Comunicación

Ta acabante salir al mercáu la revista “Al debalu”, una publicación mensual dafechu n’asturianu, de calter xeneralista, en llingua asturiana y con 36 páxines a cuatricomía con formatu de 28 x 24 centímetros. Nel so equipu de redaición cunta con profesionales del periodismu asturianu y n’ella podemos atopar temes tan variaos como una entrevista al entrenador del Sporting de Xixón, Manolo Preciado y dellos artículos sobre l’Asociación Cultural La Quintana.

Amás nesti númberu, de la revista asoleyada por Espublizastur, hai artículos sobre la situación d’Haití o del Mayu del 68. El preciu d’Al debalu ye de 2€ y tendrá la posibilidá de suscribise. Per otru llau, los socios del clú de llectores “Llibros de Nós”, iniciativa tamién d’espublizastur, van tener de baldre los 4 primeros númberos.

El programa “Pieces” producíu por Ediciones Ámbitu y emitíu na TPA los sábados pela mañana va convertise nun magacine nes próximes selmanes y va facelo, según pudo saber la redacción d’Asturnews, de mano de la escritora Ana Vanessa Gutiérrez y con una estética renovada.

El programa ta formáu poles seiciones: -‘Voces’: Retratu d’un intérprete de la canción asturiana o tonada nel que se repasa la so trayectoria musical mentes s’escucha una de les canciones más representatives del so repertoriu. -‘Muséu’. Sección na que personalidaes del mundu cultural asturianu seleccionen el so cuadru preferíu de la colección del Muséu de Belles Artes d’Asturies. -‘Al son’: Un grupu o músicu asturianu interpreta en directo y en versión acústica una canción del so últimu trabayu discográficu. Nesta sección represéntense tolos estilos que se practiquen anguaño nel país: folk, tonada, rock, pop, gaita o jazz, ente otros. -‘En tables’: El programa va emitir nesti apartáu la grabación d’una pequeña escena de los montaxes que tán preparando les compañíes teatrales del país. -‘Periferia’: Figures de la escena cultural asturiana recomienden una obra musical d’actualidá que s’alcuentra na ‘periferia’ de la industria del espectáculu.

Otra de les novedaes d’esta nueva etapa ye que parte de los espacios van ser grabaos en dellos cafés repartíos per Asturies y nuna llocalización de la Casa Cultura Teodoro Cuesta de Mieres.

La segunda temporada de los espacios “Falando d’Asturies” y “Xixón de cerca”, presentaos por Inaciu Galán dientro del programa “A vivir que son dos días” de la Cadena Ser, presentáu por Begoña Natal, tornen mañana sábadu a la una la tarde a les ondes del 96.5 del FM.

El programa d’esti sábadu, col que s’abre la temporada, va ser un especial de la Selmana de les Lletres Asturies, que va cuntar coles declaraciones de Consuelo Vega, Directora Xeneral de Cultura y Política Llingüística, l’escritor Vicente García Oliva y delles persones más, que van facer el so balance de la 29 Selmana de les Lletres Asturianes y de la Manifestación pola Oficialidá d’esti vienres.

“Falando d’Asturies”, que s’emite tolos sábados p’hacia la una la tarde, ye un espaciu d’entrevistes venceyaes cola cultura d’Asturies. Los domingo, en “Xixón de cerca”, Inaciu Galán treslládase a dalgún puntu de Xixón pa conectar en directu y comentar los eventos y asocedíos del momentu. Esta selmana va estrenase la temporada con una conexón en directu, a les 12 la mañana, dende la feria de pinchos que se celebra estos díes na Feria de Muestres de Xixón.

La TPA va emitir mañana domingu en diferíu a les 00:30 hores l’actu oficial del XXIX Día de les Lletres Asturianes que celebró esti vienres l’Academia de la Llingua Asturiana nel Teatru Campoamor d’Uviéu.

La gala inclúi l’’Homenaxe a la Música Asturiana’, na que participaron Nuberu, Dixebra, Llan de Cubel, Carlos Rubiera y Los Berrones, amás del gaiteru Llorián García, qu’abrió y peslló l’actu.

Próspero Morán, director d’Asturnews, y Loreto Díaz conducen esti programa.

La 1er Selmana Ribeseya de les Lletres acueye güei a les siete la tarde, na Casa Cultura de Ribeseya, una conferencia d’Inaciu Galán, presentador de la TPA y la Cadena Ser, na que va facer un repás pela hestoria de la televisión en llingua asturiana.

Na conferencia, el presentador xixonés va facer un percorríu hestóricu dende les primeres emisiones en TVE de la mano de Carlos Rubiera, hasta l’ésitu actual de programes como Camín de cantares, Al aldu y otros espacios emitíos na TPA.

La Selmana Ribeseyana cuntó ayeri llunes cola presencia de Xuan Xosé Sánchez Vicente y mañana va celebrar la entrega de los Premios Arbidel, termiando’l xueves con una conferencia de Marta Mori d’Arriba sobre la situación de l’asturianu.

Les actividaes d’esti primer día de la Selmana les Lletres van completase güei, a les cuatro y media la tarde, cola emisión pela Radio del Principáu d’Asturies (RPA), del programa especial “M.ª Teresa González: una muyer del Surdimientu”, dientro del programa “Nomes d’Asturies”, dirixíu por Chechu García y con formatu de radionovela.

El programa dedica les sos emisiones a espisodios y personaxes hestóricos d’Astures y emitió yá programes sobre munchos de los reis asturianos, la hestoria de les ciudaes y villes del país y otros escritores, como Andrés Solar.

“Nomes d’Asturies” emítese los llunes de 16:30 a 17:00 hores y en redifusión, los sábados de 14:00 a 14:30 hores. Los actores habituales son Eva Vallines, Rocío Pinín, Roberto Corte, Silvino Torre, Chechu García, Azucena Álvarez… y como guionistes tienen collaborao Azucena Álvarez, Cristina Muñiz, Inaciu Galán, Ana Belén Suárez y Carlos Suari, ente otros. Produzlu TenconTen Media.

Blogue del programa

Según informen na páxina “L’Asturies Lliberal” nos próximos díes un grupu promotores va aconceyar nun hotel de Mieres pa estudiar la creación d’un diariu en llingua asturiana. Según fontes averaes al proyectu, un grupu de promotores, formáu por empresarios, xestores culturales y profesionales de medios de comunicación, van aconceyar a primeros de mayu “pa entamar l’estudiu d’una iniciativa editorial que quier, ente más otres coses, facer posible l’apaición d’un nuevu periódicu diariu d’ámbitu asturianu, cola novedá de que s’editaría en llingua asturiana”.

Según informa l’Asturies Lliberal, “una de les opciones que s’analizarán contempla la participación d’una importante empresa editora de calter estatal”, cola que se tuvieren dellos alcuentros nes últimes selmanes. El grupu entamador, informa la páxina “apuesta por un mediu allugáu na centralidá política, asturianista y abiertu a toles sensibilidaes presentes na sociedá asturiana, que valga de calce p’amosar tolos enfotos que nazcan na nuestra comunidá autónoma”. Nel mesmu aconceyamientu esbillaránse tamién les diverses víes de trabayu na edición dixital y na producción audiovisual.

El proyectu sumaríase de facese realidá a l’actual ufierta de conteníos informativos n’asturianu, nes que s’incluyen páxines como Asturnews.com o la revista dixital lliteraira “Lliteratu”.

El Gobiernu vascu lleva meses avanzando nes midíes de normalización llingüística del euskera, y mirando pa Cataluña, que nel so casu decreta un 50% d’emisiones en catalán pa les radios de la comunidá, ta acabante d’emitir un decretu pol que les emisores radiofóniques van tener d’emitir un 20% n’euskera pa consiguir la llicencia.

Una midida, que va afitar tamién que les cuotes han cubrise n’horarios de máxima eudiencia, ente les 7 y les 14 hores y les 22 y la una de la mañana, pa evitar asina que s’arrequexen les emisiones nel idioma propiu a les hores nocherniegues o de madrugada. Asina les emisión

Siguiendo’l modelu vascu de presencia del idioma, esti porcentaxe va dir medradndo según creza’l l’índiz sociollingüísticu de la zona de serviciu correspondiente, que fixa l’EUSTAT, l’Institutu Vascu d’Estadística.

Esta nueva decisión vien a espeyar, según el gobiernu vascu, “la necesidá de garantizar un ufierta radiofónica plural n’euskera”, agora qu’hai “una mayor estensión del usu del idioma vascu como llingua habitual de comunicación ente los vascos”.

Carlos Suari estrena güei ¡Acuto! y al primer edición del programa va estrenase’l introduciendo los conteníos y la estrucutura fundamentales del programa, con una entrevisa a Luis Miguel Álvarez, espertu en deportes tradicionales y collaborador col programa.

¡Acuto!, va tar centráu na cultura física tradicional d’asturies, falando de xuegos, bailles, dances y deportes tradicionales nel marcu de la cultura asturiana. El programa va desenrrollase en media hora na que van poder sentise entrevistes, reflexones teóriques, actualidá, axenda, desplicación de xuegos, bailles, dances y deportes, música de baille y danza, reportaxes, convocatories, materiales y programes especiales coincidentes con dellos acontecimientos especiales.

La productora encargada d’esti programa ye “Ten con Ten Media” y la idea orixinal, el guión son tamién obra de Carlos Suari, que va cuntar como técnicu, con Lucía Menéndez.

Asturnews yá adelantaba la selmana pasada que la RPA diba estrenar un nuevu programa n’asturianu dirixíu por Carlos Suariu y l’Ente Públicu de Comunicación d’Asturies facía ayeri públicos los detalles d’ésti y de los otros siete programes qu’estrenen estes selmanes dientro del cambiu d’imaxe y conteníos de la radio pública.

El programa de Suari, centráu na cultura física tradicional d’asturies, falando de xuegos, bailles, dances y deportes tradicionales nel marcu de la cultura asturiana. El programa va desenrrollase en media hora na que van poder sentise entrevistes, reflexones teóriques, actualidá, axenda, desplicación de xuegos, bailles, dances y deportes, música de baille y danza, reportaxes, convocatories, materiales y programes especiales coincidentes con dellos acontecimientos especiales.

La productora encargada d’esti programa ye “Tenconten Media” y la idea orixinal, el guión y la llocución van tar al cargu de Carlos Suari, que va cuntar como técnicu, con Lucía Menéndez.

El primer programa va estrenase’l próximu martes a les 16:30 hores y van introducise nél los conteníos y la estrucutura fundamentales del programa, con una entrevisa a Luis Miguel Álvarez, espertu en deportes tradicionales y collaborador col programa.

Esta nueva temporada, estrena amás identidá corporativa creada pola empresa Nuevos Aires Producciones, con voz corporativa con acentu arxentín, lo que yá ta xenerando polémica ente los siguidores de la emisora.

Los programes nuevos son : “Aqui y ahora”, el nuevu nome de los informativos de mañana y tarde, la conexón col informativu de la TPA pela nueche, “Radiolandia”, de 10 a 12:30 de llunes a vienres, va ser un magacine.

“Tiempo Añadido”, tolos díes de 19:30 a 20:30 y les fines de selmana de 18:00 a 20:00, siempres cola actualidá deportiva, y pela selmana prestáu por Miguel Fernandi.

“Eclipse” va ser el programa nel Cristobal Ruitiña acerque a la radio novedaes culturales. “Central Eléctrica” va inclyir “too sobre la musica llectrónica” y per últimu “Noche Tras Noche”, un programa de Pedro Laguna y los sos collaboradores, qu’acompañarán cada nueche a los oyentes nun magacine nocherniegu.

La RPA va estrenar un nuevu programa n’asturianu sobre deportes y xuegos tradicionales