Cine

L’Institutu Vieyu de Xixón va acoyer esti sábadu 24 de mayu la presentación del documental “Bruxas”, un dvd que percorre les hestories de bruxes y nel que participó la diputada d’IX Noemí Martín como actriz y Chema Vega na producción.

La obra va estrenase a 11:45 nel Salón d’actos del edificiu xixonés y va durar hasta alredor de la una y media. L’asistencia ye llibre.

El xueves a les 19:00 entamó, con una gala na Casa de Cultura d’Aviles (Plaza Domingo Álvarez Acebal, 2), el VII Certame de Curtios Villa d’Aviles. L’actu tuvo presentación del actor y cómicu de la canal Paramount Comedy y del espaciu La Hora Chanante, Raúl Cimas.

El festival fina’l sábadu cola esibición y entrega de premios a los curtios finalistes y la presentación de “Quid pro quo”: el ganador del IV Concursu de Xóvenes Realizadores Ciudad de Aviles. El restu del programa ta disponible na web del Ayuntamientu d’Aviles.

Más información

L’Ayuntamientu de Navia ta acabante abrir el plazu pa presentar trabayos al primer concursu de curtios cinamatográficos. Ta empobináu a favorecer la creación artística ente xóvenes de 13 a 25 años y va cuntar con un primer premiu de 150 euros y un accesit de 75 euros.

Van almitise trabayos con temática llibre y cualquier teunica d’animación. El formatu tien que ser AVI o MPEG y la duración máxima del curtiumetraxe tien que ser de 15 minutos. El plazu pa presentar trabayos fina’l 2 de xunu y hasta esi día van recoyese trabayos en CD.Rom o DVD nel Ayuntamientu de Navia (cai Real, númberu 6)

El festival “ADocS Asturias Documental”, que se ta cellebrando en La Polla L.lena durante esta selmana, llega esti sábadu 10 de mayu a la so última xornada. El documental que va zarrar esta edición del festival ye “El Astillero”, del asturianu Alejandro Zapico sobre los trabayadores d’un astilleru nel norte d’España que tiene que salir a la cai pa defender el so puestu de trabayu. El pase ye a les 19:00 hores nel Teatru Vital Aza.

La xornada tamiñen va cuntar cola actuación en direutu, de magar les 21:00 hores tamiñen nel Vital Aza, del artista cubanu Santiago Feliú, un de los pertenecientes al movimientu de la Nueva Trova y figura de la música caribeñas contemporánea.

Otramiente, de e 12.00 a 14.00 hores va tener llugar la Clínica de Proyectos Documentales nel que participen, como profesores, Agustín Furnari Alonso de Armiño, realizador y presidente de l’Asociación ProDocumentales Cine y TV, y l’arxentín Pedro Parodi, realizador ya investigador del cine documental y social llatinoamericanu.

El teatru Vital Aza de la Pola L.lena va acoyer dende’l 7 de mayu el festival de cine documental ADOCS, que va esibir una docena de documentales hasta’l prósimu 10 de mayu. El festival ta organizáu pola Conceyalía de Cultura del Conceyu de L.lena y l’Asociación ProDocumentales Cine y TV. Tamien participa na organización l’Axencia Asturiana de Cooperación al Desarrollu y la Corrdinadora d’ONGD. Les obres presentaes nes festival tienes una temática que xira alredor de lo social, lo solidario y lo sostenible.

El día 8 de mayu van proyectase ” Cuba: otra globalización posible“, “Hartos Evos hay aquí: Los cocaleros del Chapare“, “Comadronas, guardianes de salud” y “Comandante“. El día 9 va ser el turunu de: “La tierra prometida“, “La lucha del agua” y “Madres“. El día 10 va proyectase “El Astillero“.

Amás durante’l festival van cellebrase un piñu d’actividaes ente les que s’ufierten meses redondes y un taller de creación de documentales nel que van participar un grupu d’espertos internacionales.

Los llunes de la Filmoteca n’Asturies proponen nesta ocasión una mirada al cine d’Alfred Hitchcock y la so rellación cola segunda guerra mundial. La cita ye a les 20:30 hores nel Teatru Filarmónica y les películes que se van proyectar son “Bon voyage” y “Aventura Malgache”, les dos películes curties que fizo’l director británicu a encargu del ministeriu d’información ingles pa levantar la moral del pueblu frances.

Liberaes en 1993 y asoleyaes per perimer vez al públicu en 1994, la esistencia d’estes dos cintes caltúvose en secretu polos gobiernos frences ya ingles durante más de mediu sieglu y foron vistes namái que en llugares mui concretos de Francia

“Oro Negro” de Nick y Marc Francis, cinta sobre’l comeciu de cafe ye la película cola que continua’l ciclu de Cine Solidariu que, durante los prósimos sábados hasta’l 3 de mayu, va acoyer el centru municipal integráu Gijón Sur. El 26 d’abril será’l turnu de “Nuestro Pan de Cada Día” de Nikolaus Geyrhalter sobre’l maltratu a los animales na cadena de producción alimentaria. El ciclu fina’l 3 de mayu con “Paisajes Transformado”, de Jennifer Baichwal sobre la China Industrial.

El Llar Solidariu d’Uviéu, asitiáu na cai La Gascona 12 – baxu A, d’Uviéu, va echar mañana miércoles 16 a les ocho la tarde, la película “Fuerte Apache”.

Na película, un grupu de mozos vive nun centru tutelar de menores baxo la supervisión d’unos educadores que en munchos casos dexaron de creer nellos y nel so futuru. Una mañana la policía lleva a Tariq, un neñu magrebí de la cai. Toni Darder, ún de los educadores con más esperiencia dase cuenta enseguidina de qu’esi neñu ye diferente y que tovía puede haber esperanza pa dalgunos, y quiciábes una segunda oportunidá pa él.

L’asociación Todolosnombres continua esti miercoles 19 de marzu (19:30 hores) col so ciclu de proyecciones sobre memoria hestórica y muyer col pase de la cinta documental “Mujeres del 36”. El ciclu, que tien llugar nel Ateneu La Calzada y nel que tamien participen l’Asociación de Vecinos de La Calzada y el Conceyu de Xixón, va siguir hasta’l próximu 24 de marzu.

Todolosnombres ye un proyectu que quier axuntar nun listáu únicu toles persones republicanes que morrieron n’Asturies durante la Guerra Civil y Postguerra, y asturianos y asturianes que morrieren fuera d’Asturies na llucha escontra’l fascismu.

El cine de terror clásicu y la obra cinematográfica de Bela Lugosi van marcar l’axenda cultural que la tienda multimedia FNAC n’Asturies va desendolcar esta segunda selmana de marzu. Dende’l llunes 10 de marzu hasta’l xueves 13 van pasar pola sala que la tienda tien nel centru comercial Parque Principado de Siero, una buena amuesa de les películes del iconu del horror.

Pa esti martes 11 de marzu ta previstu el pase de “El murcielago diabólico (The Devil Bat) ”. Lugosi interpreta al doctor Carruthers, el creador d’un esperteyu qu’el travies d’impulsos ellectricos pue agrandase a voluntá, y que el científicu usa pa satisfacer los sos planes de venganza. Subproductu de Serie Z filmáu aprovechando el tirón de cuntar con un Lugosi nos últimos años de la so carrera. El programa pa los siguientes díes son “Los ojos misteriosos de Londres”, y “El fantasma invisible”. Tolos pases entamen a les siete la tarde y van facese en versión orixinal sotitulada al castellanu.