Festexos d’Avilés presenta un programa consolidáu qu’inclúi 20 actividaes y 19 eventos deportivos

Festexos d’Avilés presenta un programa consolidáu qu’inclúi 20 actividaes y 19 eventos deportivos que van desenvolvese por exemplu en Les Meanes qu’acueye un añu más la Pista de patinaxe sobro xelu, el Mercadín de Navidá y la Feria d’Avientu. Tamién xorrez la propuesta d’eventos deportivos col tornéu de baloncesto “Ciudad d’Avilés” y l’incorporación del Open de Taekwondo “Ciudá d’Avilés”.

La conceyala de Festexos, Ana Hevia, presentó esti día’l cartelu y la programación festiva d’Avilés, na que repiten dos actividaes estrenaes l’añu pasáu: la pista de xelu en La Esposición y el Conciertu d’Añu Nuevu, qu’anguaño va ser pela tarde y nel que la Orquesta Sinfónica Ciudá d’Avilés, va tar acompañada pola mezzosoprano Marina Pardo y la baillarina Priscila Ortiz, dirixíes por Iván Cuervu.

Anguaño, Imaxina, el salón infantil y xuvenil, celebrase nel polideportivu del Complexu Deportivu Los Canapés  y el ciclu jovenEscena va cuntar con 4 representaciones de música, maxa y teatru, xuna más que l’añu pasáu. Caltiénense nel programa les visites teatralizadas al Palaciu Valdés y l’Esposición de Nacencies (C/La Fruta,11 con 11 escenes, los  belenes de cumes y la colección de miniatures.

Tamién volverán instalase en Les Meanes la Feria d’Avientu y el Mercadín de Navidá. Nel paséu central del parque asitiaráse un gran abetu navidiegu. Incorporar al programa d’esti añu la Yincana Avi-Lab pa mozos con temática científica que sortea ente los participantes visites en catamarán al Cañón d’Avilés. El día de Navidá la Coral Polifónica va ufiertar un Conciertu de villancicos na Ilesia de Santu Tomás de Cantorbery y repiten los talleres infantiles nel Muséu de la Hestoria Urbana d’Avilés.

El Anguleru y los Llendadores de la Ría volverán tar presentes na Navidá avilesina nes actividaes “Folixa de Navidá” y “Cortexu del Nataliegu” Les Uves de la Suerte na plaza d’España, el posterior baille con orquesta en Les Meanes, un musical infantil, el Príncipe Aliatar nel Conceyu y la Cabalgata del 5 de xineru completen les actividaes navidiegues d’anguaño

La programación deportiva suma 19 eventos cola novedá del Tornéu de Baloncesto “Ciudad d’Avilés”, el nuevu percorríu de la San Montesa y los tradicionales Tornéu Internacional de Balonmano y troféu de Natación La Madalena. Completen les actividaes deportives distintos eventos de fútbol-sala, fútbol, patinaxe artísticu, ximnasia rítmica, cross, taekwondo, boxéu, natación artística, tiru con arcu, natación, yudu y axedrez.

Ver programa d’actividaes.