Música Delfo, de La Tarrancha y K-nalón, estrénase en solitariu by asturnet 16 d'agostu, 2007 Delfo (Delfín Valdés Álvarez) miembru de La Tarrancha (SKA-FUSIÓN) y de k-Nalón (HIP-HOP COMBATIVU) saca el so primer single en solitario. El cantar baxo’l títulu de AMORIANDO, fue grabáu nos estudios PAFF de L’Entregu cola participación de Silvia a la guitarra y baxu (Delagua, Acontratiempo), Jose (Faraón Félix) tamién a les guitarres y Nacho (Delagua, Latimba, Dark la eMe y mas grupos) a les percusiones y Delfo a la voz y la xiblata y grabáu por Jgel y Jman de PAFF. Sigún la compañía discográfica trátase posiblemente de la primer rumba en llingua asturiana. El cantar que tién llicencia Creative Commons pué descargase llibremente nesti enlace de MySpace. La idea de Delfo que hasta’l momento tién collaborao con grupos como ESCUELA DE ODIO, STONED ATMOSPHERE, LA COL.LÁ PROPINDE, ASPEROS Y EL COLECTIVU DE MUSICOS POLA OFICIALIDÁ, ye de sacar periódicamente singles, pasando por estremaos estilos musicales, de momento podemos disfrutar d’esta rumba d’amor. Per otru llau Delfo participa tamién nel nuevu proyectu musical de Sergio Rodríguez y Xune Elipe (DIXEBRA) llamáu SONCAI SYSTEM que verá la lluz estos dies y que ta formau por dellos artistes de la escena musical alternativa asturiana. My Space de Delfo 16 d'agostu, 2007 0 FacebookTwitterPinterestEmail
ConvocatoriesFiestes Xaviel Vilareyo presenta esti vienres el llibru de rellatos La causa más probable y la esposición ‘La fueya en blanco’ by asturnet 16 d'agostu, 2007 Esti vienres va presentase un nuevu llibru de Xaviel Vilareyo: ‘La causa más probable’. L’actu va tener llugar a les siete y media la tarde na Llibrería Asturiana de la Editorial Trabe y va correr a cargu del escritor Ánxel Álvarez Llano y d’Antón García, director d’Ediciones Trabe, amás del propiu autor. A esa mesma hora y tamien na Llibería Asturiana va presentar Vilareyo la esposición ‘La fueya en blanco’, consistente n’obres en pintura y colax sobre dellos temes y formatos y que va tar nel Aula Abierta de la Llibrería Asturiana de Trabe hasta’l 17 de setiembre. Xaviel Vilareyo ñació en Mieres del Camín en 1967 y ye autor de llibros de poesía y ensayu. La Llibrería Asturiana de Trabe ta allugada na cai Padre Buenaventura de Paredes 4 d’Uvieu. N’acabando l’actu de presentación va sirvise un vinu a tolos asistentes. 16 d'agostu, 2007 0 FacebookTwitterPinterestEmail
ConvocatoriesFiestes Sigue abiertul plazu pa presentar candidatures al premiu Timón 2007 a la trayectoria lliteraria en llingua asturiana by asturnet 15 d'agostu, 2007 Redacción. Sigue abiertu’l plazu pa presentar candidaturea al Premiu Timón, que l’Asociación de la conocida como ‘vagamar lliteraria en Xixón’ convoca “col envís de facer reconocencia de la trayectoria lliteraria y/o’l llabor de promoción de la lliteratura asturiana”. Pa ello l’asociación L’Arribada abrió apocayá’l plazu pa la presentación de candidatures dende esti momentu y hasta l’1 de setiembre. Según indiquen les bases de la convocatoria, les candidatures van poder ser presentaes por una persona un coleutivu a les señes de correu lletrónicu que siguen: arribada_sectec@yahoo.es El Premiu quier sirvir de reconocencia a trayectories bien llarges y por ello, pa esta edición de 2007, “opten al premiu los/es escritores n’asturianu que ñacieren nel añu 1957 o anteriormente”. Pal fallu del premiu la Xunta Direutiva de l’Asociación Cultural l’Arribada va aconceyar un xuráu integráu por persones venceyaes a la cultura del país. El galardón va entregase en Xixón demientres la celebración de l’ARRIBADA 2007, que ta pesllando yá la programación d’esti añu, nel que va pasar de seis a nueve díes de celebración. 15 d'agostu, 2007 0 FacebookTwitterPinterestEmail
ConvocatoriesFiestes Abiertul plazu pa les cuatro modalidaes del I Premiu dEnsayu Marta Portal by asturnet 15 d'agostu, 2007 Redacción. La Conseyería de Cultura, Comunicación Social y Turismu convocó apocayá’l I Premiu d’Ensayu ‘Marta Portal’, que permite presentar obres en castellán o n’asturianu, dotáu con 6.000 euros y la espublización de la obra. El plazu pa presentar orixinales acaba l’1 d’ochobre. El concursu abarca cuatro modalidaes: investigaciones sobre dalguna personalidá asturiana, estudios sobre la influencia que’l mediu familiar y sociocultural tuvo neses personalidaes, investigaciones sobre autores hispanoamericanos galardonaos col Premiu Príncipe d’Asturies y estudios sobre cualquier asuntu que tenga que ver coles rellaciones hispanomexicanes: emigración, exiliu, cultura, comerciu, etc.Bases completes 15 d'agostu, 2007 0 FacebookTwitterPinterestEmail
ConvocatoriesFiestes Carlos Alba Cellero entama otru añu más un Taller de monologuismu cómicu en Candás by asturnet 15 d'agostu, 2007 Redacción. L’actor Carlos Alba, conocíu pol nome del so personaxe estrella ‘Cellero’, va poner clas d’interpretación del monólogu asturianu ente los díes 20 y 24 d’agostu nel Teatru Prendes de Candás, de 6 a 9 de la tarde. El cursu ta empobináu a los aficionaos d’esti xeneru de tanta sonadía n’Asturies ensin necesidá d’esperiencia. Los exercicios van ser d’espresión corporal, creación del personaxe y creación lliteraria. La inscripción tien que de facese nel teatru o llamando al telefonu 985 871 021. 15 d'agostu, 2007 0 FacebookTwitterPinterestEmail
Fiestes Los Fueos de Xixón van convertir a la ciudá na capital asturiana del ociu esta nueche by asturnet 14 d'agostu, 2007 Redacción. Les fiestes de la Selmana Grande de Xixón van llegando al so fin. A les once la nueche, na Playa Poniente, va poder disfrutase de la música de ‘Los Redentores’. Y a les doce la nueche va entamar la ‘Gran Nueche de los Fueos’ de Xixón, ún de los grandes espectáculos del branu xixones. Dempues de Los Fueos de Xixón, a partir de les doce y media, nel Paseu de Begoña va actuar la Orquesta Banda Nocturna, que va echar el pieslle a les nueches de música de la Selmana Grande de Xixón. Sicasí, mañana miercoles, van siguir los actos de pieslle, con una Misa Solemne na parroquia de la Nuesa Señora de Begoña, a les doce la mañana, una danza prima multitudinaria n’El Murio San Llorienzo a les dos de la tarde y el ‘Restallón’, que va rematar les fiestes dende L’Atalaya. 14 d'agostu, 2007 0 FacebookTwitterPinterestEmail
Fiestes La quinta estación protagoniza la penúltima nueche de Selmana Grande en Xixón by asturnet 13 d'agostu, 2007 Redacción. Güei llunes y dientro de los actos de la Selmana Grande de Xixón, van tocar na playa de Poniente los componentes del grupu ‘La Quinta Estación’. Esto va ser a les once la nueche, pero a les nueve, na Plaza Mayor de la Villa de Xovellanos, va ser Tony Allen l’encargáu de poner son a la nueche xixonesa. Y pa los que quieran disfrutar de la tarde en Xixón, a les siete la tarde y dientro del ciclu ‘Arte na cai’ van ufiertar la so música Guillermo García de la Concha na Plaza’l Parchís y Rafa Kas Trío en La Plazuela San Miguel. A les 20 hores en Begoña será’l Coru Marinerun de Llastres quien amenice a los visitantes. Mañana va ser el día grande de les fiestes de Xixón cola ‘Gran Nueche de los Fueos’, que cada añu ven cientos de miles de persones. Amás del conciertu de ‘Los Redentores’. 13 d'agostu, 2007 0 FacebookTwitterPinterestEmail
Fiestes La fin de selmana trai a Fangoria y Cristina Branco a la Selmana Grande de Xixón by asturnet 10 d'agostu, 2007 Redacción. La Selmana Grande sigue estos díes en Xixón y failo de la mano de dalgunos de los grupos más conocíos de la escena musical estatal. Güei vienres a les 23:00 hores nel escenariu de la Playa de Poniente Santiago Auserón va dar un conciertu cola música de la ‘Original Jazz Orquestra. Taller de Músics’ Y tamien güei, pero a les nueve la nueche y nel escenariu de la Plaza Mayor, va poder sentise la música d’‘Inside Voices’, un coru de mozos de tol mundiu cantando gospel y estándar. Pero’l platu fuerte d’esta selmana va llegar el sábadu cola actuación de Fangoria, a les 11 en Ponientes y de Cristina Branco a les nueve na Plaza Mayor. 10 d'agostu, 2007 0 FacebookTwitterPinterestEmail
Fiestes La fin de selmana llega col VII Certame de Gaita Gaiteru Llibardón y la IV Noite Celta dIbias by asturnet 10 d'agostu, 2007 Redacción. Mañana sábadu a les once la nueche en Santantolín, capital del conceyu d’Ibias, va celebrase una de les cites más esperaes del calendariu musical del occidente asturianu. Y esti añu los encargaos d’animar la fiesta son Xuacu Amieva, Felpeyu y Blima. Pero enantes d’esta Noite Celta, güei mesmo, pue disfrutase del VII Certame de Gaita ‘Gaiteru Llibardón’. Lliberdón acueye’l VII Certame de Gaita ‘Gaiteru Libardón’ a les siete y media na Plaza de Chile de Llibardón, en Colunga. El Certame entámalu tolos años l’Asociación Cultural y de Festexos ‘San Roque’, col sofitu del Conceyu de Colunga. Les categoríes del certame son infantil (hasta 14 años) y mozos-adultos (dende los 15 años). Tolos participantes tienen de tocar dos temes llibres y almítense composiciones propies. Los premios son, pa la categoría infantil, de 120 euros pal primeru, 60 euros pal segundu y 30 euros pal terceru. Na categoría de mozos y adultos, el primer premiu ye una gaita asturiana fecha por Miguel Alonso Cachafeiro, el segundu ye de 150 euros, y el terceru ye de 100 euros. 10 d'agostu, 2007 0 FacebookTwitterPinterestEmail
Fiestes El Sueño de Morfeo y Kula Shaker ponen güei la música na Selmana Grande de Xixón by asturnet 9 d'agostu, 2007 Redacción. Siguen les actuaciones nochernigues de la Selmana Grande de Xixón. Y güei van a facelo cola actuación de Kula Shaker a les nueve la nueche na Plaza Mayor y al Sueño de Morfeo a les once nel escenariu de Poniente. Crispian Mills y Alonza Bevan, componentes de Kula Shaker tornen a los escenarios dempues d’un breve parentesis col so britpop n’estáu puru, con acordes psicodelicos de los 60 chiscaos con ciertes dosis de música hindú. Y en cuantes a l’actuación de les once la nueche, El Sueño de Morfeo, unu de los grandes grupos asturianos, galardonáu col premiu d’Asturianos del añu 2005 pola repercusión que tuvo’l so primer álbum, tituláu ‘El Sueño de Morfeo’, van presentar la so habitual< música pop enllena d’esitos y númberos unu. 9 d'agostu, 2007 0 FacebookTwitterPinterestEmail