Cine

La película ‘El Orfanato’, rodada n’Asturies y con guión del asturianu Sergio Sánchez, autor del curtíu n’asturianu ‘7337’, yá recaudó 5,9 millones d’euros, lo que la convierte na película española más taquillera nel so estrenu de 2007, y la segunda de la hestoria, dempués de “Torrente 3″.

La película ta agora na carrera a los Oscar y llama l’atención la participación de dalgunos actores asturianos, como’l perconocíu Lluis Antón González. Precisamente a esti últimu va entrevistalu Inaciu Galán nel espaciu ‘Falando d’Asturies’ de la Cadena Ser, esti sábadu a partir de la una la tarde. Una entrevista na que va cuntar detalles del rodaxe de la película del momentu y de la so participación na mesma.

A partir de les 19:0 hores el centru munipal de El Llano en Xixón va acoyer la proyección de la película “La verdad sobre el caso Savolta” dirixida en 1978 por Antonio Drove n’adaptación de la novele homónima d’Eduardo Mendoza. Le entrada ye de baldre hasta completar l’aforu.

“La verdad sobre el caso Savolta” cunta cola interpretación de Jose Luis López Vazquez y narra les lluches ente los trabayadores anarquistes y los dueños d’una ábrica d’armes.

Continua la proyección de curtios del certame Art Nalón cola esibición de les obres: “Dolly”, de David Pinillos; “Y tú, ¿cómo lo ves?”, de Lucía Menendez; “Mensajes de voz”, de Fernando Franco; “Changes”, de Daniel Martínez Lara y “Catharsis”, de Daniel Chamorro. Los pases escomenzarán esta nueche a partir de les 20:00 hores nel cine Felgueroso de Sama.

La prósima sesión va cellebrase’l vienres cola esibición de los curtiumetraxes: “Huída”, d’Adriana Franco; “La falta que me carta”, de Mario Fernández-Tardón; “Tadeo Jones y el sótano maldito”, d’Enrique Gato; “Escucha”, d’Isaac Bazán Escobar; y “Bichos raros”, d’Alegría Collantes y Estíbaliz Burgaleta.

“La vida secreta de las palabras” y “Por rumbas y a lo loco” son les propuestes cinemátográfiques d’esti día nos centros municipales de Xixón. A les 19:30 el centru de El Coto acueye la obra de Martha Coolidge “Por rumbas y a lo loco” y a le mesma hora tamien se va proyectar nel Ateneu de La Calzada, “La vida secreta de las palabras”, de Isabel Coixet. Los dos pases van ser con entrada llibre hasta completar l’aforu.

“La vida secreta de las palabras” (2005) de la catalana Isabel Coixet cunta cola interpretación de Javier Cámara, Tim Robbins y Sarah Polley ente otros y narra la historia de tres personaxes que viven aislaos del mundiu nuna platamorma petrolífera nel mar.

“Por rumbas y a lo loco” ta dirixida por Martha Coolidge y ye una de la lexendaria pareya d’actores Jack Lemmon y Walter Matthau. Ambos viaxen nun trasatlánticu col enfotu d’estafar a les muyeres viudes del pasaxe faciendose pasar por acompañantes de baille.

Raimundo García, guionista y director asturianu más conociu como Ray García ta acabante de ganar l’Orlando Hispanic Film pola so obra “Cuba Libre”. Cola interpretación de Kira Miró, Caco Senante y Daniel Huarte, la cinta cunta la historia d’unos okupes que marchen de Cuba nel cursu de les primer elecciones democrátiques nel país caribeñu. La película, estrenada en 2006 fuí escoyía tamien pal Festival de Cine d’Islandia na primer criba.

El periodista y críticu musical Chus Neira va presentar esti día a partir de les 19:00 hores nel Forum de la FNAC (Parque Principado, Siero) el pase del documental musical de Antoine Fuqua “Celebration of Blues”.

La cinta, cuya creación fuí promovida por Martin Scorsese, recueye’l conciertu de blues cellebráu nel Radio City Music Hall de Nueva York cola participación d’artistes lexendarios del blues como B.B. King, “Gatemounth” Brown o Buddy Guy amás d’otros artistes como John Fogerty, Solomon Burke, Bonnie Raitt, Steve Tyler o Macy Gray.

Sean Connery, interpreta a un periodista de la BBC que durante la Segunda Guerra Mundial enamórase d’una colega de profesión encarnada pola actriz Lana Turner. Rodada en 1958 por Lewis Allen “Brumas de Inquietud “ye una de les cintes clásiques de la serie B d’aquella epoca que se fizo aprovechando el tirón comercial que suponía la presencia en pantalla de la famosa Lana Turner.

El pase va entamar a partir de les 19:30 hores nel Centru Municipal de La Arena de Xixón y la entrada pal público va ser llibre.

A partir de les 19:309 hores nel Centru de Cultura Antiguu Institutu de Xixón va escomenzar la proyeción de la película “Piedras” del director Ramón Salazar Hoogers. Esta cinta forma parte de les seleccionaes nel V Ciclu de cine y discapacidá intelectual organizáu pola asocieción Arbolar.

“Piedras” ye un aobra del director Ramón Salazar Hoogers interpretada por Nawja Nimri, Ángela Molina y Antonia San Juán que cunta la historia de cinco muyeres que, d’una forma u otra son maltrataes, engañaes o abandonaes.

Asturies va cuntar nesta mesme llexislatura con un organismu empobináu dafechu a facilitar el rodaxe de productos audiovisuales nel territoriu de nueso. Según La Conseyera de Cultura y Turismu, Encarna Rodríguez la entidá va ayudar a los productores audiovisuales rexonales, nacionales y internacionales pa facilita-yosel rodaxe de los son proyesctos nel Principáu.

Tenemos les infraestructures y los profesionales necesarios, amás de guapura y diversidá nel territoriu, pa tornar nun bon plató de cine”, señaló la conseyera en relación al sector audiovisual. La midida va enartiase na ellaboración d’un Plan Xeneral de la Cultura Asturiana que quier, ente otros oxetivos, poner les condiciones necesaries que sirvan d’estímulu y canal de desarrollu pa los creadores de distintos sectores culturales.

Continua’l ciclu de proyecciones “El Mundo de Groucho Marx” del Teatru Filarmónica pal mes d’ochobre col pase de la película “Naderías/Pistoleros d’agua dulce” (Monkey Business), dirixida en 1931 por Norman Z. Mc Leod y protagonizada polos Hermanos Marx. La proyección entama a les 20:30 hores y la entrada ye llibre hasta completar l’aforu.

“Pistoleros d’agua dulce” ye la cuarta incursión de los Marx nel cine. Nesta comedia los Marx son polizones que viaxen a bordu d’un trasatlantico y acaben trabayando como guardaspaldes d’unos peligrosos gangsters.