Comunicación La páxina de los siguidores de la programación nasturianu de la RPA llega a les 2300 visites by asturnet 23 de setiembre, 2007 La web http://rtpanasturianu.blogspot.com/ lleva poco más dun mes en marcha y yá superó les 2300 visites. Esti blogue ñaciere pa dar tola información de cada programa y dexar constancia del so percorríu, siempres questi fuere nasturianu y emitíu al traviés de dalguna de les canales de radio o televisión del Ente Públicu de Comunicación del Principáu dAsturies. La páxina, que va medrando en conteníos pasu ente pasu, inclúi vidios de los programes, información de caún de los programes nasturianu de la RTPA y de los presentadores que tán o tuvieron nel Ente asturianu. Amás, inclúi una encuesta na que los siguidores tán escoyendol meyor programa nasturianu de la TPA. Nesto momentos va ganando Camín de Cantares y en segundu llugara tal programa diariu Al Aldu. RTPA N’ASTURIANU 23 de setiembre, 2007 0 FacebookTwitterPinterestEmail
Comunicación Xandru Martino protagoniza güei sábadu la emisión n’asturianu de la TPA by asturnet 21 de setiembre, 2007 L’escritor ribesellanu Xandru Martino protagoniza güei sábadu la emisión n’asturianu de la TPA como protagonista del espaciu “Nós” que s’emite a les 12:45 hores, xusto enantes de la Exhibición del xueves n’Uviéu del pilotu Javi Villa. La selmana que vien, el programa dedicaráse al Grupu San Felix de Candás, faciendo una visita a ún de los sos ensayos, na villa candansina, y percorriendo la so hestoria de la mán de los componentes d’esti pernomáu grupu d’investigación folklórica. Nós ye un microespaciu de TPA producíu en collaboración con Zebrastur y dirixíu pol periodista asturiano, y direutor d’Asturnews, Próspero Morán. 21 de setiembre, 2007 0 FacebookTwitterPinterestEmail
Comunicación Trabe pasa a les manes del grupu Editorial Ámbitu nel primer gran procesu de concentración que vive l’asturianismu editorial by asturnet 19 de setiembre, 2007 Les Noticies da la noticia de la adquisición de Trabe pol so grupu editorial: “Depués de quince años d’historia, Ediciones Trabe ta a puntu de cambiar de manes. Inaciu Iglesias, accionista mayoritariu de Publicaciones Ámbitu, empresa editora de LES NOTICIES, va facese cargu nestos díes de Trabe Sociedá Limitada, editorial emblemática asturiana, con un fondu de más de 500 títulos, y y que fundara y dirixera con gran aciertu l’escritor Antón García”. “La idea pa estos próximos meses ye continuar los proyectos entamaos pola anterior dirección , pa los años venientes, caltener la independencia del sellu y la estructura empresarial actual manteniendo la plantiya y l’espíritu qu’animó a esta empresa”, declaró Inaciu Iglesias. Antón García, de la so parte, dixo “sentise arguyosu del equipu de xente que trabaya y se formó en Trabe” al tiempu qu’anunció que nun futuru va centrase na so carrera lliteraria y nel sector audiovisual. 19 de setiembre, 2007 0 FacebookTwitterPinterestEmail
Comunicación El Conseyu d’Alministración de la TPA renuévase col aportar del PP by asturnet 19 de setiembre, 2007 L’aportar del PP al Conseyu d’Alministración del Ente RTPA renueva esi conseyu pero namái que numéricamente, ya que los nuevos conseyeros populares tienen el mesmu calter políticu que los del PSOE ensin aportar dengún especialista nos medios de comunicación a un Conseyu que yá perdió cola dimisión de Bernanrdo Díaz-Nosty, que fora’l primer Presidente del Conseyu Alministración, l’únicu referente profesional. El PP siguiendo’l calter políticu dau pol PSOE mayoritariamente a los sos nomamientos, acaba de “colocar” nel Conseyu de la RTPA a los históricos alcaldes que dexaron les sos alcaldíes nestes eleiciones. El PP na pasada llexislatura nun cuntaba con representantes, por tar a la escontra de qu’Asturias tuviere una radio y televisión públiques. Los siete conseyeros en representación del parlamento a los que tien drechu’l PP nel conseyo de la RTPA son los mesmos que tien el PSOE mentantu qu’IX solo tien ún, pero pue decidir col so votu tolos enfrentamientos que se produzan nel seno del Conseyu. Los representantes del PP son Asensio Martínez Cobián, José Cachafeiro, Roberto Pérez, Gervasio Acevedo y otros dirixentes como Fernando Corro exteniente de alcalde de Cabrales y Joaquín Fernández, presidente del PP en Samartín del Rei Aurelio y el médicu de Xixón Eduardo Carreño. Pela su parte, el PSOE caltién a Francisco Alonso, Angelina Alvarez, Jesús Landeira, Monserrat Martínez, Miguel Amieva, Luzdivina Rodríguez y noma a José Amado Mallada, exdiputáu na Xunta. Por IX sigue Adolfo Camilo Díaz. 19 de setiembre, 2007 0 FacebookTwitterPinterestEmail
Comunicación Antón García inauguró una etapa nueva de Paraísu Natural na RPA by asturnet 13 de setiembre, 2007 L’escritor y editor Antón García ta dirixendo y presentando dende la selmana pasadal magacine Paraísu Natural, que presentaba hasta enantes del branu Consuelo Vega, a la questi branu tuvo sustituyendo Carlos Suari. El primer programa desta temporada con Antón García foil vienres pasáu cola entrevista a Inaciu Galán por mor de los actos dArribada, que güei entamen en Xixón. El programa inclúi una entrevista y laxenda cultural de la selmana, que lleva la periodista Vanessa Gutiérrez y emítese tolos vienres a les 14:05 hores y en redifusión a les 00:30 hores de la nueche y cumple esta selmana 46 ediciones. En cuantes a la TPA, Carlos Suari lleva unes selmanes reincorporáu a la presentación de la sección A galmiaes, del programa Al Aldu, dempués dun branu dedicáu al programa Paraísu Natural, tiempu nel que Mercedes Menéndez tuvo al cargu de la presentación del programa. 13 de setiembre, 2007 0 FacebookTwitterPinterestEmail
Comunicación Yá ta a la venta nos quioscos la Esbilla de Camín de Cantares en DVD by asturnet 12 de setiembre, 2007 La Radiotelevisión del Principáu dAsturies acaba de sacar a la venta nos quioscos dAsturies el DVD Camín de cantares. Esbilla, quhasta agora punxiera a la vente neventos especiales como al Feria de Muestres de Xixón ol CSIO, en Les Mestes. El DVD inclúi una escoyeta de los momentos más significativos de la primer temporada del programa presentáu por Xosé Ambás y emitíu pela TPA. Los escenarios onde se grabó la primer temporada y dende onde falen les informantes que se recueyen nesti DVD son: Las Murias (Grau), Viodo (Gozón), Villarmeirín (Ibias), Xichón (Cangas), Cuturrasu (Llangréu), Piñera Baxo (L.lena), Val.láu (Cangas), Arangas (Cabrales), Restiellu (Grau), Trabáu (Degaña), Chanos (L.lena), Buelna (Llanes) y Ambás (Grau). El DVD complétase cola reellaboración de tres temes tradicionales: Al llau del molín, de Tuenda; Las flores del quempu, fecha por Pepín de Muñalén, Xosé Ambás y Xuan Nel Expósito, y la Muñeira de Trabáu, de parte de Tuenda y Dulcamara. Ceo va vendese tamién en llibreríes. 12 de setiembre, 2007 0 FacebookTwitterPinterestEmail
Comunicación Un grupu d’internautes estrena la páxina de noticies ‘Ximiélgate.net’ by asturnet 11 de setiembre, 2007 Un grupu dinternautes ta acabante destrenar na rede Ximiélgate.net, un proyectu que supón una adaptación de Menéame a la comunidá asturiana. Un sitiu nel que son los llectores los que voten pa escoyer les noticies. Cualisquier noticia que seya dinterés, podéis apurrila a la comunidá al traviés de Ximiélgame. Llueu,sedrá la xente la que diga si-yos interesa, o si queda pa prau, comenten los fundadores de la web. Ximiélgame, ye ún d’esos sitios nos que ye l’usuariu quien decide qué noticies son importantes. Dicho d’otra manera: ye lo que se diz “un sitiu de noticies qu’emplea un sistema de control editorial non xerárquicu”. Pa ello utilizamos l’aplicación web Pligg derivada del perconocíu menéame que desenvolviera dende les Islles Baleares el doctor n’Informática Ricardo Galli, influyíu pela so parte, pol sitiu n’inglés digg.com. El funcionamientu de Ximiélgame básase na participación del usuariu. Esto ye, quienquiera puede enxertar la noticia o la hestoria que-y paeza afayadiza, interesante o prestosa. Depués, los demás usuarios van poder votar y abrir un alderique al rodiu d’esa historia. A más interés de los usuarios nesa hestoria, más xubirá na clasificación de noticies de Ximiélgame. Páxina web ‘Ximiélgate.net’ 11 de setiembre, 2007 0 FacebookTwitterPinterestEmail
Comunicación Radio Parpayuela entama una nueva temporada con programes en directu by asturnet 10 de setiembre, 2007 Ayeri llunes, Radio Parpayuela de Mieres entamó les sos emisiones en directu de la temporada 2007-2008. Según los responsables, pel branu siguióse trabayando pa incorporar nuevos equipamientos técnicos que van dir en beneficiu de los oyentes y agora yel momentu de da-y nuevos conteníos a la radio. En cuantes a la programación, magar de caltener el bloque del añu pasáu, va haber nuevos espacios que van completar la parrilla, na quensin dulda va volver a tener un papel protagonista Radio-Cole. Radio Parpayuela prepara tamién la presentación, pal próximu 14 de payares, duna nueva campaña de sensibilización social que, con guión y dirección de Carlos Barros, cuenta cola collaboración especial del periodista Ramón Sánchez Ocaña. 10 de setiembre, 2007 0 FacebookTwitterPinterestEmail
Comunicación Siguidores de les emisiones nasturianu de la RTPA entamen una páxina web by asturnet 20 d'agostu, 2007 Redacción. Siguidores de la programación n’asturianu de la radio y la televisión autonómica d’Asturies tán acabante d’estrenar una páxina web na que faen un siguimientu completu de tolos programes de les emisores de radio y televisión del ente públicu asturianu. La web, que ta tovía en construcción, inclúi un repás completu a tolos programes emitíos pola televisión asturiana: ‘Al Aldu’, ‘Camín de Cantares’, ‘Nós’, ‘Pieces’, ‘El Chigre’ (emitíu dientro de Terapia de Grupo) y dalgunes emsiones especiales como la misa n’asturianu que la TPA emitió esta fin de selmana pasada utilizando los gráficos en llingua asturiana. Amás, la páxina recueye los programes de la radio autonómica que s’emiten y que fueron emitíos nel pasáu na canal pública, asina como un llistáu completu de los presentadores de los programes n’asturianu que van completase col tiempu con biografíes completes, según comentaron los responsables a Asturnews.com Iniciatives como esta remarquen el siguimientu y la gran aceptación que tán teniendo los programes n’asturianu de la RTPA, a los que l’audiencia acompañó dende l’entamu de les sos emisiones. Páxina web ‘RTPA N’ASTURIANU’ 20 d'agostu, 2007 0 FacebookTwitterPinterestEmail
Comunicación Una esbilla de Camín de cantares sal mañana a la venta en DVD by asturnet 6 d'agostu, 2007 Redacción. Mañana miercoles a la una la tarde nel estand del Gobiernu del Principáu d’Asturies na Feria Internacional de Muestres d’Asturies en Xixón va presentase un DVD cola esbilla de los meyores momentos de la serie ‘Camín de cantares’, ún de los programes de la TPA que consiguieron meyores resultaos nesta temporada pasada. ‘Camín de cantares’ ta coproducíu por Ediciones Ámbitu y la RTPA y ta dirixíu por Ramón Lluis Bande y conducíu por Xose Antón Fernández ‘Ambás’. Nel DVD, que va vendese como un adelantu de la futura primera temporada en DVD, que va sacase nos próximos meses a la venta, apaecen dalgunos de los meyores momentos de les visites d’Ambás a les cases de les sos informantes. La esbilla inclúi grabaciones de Las Murias (Grau), Viodo (Gozón), Villarmeirín (Ibias), Xichón (Cangas), Cuturrasu (Llangreu), Piñera Baxo (L.lena), Val.láu (Cangas), Arangas (Cabrales), Restiellu (Grau), Trabáu (Degaña), Chanos (L.lena), Buelna (Llanes) y Ambás (Grau). Amás el DVD inclúi la reellaboración de dellos temes populares a cargu de músicos asturianos. 6 d'agostu, 2007 0 FacebookTwitterPinterestEmail