios convocaos son como tolos años el ‘Xoxefa Xovellanos’ de novela, el ‘María Josefa Canellada’ de lliteratura infantil y xuvenil, el ‘Máximo Fuertes Acevedo’ d’ensayu, el ‘Xuan María Acebal’ de poesía, y ‘Alfonso Iglesias’ de cómic. En tolos casos, los trabayos han tar escritos en llingua asturiana, han ser orixinales, inéditos y acordies cola normativa ortográfica de l’Academia de la Llingua.

La conseyería resérvase’l derechu de publicar la primer edición de cada trabayu ganador.

Más información na web de la Dirección de Política Llingüística

La Sociedá Popular La Regalina convoca otra vegada más el so premiu de poesía, dedicáu a la figura del Padre Galo (1884-1939), clásicu de la lliteratura asturiana. Al concursu pueden presentase poemarios en llingua asturiana, con un mínimu de 275 versos. Los trabayos han mandase a la Sociedá, que ta asitiada nel Casinu de Cadavéu, na cai Curión e/n, enantes del 16 de xunetu.

El premiu consiste en 1.300 euros y la posibilidá de publicar el poemariu . El premiu pue quedar ermu, conociéndose’l resultáu del xuráu, el 7 d’agostu, aniversariu del ñacimientu del Padre Galo.

Nos últimos años ganaron autores como Héctor Pérez Iglesias, Rubén d’Areñes, Carmen Guardado, Berto García o L.luis Fernández, ente otros.

Güei, xueves 13 de mayu, a les ocho la tarde, l’Atenéu Obreru de Xixón, va acoyer nel so llar de la cai Cuadonga, la presentación del últimu númberu publicáu (el 24) de la Revista d’Arte y Lliteratura Lunula. L’actu va contar cola participación de Sibisse Rodríguez Sánchez (escritora y redactora) y de Rosario Hernández Catalán (escritora y collaboradora). La dirección de la revista cuerre a cargu de Jesús R. Castellano y de Sibisse Rodríguez Sánchez.

Nesti númberu hai collaboraciones de Timón Seibel, Francisco Javier Ávila, Nuria Cubas, Libertad Kaiser, Pablo Matilla, Sofía Castañón, Álvaro Escriche, Vicente García, Miranda Grace, Karlota Arbizu, Jorge García Colmenar, Francisco Valero, Rosario Hernández Catalán, Isaac del Valle, Sibisse Rodríguez, José Ramón Alarcón, Xuan Carlos Crespos, Marcelino Marichal, Juana Munuce, Pilar Pomares, Ramón Hernández Armas, José María Lizundia, Ánghel Morales, Chus Matos y Antonio Arroyo Silva.

El IX Concursu de Narraciones Curties Conceyu de Llaviana yá tien abiertu’l plazu pa presentar trabayos, éstos, tanto en prosa como en versu, han tar redactaos en llingua asturiana, respetando les normes ortográfiques y gramaticales de l’Academia de la Llingua Asturiana, con un llargor máximu de 10 fueyes. Los cuentos tienen de ser inéditos, non premiaos n’otros concursos lliterarios y ensin tar suxetos a nengún compromisu d’edición. El tema ye llibre valorándose los trabayos que recueyan tradiciones, costumes, llugares, fechos, paisaxe d’Asturies y, sobre manera, del conceyu de Llaviana y el Valle del Nalón. Les obres tienen de remitise, en sobre zarráu, al Serviciu de Normalización Llingüística de Llaviana (Plaza Armando Palacio Valdés, 1) enantes del vienres 4 de xunu. Establécense tres premios, el primeru con una dotación de 600 euros, el segundu con 300 y l’últimu con 150. La entrega de premios va ser el día 13 de xunu de 2010, coincidiendo cola celebración del V Festival de la Sidra de Llaviana. El xuráu va tar integráu por José González Díaz, responsable de la Conceyalía de Promoción del Asturianu; María García Fernández, responsable del Serviciu de Normalización Llingüística; Pablo Xuan Manzano Rodríguez, miembru de l’Academia de la Llingua Asturiana; y dos persones venceyaes a la promoción de la llingua asturiana. Conceyu de Llaviana vieno acabante abrir el plazu pa presentar trabayos tanto en prosa como en versu, redactaos en llingua asturiana. Los trabayos tienen de respetar les normes ortográfiques y gramaticales de l’Academia de la Llingua Asturiana, con un llargor máximu de 10 fueyes y tienen de ser inéditos, non premiaos n’otros concursos lliterarios y ensin tar suxetos a nengún compromisu d’edición.

El tema ye llibre valorándose los trabayos que recueyan tradiciones, costumes, llugares, fechos, paisaxe d’Asturies y, sobre manera, del conceyu de Llaviana y el Valle del Nalón. Han remitise, en sobre zarráu, al Serviciu de Normalización Llingüística de Llaviana (Plaza Armando Palacio Valdés, 1) enantes del vienres 4 de xunu.

El concursu tien tres premios: el primeru con una dotación de 600 euros, el segundu con 300 y l’últimu con 150. La entrega de premios va ser el día 13 de xunu de 2010, coincidiendo cola celebración del V Festival de la Sidra de Llaviana.

Los cursos van dase n’Uviéu, na cai Foncalada 34, 1u B, y tán centraos na iniciación a la fotografía y la Iniciación al Photoshop (retoque fotográficu), del 11de mayu al 9 de xunu peles tardes.

Les clases van ser impartíes pol fotógrafu Cristobal Rovés, ganador del Certame Nacional d’Arte de L.luarca. El preciu de cada cursu ye de 90 euros. Más información al traviés del corréu electrónicu danteasturias@gmail.com o bien llamando al tfnu. 985 211 235. El plazu d’inscripción llega hasta’l 10 de mayu.

L’Institutu de Prevención de Riesgos Llaborales convoca esti concursu de vidios refiriéndose a los riesgos llaborales p’alumnos y alumnes de formación profesional inicial. Ente los premios, una cámara dixital pa los alumnos y dellos materiales de prevención pal centru docente. Los candidatos tienen de dir respondíos por un docente, remantando’l plazu’l 14 de mayu. Les bases completes tán nel BOPA de 22 de marzu.