Comunicación

El programa “Con 2 de azucar” lleva meses buscando artistes asturianos dientro de la sección “Yes un artista”. Dempués de delles semifinales, güei martes a les diez de la nueche, Elena Reales y Juan Luis Mas van presentar un especial nel que va escoyese al ganador del programa. Nesta gala van emitise dellos vidioclips nos que los presentadores de dellos programes de la TPA van cantar y baillar al ritmu de los ésitos del añu. Ente ellos, Mercedes Menéndez, Inaciu Galán, Tante Blanco y Milio’l del Nido,presentadores del programa diariu n’asturianu Al Aldu.

El grupu formáu polos presentadores d’Al Aldu cunta coles voces de Mercedes Menéndez, Inaciu Galán, Milio’l del Nido y Tante Blanco y el tema escoyíu ye “Na caleya”, del grupu La Bandina, unu de los ésitos del añu que versionen los presentadores de la TPA con un vidiu que se grabó va unes selmanes na azotea del Hotela Abba de Xixón. Amás de los presentadores d’Al Aldu participen los presentadores del tiempu, Luján Argüelles o l’equipu de Conexión Asturias. La cita, esti martes na TPA.

El programa “Con 2 de azucar” lleva meses buscando artistes asturianos dientro de la sección “Yes un artista”. Dempués de delles semifinales, esti martes, primer día del añu 2008, a les diez de la nueche, Elena Reales y Juan Luis Mas van presentar un especial nel que va escoyese al ganador del programa. Nesta gala van emitise dellos vidioclips nos que los presentadores de dellos programes de la TPA van cantar y baillar al ritmu de los ésitos del añu. Ente ellos, dalgunos de los presentadores del programa diariu n’asturianu Al Aldu.

El grupu formáu polos presentadores d’Al Aldu cunta coles voces de Mercedes Menéndez, Inaciu Galán, Milio’l del Nido y Tante Blanco y el tema escoyíu ye “Na caleya”, del grupu La Bandina, unu de los ésitos del añu que versionen los presentadores de la TPA con un vidiu que se grabó va unes selmanes na azotea del Hotela Abba de Xixón. Amás de los presentadores d’Al Aldu participen los presentadores del tiempu, Luján Argüelles o l’equipu de Conexión Asturias. La cita, esti martes na TPA.

Esti domingu 23 retresmitióse en directu la Gala de la Canción Asturiana na televisión autonómica asturiana, la TPA. El programa presentáronlu Sonia Fidalgo y Xosé Ambás n’asturianu, como yá ficieren va dellos meses col Memorial Silvino Argüelles de Tonada. Los resultaos de l’audencia acompañaron a esti espaciu nel que participaron artistes como Carlos Rubiera, el grupu Verdasca o Anabel Santiago.

Un 9,5% d´audiencia y 9.000 espectadores recibió la gala dende Mieres. El tercer programa con más porcentaxe del día na TPA, dempués de la película “Pistoleros del Infierno” (9,7%) y la primer edición del teledariu (9,6%). Un datu bien interesante teniendo en cuenta que la media del día foi del 6,5%.

La sala cultural Cajastur del Teatru Campoamor d’Uvieu agospia hasta’l prósimu 6 de xineru la amuesa de semeyes “La Asturias revelada”, que repasa en setenta fotografíes los acontecimientos más importantes de los últimos 25 años nel panorama cultural y social asturianu según la óptica de l’axencia EFE. Esta amuesa, organizada por Cajastur, bebe del archivu de semeyes del serviciu de noticies español. el cual ta dixitalizáu gran parte pa la ocasión, según informó la Directora de Documentación d’EFE, Concha Tejedor.

Ente los archivos gráficos que formen parte d’esta esbilla destaquen los que narren dellos aspectos de la sociedá civil y la cultura como’l descensu del Sella y otres como les del conflictu llaboral en Naval Xixón y en Duro Felguera, la del primer discursu públicu de don Felipe de Borbón o la del Papa Juan Pablo II na visita a Cuadonga. Dempues del 6 de xineru l’amuesa va treslladase a varios centros asturianos d’otres comunidaes autónomes.

La esposición entamó durante la celebración n’Uvieu (el pasáu 11 d’avientu) de la III Conferencia Mundial de Directivos d’EFE. Nesti eventu cásique un cientu de directivos de la empresa en tol mundiu aldericaron alredor de les estratexes y proyectos d’esti mediu de comunicación en 2008, y evaluaron el trabayu fechu en 2007.

El primer premiu salía esti añu p’hacia les once la mañana y diba pa los conceyos asturianos d’Avilés, Nava y Llanes col númberu 06381. El gordu de Navidá torna asina a Asturies dempués de munchos años ensin llegar. El segundu premiu recayó nel 55.469

Los premios repartiéronse de la siguiente manera. En Nava, na alministración de la cai Luis Armiñán 17 vendiéronse 90 series. En Llanes, na almistración de la Cai Marqués de Cañillejas vndiéronse 900 décimos, que fueron compraos por dos peñes y n’Avilés 14 series en 150 décimos, na alministración númberu 5, asitiada na cai Rivero, 31.

L’alministración númberu 2 de Llanes repartió 45 millones d’euros d’esti premiu gordu de la Llotería de Navidá, que nun cayía n’Asturies dende va 19 años.

Acaba de salir un quintu premiu en La Felguera, el númberu ganador del premiu ye’l 11.654. Otru premiu nuevu que se suma a la lluvia de millones que vive Asturies nesta xornada del sortéu de Navidá.

La Televisión del Principáu d’Asturies (TPA) presentó ayeri la programación especial que va emitir esta Navidá pa celebrar les fiestes y el so segundu aniversariu d’emisiones con tolos asturianos que va incluyir programes especiales, deportes, cine y conciertos. Ente los programes ta previstu ún especial de fin d’añu coles principales noticies y acontecimientos qu’ufrieron los servicios informativos de la TPA Noticies a lo llargo del 2007.

Los vecinos de Morea, Pueblu Exemplar 2007 de la Fundación Príncipe d’Asturies, son los progatonistes de la tresmisión de les campanaes nun programa especial de ‘Terapia de Grupo’ que va entamar a les 22.30 y que van conducir La Marquesina, Samba y Sonia Fidalgo.

Telecable yá empezó la so actividá como operadora de telefonía móvil virtual anque namái que en prebes con un grupu de clientes, tando prevista la comercialización en sen ampliu pal mes de febreru.

L’oxetivu de la compañía ye algamar los 100.000 clientes pa lo que tien prevista una inversión de 100 millones d’euros. Con motivu del so llanzamientu, va realizase una ufierta a los sos clientes que va suponer la exención de les cuotes de telefonía fixa p’aquellos usuarios de móvil de la marca TeleCable, lo que va suponer un aforru del 13,5 por cientu na factura mensual. Toos estos datos fízolos públicos esti xueves en Xixón el presidente de Telecable, Roberto Paraja, nun alcuentru colos medios de comunicación pa presentar el nuevu serviciu de telefonía móvil.

Va pocos díes que se dio anuncia oficial al fallu del premiu «Enriqueta González Rubín 2007» de periodismu escritu en llingua asturiana que convoca la Conseyería de Cultura cada dos años. L’escritor avilesín Miguel Solís Santos ye’l ganador d’esta edición y yá puedes lleer l’artículu premiáu “La hemocianina de les andariques y el sangre del ciudadanu Capeto”, publicáu nel diariu La Nueva España’l 15 de payares del 2005.

Esti y los premios lliterarios otorgaos pola Conseyería de Cultura, van entregase güei nuna gala que va celebrase nel patiu del Palaciu Conde de Torenu (sede del RIDEA) a les 19.00 hores con entrada llibre y conciertu de Toli Morilla.