La Casa d’Asturies en Valencia amplía’l plazu del so concursu de rellatu curtiu

La dirección de la Casa d’Asturies de Valencia ta acabante anunciar l’ampliación del plazu del concursu de rellatos curtios n’asturianu hasta’l 23 d’agostu por mor de “les numeroses peticiones” que-yos ficieron.

L’actu d’entrega de premios, llectura de poemes y de los rellatos ganadores, posponse tamién pa incluyilu nos actos de la Selmana Cultural d’Asturies. L’actu del Día de les Lletres en Valencia tendrá llugar el 12 de setiembre na sala cultural municipal La Petxina.

El rellatu tendrá de ser una narración n’asturianu o gallego-asturianu de tema llibre, orixinal ya inédita, con un máximu de 20 folios y un mínimo de 5. Los trabayos han unviase al corréu electrónicu casturvalencia@gmail.com