Conceyos El Bloque por Asturies pide que lasturianu tenga más presencia en Xixón by asturnet 11 de febreru, 2011 El Bloque por Asturies de Xixón pide dalgún xestu en política llingüística a lalcaldesa de Xixón, Paz Fermández Felgueroso. Pa ello, dende la organización poĺítica faen dos propuestes rellacionaes col usu de topónimos yá oficiales nel Conceyu, como son el propiu nome de la ciudá y el de La Plazal Parchís, que ta a piques de quedar rematada dempués dunes obres de remocique y que podría recuperar agoral so nome tradicional, y oficial. Estes son, en detalle, les propuestes del Bloque: La primera, referente a les ´lletrones´ que van ser imaxen turística de la ciudá. Volvemos a recordá-y a la señora alcaldesa que`l topómimu Xixón tamién ye oficial nel nuesu conceyu, polo que la encamentamos a facer les xestiones necesaries pa que la ciudá disponga tamién d`otres ´lletrones´ con ésti otru topónimu, pa que pueda ser imaxen de la nuesa ciudá y pa que, per un lláu los y les xixoneses vean espeyada la nuesa realidá llingüística, y d`otru lláu aquelles persones que nos visiten conozan esa realidá y seyan conscientes della. -La segunda refiérese a una cuestión de ´toponimia popular´. Coles obres yá casi remataes y a piques de la so reinaguración, pedímos-y a Paz Fernández y al so equipu de gobiernu que busquen y lleven a la realidá la fórmula pa que la Plaza del Institutu vea reconocía, mediante una placa o cualesquier señal indicativa, que`l nome popular d`esta plaza y pol que la conoz tol mundu, tanto habitantes como visitantes del conceyu, ye`l de ´Plaza`l Parchís´ Unos xestos que califiquen de bien cenciellos y quel Bloque por Asturies vería como perpositivos pa siguir afondando na política de normalización llingüística que dende hai unos años vien desarrollando esti conceyu. 11 de febreru, 2011 0 FacebookTwitterPinterestEmail
Conceyos Darréu nun quier que se construya un muséu de laviación nAsturies by asturnet 10 de febreru, 2011 El conceyu de Darréu en Llangréu treslladó a los medios el so refugu ali proyectu de construyir en La Felguera un Muséu dedicáu a la aviación y al exércitu. Camienten que ye un nuevu despilfarru que carez d’ética y xaciu, colo que consideren con una situación conflictiva que nun paez llegar al so fin y unes perspectives de futuru económicu nules. El proyectu presentóse de forma oficial va unos díes col que califiquen de preocupante sofitu del Ayuntamientu y l’Exércitu del Reinu d’España al Círculo Aeronáutico Jesús Fernández Duro, asociación que fai d’empobinadora. Pa Darréu ye una nueva humildación pa los ciudadanos llangreanos y de les cuenques pues esti tipu de museos nun puen iguar la llaceria social que viven los nuesos conceyos. Califiquen el proyectu de militarista y bélicu y albidren que nun ye natural facer esti muséu nun conceyu onde nun hai dengún tipu de tradición de aviación militar. Lo que respuende según darréu a la intención dimponer esti modelu d’Estáu militarista que ye España nos llugares del país asturianu onde menos raigañu tien l’exércitu, cuntando’l cuasi nulu puxu que tien n’Asturies. 10 de febreru, 2011 0 FacebookTwitterPinterestEmail
Conceyos Abiertu’l plazu pa inscribise nun cursu d’asturianu en Xixón by asturnet 8 de febreru, 2011 El Conceyu Universitariu pol Asturianu (CUPA) abrel plazu papuntase al so I Cursu Básicu dAsturianu del CUPA, una esperiencia formativa quentama en collaboración cola Academia de la Llingua Asturiana y Caxa Rural y que va celebrase nel conceyu de Xixón ente marzu y mayu. El cursu, que se va facer na sede del Conseyu de la Mocedá de Xixón (Avda. Manuel Llaneza 68), va entamar en marzu y va cuntar con 35 hores llectives. Lhorariu que se plantega, a falta de apautalo colos alumnos, ye los llunes y miércoles de 19 a 21 hores. El preciu de la inscripción ye de 25 euros, incluyendo los materiales necesarios pa llevar alantrel cursu, comol manual Xeitu, que va sirvir de guía pal cursu y quasoleyó lAcademia de la Llingua Asturiana. Les inscripciones pueden facese nel corréu lletrónicu conceyuasturianu@gmail.com o nel teléfonu 615 982 816, hastal 27 de febreru de 2011. Dendel CUPA animen a participar nesti cursu “que va sirvir pa dar una conocencia básica y adaptada al nivel del alumnáu de la llingua asturiana”, deprendiendo les normes ortográfiques, vocabulariu y otres cuestiones, con unes clases “amenes que van apoyase nelementos audiovisuales, trabayando tamién cuestiones rellacionaes cola sociollingüística y la cultura asturianes”. Información del cursu 8 de febreru, 2011 0 FacebookTwitterPinterestEmail
Conceyos Celébrase la Selmana de lAula Popular José Luis García Rúa by asturnet 7 de febreru, 2011 El Centru de Cultura Vieyu Institutu acueye, demientres el mes de febreru, la XV Selmana de l’Aula Popular José Luis García Rúa. Esta selmana ufiértense delles actividaes: -Llunes 7, salón d’actos, 19:30 h. “¿Por qué los medios de comunicación españoles aburuyen la realidá d’América Llatina y El Caribe?”, al cargu de Roberto Montoya. -Martes 8, salón d’actos, 19:30 h. “Guerra y control de la información”, con Javier Couso.   -Miércoles 9, salón d’actos, 19:30 h. “Situación de los medios de comunicación n’Asturies”, cola participación de Xuan Cándamo (Atlántica), Vicente Bernaldo de Quirós (El Comerciu) y Pablo Elorduy (Diagonal). -Xueves 10, salón d’actos, 19:30 h. “La revolución semiótica, arma pesada del sistema: medios y globalización”, por José Luis García Rúa. -Vienres 11, sala de conferencies, 19:30 h. “Kaos na Rede: contrainformación anticapitalista plural”, al cargu de Manel Márquez. La entrada ye de llibre asistencia. 7 de febreru, 2011 0 FacebookTwitterPinterestEmail
Conceyos Ponga súmase a los conceyos cola toponimia tradicional oficializada by asturnet 3 de febreru, 2011 El Conseyu de Gobiernu dAsturies aprobó esti miércoles el decretu qu’establez los topónimos tradicionales del conceyu de Ponga como oficiales. Siegue asinal camín pa la oficialización de la toponimia asturiana, nel quotros catorce conceyos entamaron yá dalgún pasu del procesu, mientres otros quince entá nun ficieron la petición dentamar les xestiones alministratives. Nos próximos díes el BOPA va espublizar el llistáu nuevu de topónimos de Ponga, afitando perdafechu la so validez. 3 de febreru, 2011 0 FacebookTwitterPinterestEmail
Conceyos Patrimoniu pide cuentes al Conceyu de Noreña pola ponte d’El Rebalde by asturnet 2 de febreru, 2011 Consecuencia d’una denuncia dAndecha Astur, la Comisión Permanente del Conseyu de Patrimoniu Cultural de Asturies solicitó-y un informe al Conceyu en rellación cola situación de la ponte ferroviaria del s.XIX, desmontada va 15 años y n’estáu d’abandonu. Andecha Astur congratúlase de que por fin dalguna instancia sesmoleza d’esti grave y vergoñosu casu, que lleva denunciando dende va años la orgnización nacionalista. Dende la formación tán convencíos de que el Conceyu va tener un papelón al contestar a les cuestiones a les que tien de responder l’informe teniendo difícil esconder énte Patrimoniu daqué qu’amazcare esti atentáu cultural del que son complices tantu’l gobiernu actual como anteriores. Amás recuerden que l’actual Alcalde, Cesar Movilla, agora del PSOE, foi responsable de cultura mientres munchos años nos gobiernos d’Aurelio Quirós. Andecha Astur Noreña anuncia que va siguir el casu de cerca y presionar tolo posible onde seya necesario pa salvar esti importante patrominiu noreñense y asturianu. 2 de febreru, 2011 0 FacebookTwitterPinterestEmail
Conceyos Asoléyasel númberu 2 de la revista Grado-Grau: villa y alfoz by asturnet 1 de febreru, 2011 La Conceyalía de Cultura del Conceyu de Grau y el Círculu dEstudios Pramarenses presentaron esti vienres pasáu la revista dhestoria llocal Grado-Grau: villa y alfoz, na Casa Cultura del conceyu. Nesti númberu apaecen los siguientes artículos: -Memorias de un emigrante del siglo IX de Francisco Montesinos (Presidente de la Fundación Vital, Profesor d’Institutu y estudiosu de la hestoria llocal). La tema central ye’l conceyu de Grau nel sieglu IX, un documentáu trabayu de les víes de comunicación de la dómina, les vientes, capielles y característiques del Grau d’aquella centuria con abondoses cites y documentación hestórica. -Francisco y José María de la Laguna y Cañedo de Francisco Feo Larrondo (Universidá Autónoma de Madrid). -Lleendas del Castiellu San Xulián de Belandres d’Alberto Álvarez Peña (etnógrafu ya ilustrador). -Una vista atrás: Grao en los años 50: 25 semeyes de cais y llugares de Grau (fondos del Archivu Hestóricu Municipal de Grau). 1 de febreru, 2011 0 FacebookTwitterPinterestEmail
Conceyos El Conseyu de la Muyer de la Comarca de la Sidra busca llogotipu by asturnet 26 de xineru, 2011 El Conseyu Comarcal de Muyer Comarca de la Sidra precisa d’una imaxe gráfica polo que convoca un concursu de diseñu de llogotipu. El premiu ye de 300 euros y el plazu de presentación remata’l 18 de febreru. Bases completes del concursu 26 de xineru, 2011 0 FacebookTwitterPinterestEmail
Conceyos Grau celebra les IV Xornaes d’Estudios Llocales by asturnet 18 de xineru, 2011 Les xornaes, que viene celebrándose dende’l pasáu mes d’ochobre complétensel próximu vienres 28 de xineru cola presentación del númberu 2 de la revista Grau-Grado, Villa y Alfoz. Lactu va celebrase a les ocho la tarde na Sala Polivalente de la Casa Cultura de Grau, 18 de xineru, 2011 0 FacebookTwitterPinterestEmail
Conceyos El Conceyu de Llanes convoca una plaza darquiteutu by asturnet 12 de xineru, 2011 El Conceyu de Llanes convoca una plaza d’arquiteutu con calter d’interinidá hasta que seya cubierta, de manera definitiva, cola Ufierta Pública d’Empléu de 2010. La prueba d’oposición va ser eliminatoria y quien aprueben pasen a la fase de concursu. El plazu de solicitú remata’l 21 de xineru. Bases completes del concursu nel BOPA 12 de xineru, 2011 0 FacebookTwitterPinterestEmail