El Festival LaKorre Gamefest tuvo más de 5.000 visitantes

El conceyal d’Economía nel Conceyu d’Uviéu, Rubén Rosón, ufiertó esta selmana los datos de visitantes del festival LaKorre Gamefest que se celebró la selmana pasada nel mercáu de abastos de La Corredoria. Más de 5.000 persones esfrutaron de les actividaes empobinaes al mundu audiovisual y del videoxuegu.

L’ésitu de participación del festival LaKorre Gamefest fai que Rosón propóngase como oxetivu consolidar l’actividá nel tiempu. Amás, el conceyal anunció que se van programar más actividaes y eventos nel mercáu con una periodicidad mensual.

“Per primer vegada La Corredoria cuntó con una actividá singular estremada y programada dientro de les actividaes de Navidá y averamos les fiestes a esti barriu tan importante d’Uviéu”, señaló. “Los miles de neños y mozos que pasaron por La Corredoria estos díes dan bona amuesa del ésitu del conteníu del festival audiovisual y del videoxuegu, polo que la intención ye consolidalo nel tiempu”, añedió Rubén Rosón.

Pal conceyal d’Economía, la esperiencia sirvió tamién p’amosar que’l mercáu de abastos pue acoyer actividaes distintes a aquelles pales que foi concebíu nun entamu “y tener vida más allá d’esos usos”. El conceyu d’Uviéu quier apostar por programa actividaes cada cuatro selmanes aprosimao “pa dar vida a esti espaciu y que puea ser usáu polos vecinos”.