Política IX reclama meyores culturales p’Asturies nos Prespuestos Xenerales del Estáu by asturnet 24 d'ochobre, 2014 IX pide 340 millones d’euros adicionales p’Asturies nos Prespuestos Xenerales del Estáu, al traviés del so diputáu nacional Gaspar Llamazares, que defende enmiendes pa terminar la Variante de Payares, les conexones a los puertos de Xixón y Avilés o 213 millones de Fondos Mineros, amás de partíes pala protección del prerrománicu asturianu y el sofitu a l’Academia de la Llingua. Izquierda Xunida propón ampliar les inversiones de los Presupuestos Xenerales del Estáu en 340 millones d’euros pa dar respuesta a les necesidaes más urxentes d’Asturies. El diputáu nacional d’IX per Asturies, Gaspar Llamazares, aseguró que l’oxetivu d’esta inversión adicional dexaría concluyir, d’una vegada, proyectos como’l de la Variante Ferroviaria de Payares, el cumplimientu de la sentencia xudicial pal desbloquéu de los Fondos Mineros que’l Gobiernu del PP intenta refugar o partíes pa Xixón Al Norte, Variante d’Avilés o’l caltenimientu del prerrománicu asturianu. Les cuentes presentaes pol PP suponen, afirmó’l congresista, la reconocencia de los incumplimientos del Gobiernu de Mariano Rajoy con Asturies. El volume global de les enmiendes presentaes por IX pa Asturies, xube a 340 millones d’euros, de los que 43 adicionales destínense a la Variante de Payares y 213 millones a les cantidaes debíes de fondos mineros Amás, inclúyense partíes na propuesta d’IX pala protección del prerrománicu asturianu, el sofitu a l’Academia de la Llingua y otra pa garantizar el futuru de Trubia y la reincorporación de los trabayadores despidíos, nesti casu venceyándolo al nuevu contratu col Gobiernu británicu. 24 d'ochobre, 2014 0 FacebookTwitterPinterestEmail
Comunicación La Sidra pon na cai so númberu 130 by asturnet 24 d'ochobre, 2014 El númberu de La Sidra correspondiente al mes d’ochobre que fai’l númberu 130 yá ta disponible pa la so descarga en pdf, con una bayura conteníos venceyaos a la cultura sidrera y que recueye les sos secciones de siempre (muyeres del llagar con Eva Trabanco Olmo, l’axenda sidrera, ect..) y dedica-y abondu espaciu a eventos como’l Festival Intercélticu de Lorient del agostu pasáu, el Concursu de Semetes La Sidra, o el III Concursu Asturianu de Sidre Casero. esti númeru tamién ufre unos interesantes apuntes sobre la sidre nel conceyu de Piloña y sobre etiquetes históriques. Númberu 130 de La Sidra 24 d'ochobre, 2014 0 FacebookTwitterPinterestEmail
Sociedá Xornaes d’Espeleoloxía by asturnet 24 d'ochobre, 2014 Los prósimos díes 25 y 26 d’ochobre de 2014 (sábadu y domingu) van tener llugar les I Xornaes de Prevención y Seguridá en Descensu de Cañones, entamaes pola Federación d’Espeleoloxía del Principáu d’Asturies (FESPA). Les xornaes van celebrase nel Centru Tullidi de Benia dOnís nel so bloque teóricu, y na Cueva los Canes (Puertes-Cabrales) y diversos cañones de la zona nel so bloque prácticu. Estes xornaes van centrase nes midíes de prevención a adoptar antes y demientres l’actividá, la solución de pequenos problemes propios o del compañeru y l’atención de Primeros Auxilios aplicaos a l’actividá y maniobres d’Autosocorru. El desenvolvimientu d’esti tipu d’acciones formatives y de tecnificación respuende a la necesidá de cuntar con una fayadiza conocencia de midíes de prevención, técniques de autosocorro y primeros auxilios per parte de los deportistes federaos, que consoliden la promoción que dende la Fdederación se fai de la cultura de la seguridá y responsabilidá ente los sos deportistes cola fin d’impulsar la meyora continua nuna actividá que n’Asturies desenvuelvese al mayor nivel. 24 d'ochobre, 2014 0 FacebookTwitterPinterestEmail
Política Andecha denuncia que la fiscalía protexe al PSOE by asturnet 20 d'ochobre, 2014 Andecha vienoa cabante de denunciar nun comunicáu asoleyáu esti día que la Fiscalía protexe al PSOE dAsturies. Sigún el partíu nacionalista asturianu, la Fiscalía négase a acusar a dengún de los ocho imputaos poles factures del Niemeyer y desestimar la denuncia escontra Graciano Torre presentada por Oro no, “permitiendo la impunidá de la trama mafiosu-clientelar del PSOE”. 20 d'ochobre, 2014 0 FacebookTwitterPinterestEmail
Sociedá El SFA y el RIDEA homenaxearán al filólogu Manuel Menéndez los díes 28 y 29 d’ochobre by asturnet 20 d'ochobre, 2014 El SFA y el RIDEA homenaxearán al filólogu Manuel Menéndez los díes 28 y 29 d’esti mes dochobre con dos xornaes destudiu dedicaes a la so figura, al cumplise de recién el 50 cabudañu de la so muerte. El Seminariu de Filoloxía Asturiana (SFA) de la Universidá d’Uviéu y el Real Institutu dEstudios Asturianos (RIDEA) van desenvolver les dos sesiones na Sala de Conseyos del Departamentu de Filoloxía Española (Campus dEl Milán, Uviéu) y nel Salón dActos del RIDEA (Pza. Porlier, Uviéu). L’Homenaxe celebrase estos dos díes cola figura del filólogu Manuel Menéndez García (1909-1962), autor de la perconocida monografía “El Cuarto de los Valles. Un habla del occidente asturiano”, como referencia. Les dos xornaes van llevar el títulu de «Manuel Menéndez y lAsturias occidental mediu sieglu depués». Les sesiones van facese na Facultá de Filosofía y Lletres y na sé del RIDEA na Plaza Porlier dUviéu, y tendrán secciones dedicaes a la dialectoloxía, etnografía y historia, con una sesión específica dhomenaxe al filólogu. Les Xornaes van zarrase cola presentación de dos llibros inéditos del llingüista homenaxáu: Toponimia, refranes y conjuros y Palabras y cosas de Bermiego. Manuel Menéndez (1909 – 1962) foi una de les figures más destacaes de la Llingüística y Dialectoloxía Asturianes del sieglu XX. Recordáu sobre manera pol so modélicu llibru sobre la fala dEl Cuarto de los Valles, punxo tamién el so interés nel estudiu de la cultura popular y la historia de lAsturies occidental. Foi un representante xenuín del asturianismu intelectual que Juan Ignacio Ruiz de la Peña llamó «xeneración de Valdediós» 20 d'ochobre, 2014 0 FacebookTwitterPinterestEmail
Política Andecha astur entruga pol Ferry Xixón-Saint Nazaire by asturnet 16 d'ochobre, 2014 Enfastiaos dinformaciones parciales o “direutamente de desinformaciones calculaes sobro la esapaición de la llinia de ferry Xixón- Saint Nazaire”, Andecha Astur pidió esta selmana desplicaciones al Gobiernu español.Andecha Astur, al traviés del diputáu de AMAIUR, Jon Iñarritu García, compañeru de los nacionalistes asturianos na coalición Los Pueblos Deciden, presentó delles entrugues al Gobiernu con ruegu de rempuesta per escritu, nesponiendo delles siguientes irregularidaes cometíes pola operadora LDLINES. Concretamente, les irregularidaes denunciaes yeren: – Nun se cumplieron los siete años de serviciu obligatorios, comu se contemplaba nes condiciones de la sovención. – Una de les empreses que forma parte del consorciu quesplotaba la llínea ye Suardíaz (con un 10%),la cuala agora pretende abrir, tamién con sovención europea, la mesma llínia (na que yá cunta col 100% de la nueva empresa) pero dende Vigo, ufiertando esta nueva ruta a la cartera de veceros que consiguió cola llínia Xixón- Saint Nazaire. – El nivel dacupación de la llínea Xixón- Saint Nazaire ye del 72 – 75%. Cabe pensar que na solicitú de sovención va figurar un estudiu de viabilidá, que se desconoz, pero que probatiblemente podría cuntar con menos desi 72% pa envalorar la rentabilidá que xustificara la sovención. – A la de xustificar la rentabilidá de la llínia sovencionada, la empresa fixo constar un gastu diariu por barcu de 12.000 euros, cuando en rialidá, según ye público, y dende el primer díi foi de 18.000 euros. 1. ¿Qué opinión-y merecen al Gobiernu estos fechos? 2. ¿Abrió daqué investigación pa esclariar si esiste dalguna irregularidá? 3. ¿Esistió daqué comunicación cola Comisión Europea sobro estos fechos? Andecha Astur considera destrema gravedá pa Asturies y pa Xixón la perda de la llínia de ferry Xixón- Saint Nazaire que, conxuntamente cola inoperatividad cercana al esmantelamientu del aeropuertu de Asturies, lamenorgamientu de trenes a Madrid, el peaxe de lautopista dEl Güerna, la siempres pendiente variante ferroviaria de Payares, y lautovía del Cantábricu con 25 años de retrasu, pon a Asturies nuna situación dincomunicación inxustificable, contribuyendo con ello al emprobecimiento económicu, social y cultural del nuesu país. 16 d'ochobre, 2014 0 FacebookTwitterPinterestEmail
Emigración El Centru Asturianu de Sevilla echa sidra solidaria by asturnet 16 d'ochobre, 2014 Dientro del marcu del IV alcuentru de cases rexonales y provinciales que se celebró en Sevillaesta fin de selmana na redolada de Plaza Nueva, el Centru Asturianu en Sevilla llevó a cabu l’I escanciáu de sidra solidario que tuvo llugar nesta ciudá. Llográronse vender 500 botelles de sidra natural , colos sos correspondientes vasos a un preciu de 3 , de manera tala que 2 de cada botella fueron destináu a un comedor social de la zona del polígonu sur de la Capital Andaluza que ta siendo bien afectada pola situación de crisis actual. El Centru Asturianu de Sevilla quixo tres del actu reconocer la collaboración al Conceyu de Belmonte de Mirada que donó los 500 vasos de sidra grabaos y a sidra Trabanco pola donación de 72 de les 500 botelles que s’echaron. Pel so stand pasaron autoridaes del conceyu de Sevilla según el Sr. Monago presidente de la Comunidá Autónoma Estremeña que s’interesó pola nuesa comunidá y tastió nuesa magnífico sidra acompañada d’una sabrosa empanada. 16 d'ochobre, 2014 0 FacebookTwitterPinterestEmail
Comunicación La XDLA califica d’insultu a los asturianos el patrociniu de RTPA a un conciertu dIsabel Pantoja by asturnet 16 d'ochobre, 2014 La XDLA califica d’insultu a los asturianos el patrociniu de RTPA a un conciertu dIsabel Pantoja entendiendo que’l fechu de que la empresa pública patrocine a la cantante, condenada por blanquéu de capitales, mentes-y da una atención mínima a los artistes asturianos, ye dafechamente incomprensible. Asina, los fondos públicos de RTPA van valir pa publicitar a la cantante más famosa dEspaña, acusada de cometer delitos de llaváu de dineru y fraude a la Facienda Pública. El 22 de payares, la cantante Isabel Pantoja va dar un conciertu nUviéu y a pesar de que lartista ta condenada por blanquéu de capitales y tien que pagar una multa de más dun millón deuros, el conciertu cuenta cola collaboración del mesmu Conceyu dUviéu y, lo que ye peor, col patrociniu de RTPA, la televisión pública de tolos asturianos. Asina, los fondos públicos de RTPA van valir pa publicitar a la cantante más famosa dEspaña, acusada de cometer delitos de llaváu de dineru y fraude a la Facienda Pública. La Xunta pola Defensa de la Llingua Asturiana (XDLA) entiende esti patrociniu como un insultu a los televidentes de la emisora, a la xente que trabaya pola cultura asturiana y a tola ciudadanía asturiana en xeneral. Como vien denunciando la XDLA “de magar la RTPA empezó a emitir, allá pel 2005, el modelu de programación de la radio y la televisión pública rescampla pola marxinación de la llingua y la cultura asturiana. Sicasí, como demuestren les audiencies, los programes apegaos al territoriu y a la identidá asturiana son los que más audiencia tienen. Ye más, a pesar de que RTPA tien que cumplir por llei una función de promoción de la cultura asturiana, la presencia de la música asturiana nes emisores públiques ye cuasi inexistente. Too esto choca col patrociniu al conciertu dIsabel Pantoja, fórmula que nun usó RTPA con nengún artista asturianu”. Por mor d’ello, la XDLA fai un llamáu “a la industria cultural d’esti país pa que denuncie y actúe contra esta tomadura de pelo, que paez que mete de capitón a TPA nel modelu de Canal 9. Nun fai falta recordar cómo acabó esta canal. Y ye que nun se nos pue presentar como dalgo normal que la televisión pública collabore con una artista que representa lo más rancio de la música española y que podría tar a puntu dentrar na cárcel, mentes dexa de llau les muestres más importantes, nueves y actives de la cultura asturiana”. 16 d'ochobre, 2014 0 FacebookTwitterPinterestEmail
Lliteratura ‘Cuentos de Raitanín’ en La Pola by asturnet 16 d'ochobre, 2014 Mañana vienres, 17 d’ochobre a les 17 hores na Biblioteca de La Pola, entama la temporada de los ‘Cuentos de Raitanín’. Ésti ye un programa de dinamización llectora cola mascota de les biblioteques de L.lena. Son sesiones de Cuentacuentos con talleres pa niños de 3 a 10 años. El 24 d’ochobre será en Villayana y el vienres día 31 nel Centru de Llectura La Casona de Campumanes. 16 d'ochobre, 2014 0 FacebookTwitterPinterestEmail
Convocatories Entregáronse los premios 2014 de los concursos de l´ALLA by asturnet 10 d'ochobre, 2014 L’Academia de la Llingua Asturiana fizo entrega esti vienres 10 d’ochobre, a les 12 la mañana, nel so llar social (cai L’Águila 10, d’Uviéu), de los premios a los ganadores de los Concursos de l’Academia de la Llingua Asturiana 2014 que recueyen toles fasteres investigadores y creatives alrodiu de les que trabaya la institución. Na entrega de los premios, que presentó la presidenta de l’Academia de la Llingua Asturiana,xunta l’Académicu Pablo Xuan Manzano Rodríguez, falaron dalgunos de los premiaos pa desplicar so trabayu d’investigación. Asina na representación de los trabayos de toponimia entamaron falando sobre la Toponimia de la collación de Caldones (Xixón), Llorían García-Flórez y Xosé García Sánchez, qu’amosaron la so propuesta de respetar los topónimos tradicionales pa “nun permitir el epistemicidiu que tamos sofriendo” y falaron de los 1400 topónimos recoyidos que “son munchos pa esta collación”. Tamién calificaron como “ún de los cambios más importantes el pasu de la sociedá rural de Caldones a convertise nun espaciu periurbanu y el fechu de que traxera “topónimos con visiones más urbanizaes” pero cola peculiridá de que los topónimos nuevos qu’apaecieron tan n’asturianu. Inaciu Hevia Llavona foi’l siguiente n’intervenir sobre’l vocabulariu de la sidra, un trabayu de campo que tuvo Faciendo munchos años. Hevia Llavona afitó qee lo que más-y prestaba ye que “esti trabayu espeya que la llingua de la sidra ye l’asturianu que caltiénense mui vivu”. Pidió tamién que la Llingua se tenga en cuenta nesa declaración de patrimonio inmaterial que se ta persiguiendo ahora. Darrréu falaríen dellos otros de los premiaos como Xuan Santori. qu’afitó’l fechu de que’l trabayu de toponimia cabráliegu “ye una amuesa de la vitalida que tien l’asturianu nel Oriente”, y Damián Barreiro Maceiras sobre la situación del asturianu na televisión, ente otros. Los premios que s’entregaren esti día son los que correspuenden a les convocatories nesti 2014 de los «Concursos d’Investigación (de recoyida de material toponímico, de léxicu asturianu y d’investigación llingüística)», «Concursu de llectures pa rapazos», «Concursu de creación lliteraria, premiu “Llorienzu Novo Mier”», «Concursu de Teatru» y «Concursu de material lliterario escrito, premiu “Federico González-Fierro Botas”» Tolos premiaos El Concursu dInvestigación de Recoyida de material toponímico oral, que tuvo como xuráu a Ana María Cano González ta, Xosé Lluis García Arias y Alfonso Martín Caso, premió con 600 el trabayu tituláu Toponimia de les parroquies de Lada y La Venta (Conceyu de Llangréu), del que ye autor Xabiel Fernández García, dió un accésit de 300 al trabayu tituláu Toponimia de la collación de Caldones (Xixón), del que son autores Llorían García-Flórez y Xosé García Sánchez, y otru al trabayu tituláu Toponimia de La Baña. Contribución al estudiu de la llingua asturleonesa, del que ye autor Jonatán Rodríguez Bayo. El Concursu dInvestigación de Recoyida oral de léxicu asturianu, col mesmu xurán, dio pela so parte un un accésit de 300 al trabayu tituláu Léxicu asturianu de la sidra con delles desplicaciones etimolóxiques y comentarios, del que ye autor Inaciu Hevia Llavona, y otru de 50 al trabayu tituláu Contribución al vocabulariu cabraliegu, del que son autores Xuan Santori Vázquez, Juan Vicente Inguazo Prieto y Herminia Mier Mier. Y el mesmu xuráu premió tamién nel Concursu dinvestigación llingüística, el trabayu tituláu La nación televisada: llingua y identidá nos programes nasturianu de TPA, del que ye autor Damián Barreiro Maceiras., al tiempu que daba dellos accésit a los trabayos «Una traducción filolóxica y crítica de la Història de Jacob Xalabin, novelina anónima catalana del sieglu XV (Siguida de les de la Història de la filla de lemperador Contasti y la Història de la filla del rey dOngria, cuentos anónimos catalanes del mesmu sieglu)», del que ye autor Pablo Suárez García.; Estudiu socio-económicu y xurídicu de les ordenances del Conceyu dUviéu, s. XIII, de la que ye autora Ana Álvarez García; y Percepciones dialectales sobre los procesos de normalización y estandarización del asturianu, del que ye autor Xuan Santori Vázquez. Nesti 2014, el xuráu del Concursu dinvestigación sobre lliteratura asturiana, formáu por Xosé Ramón Iglesias Cueva como presidente, Antonio Fernández Insuela como vocal y faciendo de secretaria Marta Mori dArriba, apautosen dexalu ermu, lo mesmo quel concursu de Concursu de Recoyida de Material Lliterario Oral. Pela oso parte, el xuráu del Concursu de Llectures pa Rapazos, formáu por Urbano Rodríguez Vázquez como presidente, Vicente García Oliva como vocal Pablo Xuan Manzano Rodríguez como secretariu, premió al trabayu tituláu Tyan, del que ye autor Nel Ricardo Álvarez Morán. La convocatoria de Creación Lliteraria, premiu Llorienzu Novo Mier , que tenía esti añu un xuráu formáu por Marta Mori dArriba como presidenta, Roberto González-Quevedo González como vocal y Xosé Ramón Iglesias Cueva de secretariu, al poemariu tituláu Como fueyes na seronda, del que ye autora Yose Álvarez-Mesa. Y el Xuráu del Concursu de Teatru, formáu por Xosé Ramón Iglesias Cueva como presidente, Antonio Fernández Insuela como vocal, faciendo de secretariu Adolfo Camilo Díaz, premió con 600 la obra titulada Ondina Llagu, de la que ye autor Sergio Manuel Buelga Casas. Pa finar la llarga llista de concursos que convoca cada añu lAcademia, nesti 2014 el Concursu de recoyida de material lliterario escrito ufrió un accésit de 150 al trabayu tituláu Coples dantroxu y otros testos nasturianu con Xixón de fondu (1898-1928), del que ye autor Inaciu Galán y González. 10 d'ochobre, 2014 0 FacebookTwitterPinterestEmail