Portada Mocedá El Conseyu de la Mocedá d’Uviéu entama un cursu d’asturianu básicu

El Conseyu de la Mocedá d’Uviéu entama un cursu d’asturianu básicu

by asturnet

Col envís d’apoyar “la difusión y normalización de la llingua asturiana” el V Plan Formativu del Conseyu de la Mocedá inxerta un cursu pa introducir a mozos y moces nel conocimientu del idioma, pero tamién, pa dar a les entidaes y a la mocedá ferramientes y recursos pa que de motu proprio puedan afondar nel conocimientu del asturianu.

El cursu emprincipia’l miércoles 16 de payares y acaba’l miércoles 23 d’avientu, tien una duración de 20 hores y l’horariu ye’l que sigue: llunes y miércoles de 18.00 a 20.00. Pa la emisión del certificáu de participación, va ser necesaria una asistencia de, polo menos, un 80% del total del horariu llectivu.

Ente los temes del cursu van tar: “Llingua y sociedᔠ(Billingüísmu, diglosia y conflictu llingüísticu, Movimientu de reivindicación llingüística, Prexuicios llingüísticos…); y Llingua (soníos y alfabetu, Vocalismu, Xéneru y númberu…).

La inscripción, que ye de baldre, tien de facese nel Conseyu de la Mocedá d’Uviéu, asitiáu na plaza Llagu Enol d’Uviéu, llamando al teléfonu: 985 11 69 65 o nel corréu coordinadora@cmu.as

http://cmu.as/v_portal/informacion/informacionver.asp?cod=28358&te=4956&idage=32757&vap=0

Tamién te podria gustar