Conceyos

El Conceyu de Xixón celebra la Selmana de la Ciencia del Xardín Botánicu Atlánticu del 9 al 14 de payares. Sol títulu ‘La salú de les plantes, ye la to salú’, va tar dedicada a la Sanidá Vexetal.

¿Hasta qué puntu l’accesu xeneralizáu a internet y l’usu masivu de dispositivos de comunicación móviles camudónos la vida?, con esa entruga entamaben esti martes nel Centru Cultural Antiguu Instiutu de Xixón les Xornaes sobro futuru y tecnoloxía que van desenvolvese hasta’l vienres.

Ensin duldes, estes nueves tecnoloxíes fueron forxando tresformamientos sociales que merez la pena analizar. Influyeron notablemente na forma de rellacionanos, na manera nel que se produz y apuértase a la información (y a la desinformación) o na manera na que s’apriende y tresmítese la conocencia. Modificó los nuesos vezos d’ociu y de consumu. Nel ámbitu económicu, el “big data” abrió nueves oportunidaes de negociu, de la que punxo en riesgu la privacidá de los as ciudadanos/as y la protección de los nuesos datos personales. Y en un contestu nel que la sociedá ta permanentemente conectada, l’usu constante d’internet convirtióse pa munchos nuna necesidá irrenunciable.

Nestes Xornaes pretende analizase l’impactu que les meyores tecnolóxiques tán induciendo na nuesa sociedá, y refundiar lluz sobro les oportunidaes y riesgos qu’ello trai. Nesti contestu, van encetase les potenciales aplicaciones del “big data” y l’intelixencia artificial, van tratase aspeutos rellacionaos cola privacidá y la vixilancia na rede, va ponese’l focu sobro la forma en qu’internet puede contribuyir a la desinformación y van valorase los posibles adicciones acomuñaes a les nueves tecnoloxíes.

Centru de Cultura Antiguu Institutu Cuando:
Hasta’l 5 de payares de 2021

Más información

La Universidá Popular va volver al formatu presencial el próximu 8 de payares. La conceyalía d’Educación publicó la selmana pasada la llista d’alumnos almitíos nos  distintos cursos ufiertaos pol Conceyu, por que procedan nel plazu de cuatro díes llaborables al pagu de la matrícula y asina poder afaer el Conceyu’l númberu d’inscritos coles plaza ufiertaes.