Fiestes La Semiente entama un Amagüestu n’El Parque La Llaguna by asturnet 3 de payares, 2014 Esti vienres día 7 de noviembre, la seronda va ser la protagonista nes actividaes del C.S. La Semiente, con un amagüestu, que ye tradición viva entá anguaño y típica destes feches en tola cuenca del Nalón. La primer parte LAmagüestu va ser a les 17,30 n’El Parque La Llaguna de L’Entregu y van repartise castañes y sidra dulce a los asistentes. Tamién va haber un mayu tradicional y un llagar, pa que los neños esfruten mayando y conozan un poco de la nuesa cultura tradicional y de ónde vien un productu tan natural y tan nuesu como ye la sidra. Los más pequeños, van poder pasalo pipa colos xuegos tradicionales que se van faer pa toos ellos. Nel amagüestu de pela tarde vamos contar co lactuación del Grupu Folclóricu El Castiellu, de Olloniego. El platu fuerte, El Conciertu Amagüestu, nel que como na primer edición el pesu específicu va ser el de LA PARTICIPACIÓN DE TOES na folixa y lespectáculu. Como lañu pasáu, va ser nes istalaciones del Campu Fútbol del Unión Deportiva El Corvero col fin de poder allargar la fiesta ensín problemes. Va empecipiar a les 21:00h. La nueche arrancará cola Badina LAmagüestu, que realmente va ser una amagüestu improvisáu pa esa nueche de músicos de distintes formaciones, que al son de gaites, tambores, bombu y lo que salga va dir caleciendo lambiente . La fuerza, el rap, el soul y el funki van correr de la mano de Guaja D, un aire frescu na escena Hip Hop de la cuenca, que nun va dexar a naide indiferente. Dempués va ser el momentu pal escenariu abiertu. HIP HOP, FOLK, CANCIÓN DAUTOR, MONÓLOGOS too eso y más tien sitiu nel escenariu. Ta confirmá la participación de dellos artistes nesos campos y espérase que la participación espontania sía lespíritu de la nueche. Si la folixa que monten los asitentes dexa pasu a más , otra parte sedrá la musica enlatá con Nochnepiche Esbilla, que soltará una esbilla de música balcánico, fusión, ska, electroswing Too esto nun sedría posible ensín la complicidá nin la collaboración de tolos artistes que van actuar desinteresadamente y del U.D. El Corvero, que dexa parte de les sos instalaciones pa poder cellebrar el Conciertu Amagüestu. La suma de too ello contribúi a dinamizar la vida cultural del conceyu y a echar una mano na propia autoxestión del Centru Social Autoxestionáu La Semiente. Como non, aparte de castañes y sidra dulce tamién se podrá esfrutar de les castañes acompañaes de Sidra LAllume y de Cerveza Caleya, una nueva forma d’esfrutar del amagüestu con productos de calidá gracies al buen facer de xente de la cuenca compañeros y collaboraores de La Semiente. Toles actividaes son gratuites y convidase a tol mundu a participar nel Centru Social La Semiente, C/ Eladio Jove, 6, L´Entregu (lasemiente@hotmail.com) 3 de payares, 2014 0 FacebookTwitterPinterestEmail
Emigración Xinebra celebró’l Día de les Lletres by asturnet 3 de payares, 2014 La celebrción entamola de la qu’empezaba’l sieglu el Gobiernu asturianu nel que participaba Izquierda Xunida-Bloque por Asturies y dende aquella’l Día de les Lletres Asturianes nel Esterior ye una cita que nun falta cada añi cola mira de promover y estender la llingua y cultura asturianes, y caltener el contactu cultural y llingüísticu colos colectivos de la emigración. nesti 2014, la ciudá escoyida foi Xinebra, en Suiza, a onde viaxaron Paz Fernández Felgueroso, presidenta del Conseyu de Comunidaes Asturianes, y Ana María Fueyo Llaneza, direutora xeneral de Política Llingüística. Los actos d’esti Día de les Lletres Asturianes tan especial desenvolviéronse dende les 16 hores y a lo llargo de la tarde del sábadu con delles actividaes que finaron con una cena en comuña de los asturianos emigraos al país helvéticu. 3 de payares, 2014 0 FacebookTwitterPinterestEmail
Comunicación L’Academia de la LLingua estrena web y canal en YouTube by asturnet 3 de payares, 2014 L’Academia de la Llingua Asturiana vieno acabante d’estrenar web nesta fin de selmana incorporando delles novedaes ente les que destaca la nueva canal de vídeo en Youtube. La nueva web va presentase dientru de les XXXIII Xornaes Internacionales d’Estudiu qu’entamen mañana martes na Facultá de Filosofía y Lletres de la Universidá d’Uviéu. La canal de You Tube estrenase col discursu de la presidenta, Ana Cano, nel caberu Día de les Lletres y una entrevista a Xosé Antón González Riaño na UABRA d’esti branu de 2014. Nueva canal en You Tube de l’Academia 3 de payares, 2014 0 FacebookTwitterPinterestEmail
Lliteratura Concováu’l XII Concursu cuentos curtios de Cangas by asturnet 3 de payares, 2014 “A partir del día 4 de los santos (4/XI/2014) tódalas personas que tean interesadas en participar no XII Concursu cuentos curtios del Conceyu Cangas, pueden ponese al l.labor de preparar los sous orixinales”. Asina entama la convocatoria de la edición de 2014 d’esti pernomáu concursu n’asturianu occidental que lleva ufriendo un bon número de cuentos calidables nestos caberos años. Sigún asoleya la oficina de Política Llingüística d’esta fastera occidental, “el concursu cuentos, que fai estiañu la súa edición doce, premia las meyores obras escritas nasturianu estándar ya occidental ya a él puede presentase cualisquier persona mayor de 16 años. Las obras han tener cinco fueyas cumo mínimo ya venti a lo máximo, han ser orixinales, anónimas ya tar escritas a espaciu doble en formatu DIN A-4”. El plazu pa presentar orixinales acabal día 5 del mes muertu comu lo nomen pela zona y el xuráu, que se xuntará a mediaos del mes, “ya vei tar formáu pola responsable del Serviciu de Normalización L.lingüística, por personal del Aria de Cultura del Conceyu Cangas, por un/a representante de la Rede de Normalización L.lingüística nos Conceyos ya por maestros/as ya escritores/as en l.lingua asturiana, vei dar a conocer ente esi mes yal siguiente el sou determín a los ganadores”. 3 de payares, 2014 0 FacebookTwitterPinterestEmail
Lliteratura Edítense trés llibros nuevos de llingüística y filoloxía asturianes alrodiu del filólogu Manuel Menéndez by asturnet 3 de payares, 2014 Nes xornaes «Manuel Menéndez y lAsturies occidental mediu sieglu depués», entamaes pola Universidá dUviéu (cola organización del Seminariu de Filoloxía Asturiana) y el Real Instituto de Estudios Asturianos (RIDEA), presentáronse trés llibros nuevos, con importantes aportaciones a la llingüística y filoloxía asturianes. La primera de les obres yera “El Cuarto de los Valles (textos inéditos). III. Toponimia, refranes y conjuros” de Manuel Menéndez (con introducción y edición de Ramón dAndrés Díaz y Taresa Fernández Lorences). La célebre tesis doctoral de Manuel Menéndez, El Cuarto de los Valles. Un habla del occidente asturiano, lleída na Universidá Central de Madrid en 1957, publicóse póstuma nos años 1963 (volume I) y 1965 (volume II), n’edición acuriosada por Emilio Alarcos. Dellos materiales d’esta tesis quedaran daquella inéditos. Y agora, cola publicación d’esti volume III, dispónse finalmente de la obra entera. Esti volume ta formáu por testos dialectales (refranes y conxuros) y por una llista alfabética de topónimos, con comentarios del autor y amestadures de los editores. El segundu de los trabayos espublizaos ye otra obra de Manuel menéndez “Palabras y cosas de Bermiego, Quirós (1950-1961)”, en edición de Xulio Viejo Fernández. Nel añu 2011, nuna mudanza familiar, atopóse un entemez de materiales del fallecíu llingüista Manuel Menéndez García (1909-1962), con un lletrerín que dicía «contiene notas sobre Bermiego». Tratábase de 56 fueyes a mano, 19 fichas de datos lingüísticos de la fala de Quirós y 5 fueyes con notes y dibuxos, quabarcaba dende 1950 a 1961. Arriendes dello, había una carta a Fritz Krüger de 1954 con informes léxicos dAsturies y Quirós; encuestes dialectales feches a estudiantes del Seminariu dUviéu; y 289 fiches dinformación llingüística de Quirós. Too ello formaba parte dun futuru trabayu al que lautor yá se refería col títulu de Palabras y cosas de Bermiego. El llingüista quirosanu Xulio Viejo, director de la Revista de Filoloxía Asturiana, iguó la edición de tou esti material, acuriosándolo en cuatro partes: «Palabras y cosas de Bermigo (Quitós)», «Etnografía», «Descripción lingüística» (fonética, fonoloxía, morfoloxía) y «Vocabulario». Una perdocumentada introducción de Viejo arredondia esti llibru que pue considerase un auténticu y afortunáu descubrimientu pa la llingüística asturiana.Finalmente, vieno acabente d’espublizase tamién la “Poesía popular de Asturias (1888-1889) de Ake Munthe, n’edición de Juaco López Álvarez & Jesús Suárez López. En 1886, el filólogu suecu Åke W:son Munthe, con 26 años, llegó a Cangas del Narcea pa recoyer información del asturianu pa la so tesis doctoral, cosa que fixo con informantes de Pousada de Rengos y Vil.louril de Bimeda; publicóse depués, en 1887, col títulu de Anteckningar om folkmålet i en trakt av vestra Asturien (Anotaciones sobre el habla popular de una zona del occidente de Asturias). Pero tamién recoyó cantares populares pa un estudiu del folclor de la zona, publicáu nentregues nos años 1888 y 1889, col títulu Folkpoesi från Asturien. Depués de 125 años, ve la lluz esti trabayu col títulu Poesía popular de Asturias, onde se recueyen romances, coples, cantares y cantares de neños. Fixo la traducción María Nilsson, de la Universidá dIowa, y iguaron la edición Juaco López y Jesús Suárez. Facebook del Seminariu de Filoloxía Asturiana 3 de payares, 2014 0 FacebookTwitterPinterestEmail
Educación Les XXXIII Xornaes Internacionales d’Estudiu van servir pa presentar l’Atles de los modelos entonativos d’Asturies by asturnet 3 de payares, 2014 Mañana martes, 4 de payares, a les 12:00 hores nel salón d’actos de la Facultá de Filosofía y Lletres de la Universidá d’Uviéu tendrá llugar la inauguración de les XXXIII Xornaes Internacionales d’Estudiu cola intervención de la Vicerrectora d’Investigación y Campus d’Escelencia Internacional de la Universidá d’Uviéu, Mª Paz Suárez Rendueles; la Decana de la Facultá de Filosofía y Lletres, Cristina Valdés Rodríguez y la Presidenta de l’Academia de la Llingua Asturiana, Ana Mª Cano González. Les Xornaes celebraránse los díes 4, 5 y 6 de payares de 2014 y nelles participarán un bon númberu de profesores ya investigadores asturianos xunto con otros de distintes universidaes españoles y europees. La sesión entamará coles presentaciones de la nueva web de l’ALLA y de la edición dixital del númberu 111 de la revista Lletres Asturianes y del númberu 4 de la revista Ciencies. Cartafueyos Asturianos de Ciencia y Teunoloxía. La conferencia inaugural tará a cargu de la profesora Clarinda de Azevedo Maia (Universidá de Coimbra) que falará sobre História da língua: elaboração e estamdardização. Alguns parâmetros para a análise destes processos nas Astúrias. La sesión de la tarde abrirála’l profesor Enrique del Teso (Universidá d’Uviéu) con una ponencia sobre L’amestáu urbanu. Cuestiones de normativa y llingua escrita, seguida de les ponencies El proceso de imposición de modelos lingüísticos en la Edad Moderna: el caso del patronímico Díez/Díaz en Sayambre de la profesora de la Universidá de Huelva, Elena E. Rodríguez Díaz, El Regnum Asturorum y los reinos hispanos mencionados en L’Abreujamens de las historias (c. 1323) y el Compendium Historiarum (c. 1320) de Paolino de Venecia a cargu del profesor de la Universidá de Reading, Alexander Ibarz, y El neutro de materia na morfoloxía nominal del asturianu del conceyu de L.lena, de la profesora de la Universidá de Lisboa, Rosabel San Segundo Cachero. L’actu pesllaráse cola presentación del Atles de los modelos entonativos d’Asturies, del Grupu AMPER-Astur de la Universidá d’Uviéu. 3 de payares, 2014 0 FacebookTwitterPinterestEmail
Sociedá El plenu de Cangues revisará incumplientos de toponimia by asturnet 3 de payares, 2014 El plenu de Cangues d’Onís va tratar la nuesa quexa pol incumplimentu de la toponimia na A-64 que presentaba estos díes atrás l’asociación Iniciativa pol Asturianu énte l’alcalde de Cangues d’Onís, darréu de qu’anunciara que-y aprobaren la colocación d’una señalización na A-64 na que s’anuncia la salida p’hacia Cangues d’Onís y Cuadonga. Iniciativa pol Asturianu recordó al alcalde, José Manuel González Castros, qu’ha facer porque Fomentu cumpla la llei al poner la señalización que reclamó y qu’agora van instalar. Agora l’asuntu va llegar al plenu del Conceyu de Cangues gracies a la petición d’Izquierda Xunida. Na comunicación d’Iniciativa pol Asturianu coles distintes fuercies presentes nel plenu de Cangues recordamos que tola señalítica ha usar los nomes oficializaos pol propiu plenu de Cangues, nesti casu Cangues d’Onís/Cangas de Onís y Cuadonga/Covadonga. Izquierda Xunida lleva agora la nuesa propuesta y unvió yá una nota a los medios na que manifiesten la so petición al alcalde “ha respetar la Toponimia oficial del Conceyu, polo qu’entendemos que tienen qu’apaecer los nomes tanto n’asturianu como en castellán”. Pa xustificar la so posición Iniciativa chaba mano del decretu de 2009 qu’aprobaba la toponimia del conceyu de Cangues d’Onís. Decretu de 2009 qu’aprobaba la toponimia del conceyu de Cangues d’OnÃs 3 de payares, 2014 0 FacebookTwitterPinterestEmail
Educación Un taller de cómic pa neños ye la novedá de les XIII Xornaes de Lliteratura Infantil y Xuvenil de Samartín del Rei Aurelio by asturnet 31 d'ochobre, 2014 Esti mes de payares desenvuelvense les XIII Xornaes de Lliteratura Infantil y Xuvenil de Samartín del Rei Aurelio, que presenten esti añu la novedá d’unos talleres infantiles de llectura de cómic nasturianu pa los que ye necesario apuntase güei vienres 31 d’Ochobre como data tope. Los talleres tán empobinaos a neños y neñes de 4 a 11 años y cuntarán cola presencia de dibuxantes de sonadía, como Enrique Carballeira, David Fernán o Ruma Barbero, o la traductora de los cómics d’Astérix, María Xosé Rodríguez. Les Xornaes lleva tiempu organizánles la Oficina de Normalización Llingüística de Samartín del Rei Aurelio en collaboración cola Oficina dInformación Xuvenil del conceyu y Bocina Nalón qu’entama estos talleres, que van dividise en dos turnos. El primeru ta destináu a neños y neñes de 4 a 6 años y va desendolcase, en dos sesiones, los díes 14 y 28 de payares (18 hores) na Casa de la Xuventú de Sotrondiu. Mentantu, los neños y neñes con ente 7 y 11 años, van dar trés sesiones: los díes 7 y 21, na Casona del Bravial de Blimea, y el 28 en Sotrondiu. Apuntase nos talleres pasa por llamar al númberu de teléfonu 984.11.22.39 o inscribise nel corréu electrónicu bocinaarrobabocina.org. 31 d'ochobre, 2014 0 FacebookTwitterPinterestEmail
Comunicación “Harry el suciu” va ser el primer filme comercial dobláu al asturianu y les sos voces escoyeranse esti Payares nun casting by asturnet 27 d'ochobre, 2014 La TPA vieno acabante alxudicar a Gonzali Producciones el doblaxe del llargumetraxe Dirty Harry (1971), que n’asturianu va ser “Harry el suciu” no que sedrá la primer esperiencia d’emisión de películes comerciales tornaes a la llingua asturiana na televisión pública. Ye ésti un clásicu del cine policiacu, dirixíu por Don Sieguel ya interpretáu nos papeles principales por Clint Eastwood, Harry Guardino, Reni Santoni, John Vernon, Andy Robinson, John Larch, Mae Mercer, John Mitchum, Woodrow Parfrey y Josef Sommer. El guión ye de Harry Julian Fink, R.M. Fink y Dean Reisner y el filme dura 102 minutos. Na película, Harry Callahan (Clint Eastwood) ye un policía que se crió na cai. Los sos compañeros nómenlu Harry el suciu polos particulares métodos qu’emplega na llucha contra’l crimen y porque siempres s’encarga de los trabayos más desagradables. En San Francisco, un francotirador mató yá a dos persones. Harry va ser l’encargáu de resolver el casu. Clint Eastwood contribuyó col so carisma a perfacer un personaxe que diba convertise n’iconu. Amás, el so antagonista en pantalla, Andy Robinson, llogró ún de los psicópates más famosos de la historia del cine. Gonzali Producciones convoca un casting pa esti versionáu, nel que se busquen actores de doblaxe o persones con esperiencia en doblaxe y/o llocución, valorándose los conocimientos d’asturianu y la capacidá d’espresión nesta llingua. El casting fadráse los díes 3 y 4 de payares, n’horariu de mañana (10 a 14 hores) y de tarde (16 a 20 hores), nel estudiu Fase Cuatro, allugáu en C/ Pachín de Melás númberu 42, El Natahoyo, Gijón/Xixón. A él puen acceder aquellos/es qu’aportaron datos nuna primera fase desarrollada en marzu d’esti añu, al igual qu’aquellos/es otros/es que tengan interés nel proyeutu. Formen yá parte del bancu de voces un grupu de profesionales esbilláu d’ente los que collaboraren n’anteriores trabayos entamaos pola empresa. Les persones interesaes puen empobinase a les señes de corréu electrónicu doblaxe-harryelsuciu@gonzaliproducciones.net, facilitando datos de contautu y currículu (si nun lu tuvieren fecho yá anteriormente). Encamiéntase la inclusión de muestres d’audiu y/o vídeu onde apaeza la so voz en llocuciones o doblaxes realizaos. Na comunicación l’interesáu/ada ha siñalar el día cuando podría realizar la grabación(3 ó 4 de payares) indicando si n’horariu de mañana o de tarde. La productora estrenara na TPA, el 27 d’avientu pasáu, la película doblada al asturianu El rostru impenetrable , visionable online na web de la canal de televisión (http://www.rtpa.es/video:Especiales_1389256028.html), y que tuvo dempués dos reposiciones con bon datu d’audiencia. Per otra parte, acabará nel mes viniente’l doblaxe de los nueve primeros capítulos del clásicu d’animación Supermán. 27 d'ochobre, 2014 0 FacebookTwitterPinterestEmail
Política Les marches de “Somos Reales” aporten a Uviéu by asturnet 24 d'ochobre, 2014 Les marches entamaes dende dellos puntos d’Asturies que tienen de finar n’Uviéu esta tarde de premios pa criticar los recortes en materies de cobertoria social y formativa o cultural, embaxo l’eslogan “Somos Reales”, percorrieron Asturies a lo llargo del día pa aportar esta tarde a la Capital asturiana. Llugones foi como amuesa la semaya’l puntu d’alcuentru al meudía de les marches qu’aportaben de la mariña asturiana. 24 d'ochobre, 2014 0 FacebookTwitterPinterestEmail