Comunicación

Énte les informaciones qu’apaecen na prensa qu’indiquen que, énte l’inminente apagón analóxicu’l presidente de Galicia quier asegurar que nel occidente d’Asturies se pueda ver la TVG, el Portavoz Nacional d’UNA, Faustino Zapico, comentó la perplexidá de la organización “al ver que’l presidente de Galicia, cuestionáu polos sos ataques al idioma gallegu nel so territoriu vuelve sacar una pantasma vieya cola que quier probablemente esviar l’atención sobre la so política llingüística que vien de ser refugada inclusive pol Tribunal Supremu”.

UNA recuerda que’l debate llingüísticu nel occidente hai tiempu que quedó claru y que nin los habitantes de la zona del Navia-Eo nin el restu de los asturianos acepten nin van aceptar tuteles non solicitaes, inxerencies espansionistes o paternalismos culturales como los que se quixeren exercer nel pasáu. Zapico esixó por tanto a Feijóo que nun use Asturies como un argumentu nos debates políticos gallegos, darréu que la política llingüística n’Asturies solo correspuende a los asturianos y asturianes.

El portavoz d’UNA aprovechó pa criticar la política audiovisual del gobiernu asturianu, que “arrequexa y marxina la programación n’asturianu na TPA y que nun-y manda a los medios de comunicación públicos pa normalizar la llingua asturiana, amás d’escaecer dafechu la fala del Navia-Eo.” Zapico recordó que «dende UNA deféndese que la TPA tien que ser una televisión con una seña d’identidá que ye la emisión en llingua asturiana”.

Pa cabu Zapico afirmó que “dende UNA camentámonos que colos medios tecnolóxicos esistentes anguaño tolos asturianos y asturianes, non solo los del occidente, habríen poder recibir otres televisiones y familiarizase d’esta manera con otres llingües del estáu, al igual que los gallegos habríen poder recibir les emisiones de la TPA n’asturianu”.

El Diariu Cultural Asturnews estrena na rede social Facebook una canal de noticies cola que quier adaptase a les nueves víes d’información de los nuesos llectores. Dende va tiempu los llectores d’Asturnews podíen compartir les nueses noticies nuna llarga riestra de redes sociales con namás calcar una tecla. Agora, Asturnews xube los conteníos a la rede social más popular, tando asina más cerca de los sos llectores, calteniendo’l so compromisu de siempres cola información cultural d’Asturies.

Páxina d’Asturnews en Facebook

LECUORAL, Leoneses por la Cultura Oral, organización fundada “pa preservar y difundir el patrimoniu llingüísticu de la provincia de Lleón (Castellán, Asturlleonés y Gallegu)”, camienta fundamental pa la preservación y difusión de les identidaes de de Lleón, qu’al traviés de la TDT se puedan ver la TPA y la televisión gallega, “de manera llegal”, pues la TVG “lleva faciéndolo años illegalmente”.

el Festival Beltaine que tuvo llugar en xunetu n’Avilés esti añu, per primera vegada, va ser el protagonista de la emisión esti sábadu del programa Nós qu’emite al mediudía la TPA.

Nel espaciu fadráse un percorríu pel festival, dende la xornada d’aniciu de la programación del mesmu a los pasacais diarios ensin escaecer esposiciones y otres actividaes que compuxeron el primer Festival Beltaine.

Nós, espaciu dirixíu y presentáu pol periodista y profesor universitariu Próspero Morán, emítese tamién pol satélite Hispasat pal restu d’España, Europa y América y por Internet para tol mundiu al traviés de la web de la RTPA.

El periódicu trimestral Diagonal Asturies ta acabante sacar el so segundu númberu. Nesta edición el periódicu trata temes como les condiciones llaborales nos supermercaos, les infraestructures n’Asturies o la reivindicación del patrimoniu industrial que supón l’antigua Fábrica de Gas d’Uviéu.

La sección de Cultures del segundu númberu ocúpala una conversación de chigre ente los escritores David González y Javier Almuzara, de la que la tamién escritora Sofía Castañón ye moderadora. Amás, la Revolución d’ochobre de 1934 ye’l tema escoyíu pa la última páxina, de la mano del hestoriador Francisco Erice.

Güei, martes 6 d’ochobre, va celebrase una nueva tertulia Pachín de Melás organizada pol grupu d’Unidá Nacionalista Asturiana nel conceyu de Xixón. Nesti casu l’alderique xirará al rodiu de “La independencia nos medios de comunicación”, cuntando cola presencia de Xuan Cándano, director de la revista “Atlántica XXII”; Diego Díaz, del periódicu trimestral “Diagonal”; y los responsables de los medios dixitales n’asturianu “Asturnews” y “Asturies.com”, Próspero Morán y Fernando de la Fuente Trabanco respectivamente. La tertulia tendrá llugar como ye tradicional na Cervecería Astuera de Xixón, asitiada tres el Mercáu San Agustín.

La tertulia Pachín de Melás ñacía yá hai un añu col envís de tratar los temes sociales y culturales qu’afecten a Asturies y nun alcuentren foros afayadizos de discusión pelos calces tradicionales. Nesti añu de vida tien tratao temes como “Regasificadora en Xixón: necesidá y peligros” “El nacionalismu asturianu na transición” o “¿Qué facer cola prostitución?:encruciyaes y propuestes”.

La RPA ta acabante mandar los programes que van representar a la emisora pública asturiana nos premios Ondas. Nesta ocasión, la canal escoyó a los programes “Mediodía entero” y “Nomes d’Asturies”, n’asturianu nel segundu casu.

“Nomes d’Asturies” ye un programa que percorre la hestoria d’Asturies al traviés de figures representatives y momentos hestóricos col formatu de radionovela. El programa ye ún de los de más ésitu de la RPA y lleva más de 150 episodios emitíos embaxo la dirección de Chechu García.

El programa podría facese agora con un premiu Ondas, que Radio Barcelona, emisora de la SER, otorga dende 1954 a profesionales de radio, televisión, cine y música.

A piques de cumplise’l 75u aniversariu de la Revolución d’Ochobre y de la comuña asturiana, el programa “Nomes d’Asturies” de la RPA va a dedicar dos capítulos especiales a remembrar esti fechu cimeru na nuesa historia. El programa va utilizar la fórmula de radio-teatru, pa dramatizar col máximu realismu munches de les escenes de la Revolución: dende les reuniones del Comité Revolucionariu, la toma del cuartel de Sama o les barricaes en Xixón, a la llegada de la llexón y los regulares a Uviéu o la represión y tortures que vinieron dempués.

El guión, de Chechu García, basáu na obra “revuelta n’Asturies” del premiu Nobel, Albert Camus, va a amestar el testu dramáticu del escritor francés con fechos y personaxes reales de la revolución asturiana, a los que van dar voz l’equipu d’actores del programa, ente ellos Eva Vallines, Azucena Álvarez, Carmen Lorenzo, Chechu García, Roberto Corte o Silvino Torre.

La emisión de los dos capítulos dedicaos a la Revolución d’Ochobre será los prósimos sábados 3 y 10 d’Ochobre de 14 a 14:30 hores na Radio del Principáu d’Asturies RPA.

El primer de los capítulos tará dedicáu al entamu de la revolución, les primeres victories de la U.H.P., la toma de les cuenques mineres y d’Uviéu.

Nel segundu capítulu, va facese un repás a la comuña asturiana, a les táctiques de les tropes gubernamentales, al fracasu de la revolución y la represión que vieno de siguío.

L’actor y periodista Carlos Alba, conocíu pol nomatu del so personaxe “Cellero”, estrena una sección d’humor asturianu en Punto Radio. Emítese los miércoles de 13.15 a 13.30, aproximadamente.

Amás, esti añu va dar dellos talleres de monólogu asturianu d’ochobre a xunu, con una clas a la selmana de 2 hores. En Llangréu los xueves pela tarde, y en Noreña los llunes o miércoles pela tarde. P’apuntase, los interesaos han llamar la teléfonu 985 677 113.

L’Asamblea Nacional francesa vieno acabante dar via llibre otra vuelta a la llei antipiratería que sanciona les descargues de ficheros na rede con desconexiones d’Internet ensin orde xudicial, pudiendo entamatar a desendolcase darréu.

Esti martes foi aprobada por 285 votos a favor y 235 a la escontra la controvertida llei de Creación ya Internet, ellaborada pol Gobiernu galu pa lluchar escontra les descargues illegales na rede. El testu foi sometíu pela tarde al votu de la Cámara baxa cuatro meses depués de que tuviere una primera aprebación y cinco depués d’habese rechazo polos mesmos diputados.

La polémica ley antipiratería francesa, que prevé la suspensión de la conexión a Internet para los adeptos de las descargas ilegales, ha superado este martes por la tarde otro escollo con su aprobación en la Asamblea Nacional con 285 votos a favor y 235 en contra. Pero el culebrón no ha finalizado del todo: el nuevo texto todavía debe ser examinado por una comisión parlamentaria mixta y sometido a un voto final en el Parlamento la semana que viene. La oposición socialista también ha anunciado que presentará un nuevo recurso ante el Consejo Constitucional, lo cual retrasaría el proceso.