Educación El vienres desenvuélvese’l V Día de les Ciencies by asturnet 6 de payares, 2014 La Conseyería d’Educación, Cultura y Deporte entama, esti vienres 7 de payares, la celebración del Día de les Ciencies Asturianes una iniciativa que quier reconocer el valor y la importancia del estudiu científicu dientro de la nuestra sociedá y que se desenvuelve dende va tiempu tamién en llingua asturiana por mor de les unidaes didáctiques que la Conseyería ufre a los docentes interesaos en participar. Esti añu los actos van tar protagonizaos por miembros de los colexos oficiales n’informática d’Asturies, que van presentar el tema El viaxe de les palabres na rede. Los peligros del mundu dixital. El profesoráu interesau en trabayar dalgunos conteníos al rodiu d’esti tema pue descargar dende la web del Serviviu de estes propuestes pedagóxiques: El viaxe de les palabres pela rede. Unidá didáctica Primaria. Llingua Asturiana. El viaxe das palabras pola rede. Unidá didáctica Primaria. Gallego-asturianu. Los peligros del mundu dixital. Unidá didáctica Secundaria. Llingua asturiana. Os peligros del mundo dixital. Unidá didáctica Secundaria. Gallego-asturianu. Web de la Oficina de PolÃtica LlingüÃstica 6 de payares, 2014 0 FacebookTwitterPinterestEmail
Educación La XDLLA denuncia illegalidaes nos colexos concertaos by asturnet 6 de payares, 2014 Dende laprobación nel mes dagostu pasáu del currículu deducación primaria, ladopción de la posibilidá de que les families escoyeren ente Llingua Asturiana y Cultura Asturiana sufrió bien dataques de sectores contrarios a la presencia del asturianu nel mundu educativu. Dalgunos, amplificaos pola prensa, respondíen a los intereses de mui poques persones y nun reflexaben una preocupación real de la sociedá. Según la XDLLA, les declaraciones la selmana pasada de Sandra Ruiz, presidenta nAsturies de la Confederación Católica Nacional de Padres de Familia y Padres de Alumnos (CONCAPA), “facíen saltar les alarmes de los que lluchamos por defender la llingua asturiana. La presidenta de la CONCAPA enchipábase, dende les páxines del diariu El Comercio, y debaxo del titular Llingua fracasa en la concertada, pol pocu ésitu de lasignatura de Llingua Asturiana énte la so alternativa Cultura Asturiana nesti primer añu dimplantación del currículu nos cursos 1.u, 3.u y 5.u de primaria. Y ilustraba esi fracasu citando dellos colexos privaos, sosteníos con fondos públicos, onde tol alumnáu ta matriculao dafechu en Cultura Asturiana”. Pa la XDLLA “los datos son reales y lasuntu ye grave. Porque estos datos confirmen les nuestres sospeches, tantes vegaes denunciaes pola Xunta pola Defensa de la Llingua Asturiana, de que munchos centros privaos manteníos con fondos públicos nun cumplen la llei”. Sigún desplica la Xunta na nota de prensa asoleyada esti xueves, “una visita a les páxines web desos centros, o una llamada ensin más a la secretaría de los que nun ponen esa información on-line, dexa detectar la illegalidá d’esta práctica. En nengún momentu se da a les families la posibilidá descoyer ente les dos opciones nin sinforma de la necesidá desa elección pela so parte: namás se dexa que se matriculen los sos fíos o fíes y, como nun se manifesta esplícitamente una opción, automáticamentel centru asígna-yos lo que-yos da pola gana, que ye, evidentemente, Cultura Asturiana”. Asina ye que namás 8 centros concertaos nuevos “empezaron a impartir Llingua Asturiana esti cursu. Y a esti pasu, cola Conseyería dEducación mirando pa otru llau, nunca se va algamar la implantación universal de la enseñanza del asturianu en tolos centros y tolos niveles educativos que diz la Llei dUsu del Asturianu”. La Xunta pola Defensa de la Llingua Asturiana quier denunciar estos fechos y pide a la Conseyería dEducación, Cultura y Deporte “que supervisel procesu dalmisión y matrícula pa detectar les práctiques illegales y les falcatrúes de los colexos pa impidir lexerciciu del derechu a la elección de Llingua Asturiana poles families y, nesi casu, actúe como con cualquier otru incumplimientu de la llei poles empreses educatives que cuenten con fondos públicos pa la so actividá: pidimos la intervención del Serviciu dInspección Educativa, lapertura despedientes informativos sobre lactividá irregular destos centros y, si yel casu, la suspensión de los conciertos de los centros que nun cumplan la llei. Señora conseyera dEducación, Cultura y Deporte: ser un equipu saliente nun xustifica la connivencia col fraude y lincumplimientu de la llegalidá. ¿O quier usté ser recordada como cómpliz de los enemigos de la recuperación de la llingua asturiana?”. A un plazu más llargu, los responsables futuros de la educación van tener, según la XDLLA, “quentamar una campaña institucional panimar de verdá a les families a escoyer Llingua Asturiana al empezar cada cursu, dictar instrucciones pa garantizar la llibertá de les families a la hora doptar por esa asignatura y vixilar el so cumplimientu pa evitar illegalidaes como estes que güei denunciamos”. La Xunta pola Defensa de la Llingua Asturiana fina la so denuncia dexando bien afitao que “va seguir reclamando, a quienquiera qu’asuma les responsabilidaes de llexislar nesti país, la oficialidá del asturianu como marcu llegal pa garantizar espacios de normalidá pa la llingua y lexerciciu de los derechos llingüísticos de la ciudadanía”. 6 de payares, 2014 0 FacebookTwitterPinterestEmail
Sociedá Arranquen les charres de “Los xueves de castilletes y carbón” by asturnet 6 de payares, 2014 La Fundación Nuberu y lAyuntamientu de Llangréu siguen desenvolviendo les V Xornaes Culturales De Castilletes y carbón y tornen esti xueves col programa charres “Los xueves de castilletes y carbón” tolos xueves desti mes de payares na Casa los Alberti de Ciañu. Esti ciclu ponencies va abrilu a les 20 hores lAcadémicu de la Llingua y Presidente de la Fundación Nuberu Pablo Xuan Manzano. La Fundación Nuberu y lAyuntamientu de Llangréu, frutu del conveniu de colaboración robláu ente dambes dos instituciones, siguen cola programación de les V Xornaes Culturales De Castilletes y carbón. Dempués de rematar esti mes dochobrel ciclu cine Baxando pa la galería, les xornaes culturales De castilletes y carbón siguen col programa charres Los xueves de castilletes y carbón que van desenvolvese tolos xueves desti mes de payares na Casa los Alberti de Ciañu. Esti ciclu ponencies va abrilu, esti xueves 6 de payares a les 20:00 hores lAcadémicu de la Llingua y Presidente de la Fundación Nuberu Pablo Xuan Manzano que va lleer la ponencia Academia de la Llingua Asturiana, 34 años de trabayu. Los xueves de castilletes y carbón van siguir el xueves 13 cola intervención de los cineastes Marcos Martínez (Remine) y Pablo Casanueva (Bernabé) que van falar sobrel procesu creativu na producción cinematográfica. Ana González Rodríguez, Conseyera dEducación Cultura y Deporte del Principáu dAsturies participarál miércoles 19 dando llectura a la ponencia Política cultural nAsturies. Los xueves de Castilletes y Carbón van rematar el 27 payares con un Recital poéticu descritores asturianos coordináu por Chechu García. Lactividá de De castilletes y carbón se complementa cola esposición La Mina y la Mar que pue visitase demientres esti mes de payares na Casa los Alberti de Ciañu y pa poner el ramu, el 4 davientu día de Sta Bárbara, va tener llugar un conciertu del grupu Nuberu en Sobrescobiu. 6 de payares, 2014 0 FacebookTwitterPinterestEmail
Sociedá L’Academia de la Llingua fina esti xueves les sos Xornaes by asturnet 6 de payares, 2014 L’Academia de la Llingua Asturiana pieslla ESTI XUEVES 6, na Facultá de Filosofía y Lletres de la Universidá dUviéu, les XXXIII Xornaes Internacionales dEstudiu. Les Xornaes tuvieron ayeri como protagonista la propuesta d’Inaciu Galán d’adautar los actuales estudios d’asturianu p’adultos al sistema européu homologáu. LAcademia de la Llingua Asturiana celebra estos díes les XXXIII Xornaes Internacionales dEstudiu na Facultá de Filosofía y Lletres de la Univerisdá dUviéu y dientro d’elles Inaciu Galán, profesor, periodista y presidente d’Iniciativa pol Asturianu propunxo ayeri una Adautación del enseñu dasturianu al Marcu común européu de referencia pa llingües. Nesta comunicación compartió col públicu la so idea sobre los pasos a dar pa la homologación de los niveles de conocencia de la llingua asturiana dientro del marcu común européu. Dende l’añu 2001 la mayor parte de les llingües europees vienen adautando los sos niveles d’enseñu p’adultos a esti nuevu marcu, cada vegada más xeneralizáu y conocíu pola so graduación en niveles dende l’A1 hasta’l C2. Galán quier animar con esti trabayu a les instituciones asturianes a dar los pasos que permitan homologar col Marcu de Referencia Européu pa Llingües los actuales niveles de reconocencia establecíos pola Academia de la Llingua Asturiana y otres entidaes como la Universidá d’Uviéu. L’establecimientu del nuesu sitema permitiría una meyor identificación de los niveles de conocencia y de les competenencies de los usuarios, de cara al establecimientu de niveles de conocencia pa les places de funcionariáu, que dende l’aprobación de la Llei d’Usu del Asturianu de 1998, pueden tener al asturianu como unu de los baremos a tener en cuenta. Les xornaes finen esti xueves coles comunicaciones de Clara Elena Prieto Entrialgo; Pablo Suárez García; José Antonio Méndez Sanz, Adolfo García Martínez & José Ángel Gayol; Alberto Gómez Bautista; Manuel de Abol-Brasón; Xulio Llaneza Fernández; Xuan Xosé Lajo y Loreto Díaz Suárez que van desenvolvese ente les 14 y les 16 hores. Darréu destes comunicaciones dirá la ponencia de los profesores Margarita Fernández Mier (Universidá de Lleón) y David González Álvarez (Universidá Complutense) «Una arqueoloxía pal paisaxe rural asturianu». Les Xornaes pesllarán cola conferencia de la profesora Coloma Lleal Galcerán (Universidá de Barcelona) titualada «Ideología lingüística y lexicografía». 6 de payares, 2014 0 FacebookTwitterPinterestEmail
Cine El director británicu Terry Gillian recoyerá’l Premiu d’Honor de la 52 edición del Festival Internacional de Cine de Xixón by asturnet 5 de payares, 2014 El pernomáu humorista y director de cine terry Gillian, miembru de los populares Monty Python, va allegase a Xixón a recoyer el galardón que vieno acabante de concede-y el Festival de Cine de Xixión ya impartir una clase maxistral nes mañanes del Festival de Cine, xuntu con Bill Plympton y Brillosu Mendoza. Gilliam, nacíu n’Estaos Xuníos pero nacionalizado británicu nos años 60, foi parte orixinal del Circu Ambulante de los Monty Python, con quien empezó trabayando como animador. L’actor y director Terry Gilliam, figura llexendaria del cine de los últimos cincuenta años y miembru del famosu grupu humorísticu británicu Monty Python, va ser galardonáu col Premiu d’Honor de la 52 edición del Festival Internacional de Cine de Xixón. Gilliam, nacíu n’Estaos Xuníos pero nacionalizado británicu nos años 60, foi parte orixinal del Circu Ambulante de los Monty Python, con quien empezó trabayando como animador. Suyes son les imaxes característiques qu’enllazaben sketch tres sketch, amás de los títulos de creitu y el llinguaxe visual nes cubiertes de discos y llibros. Magar el so papel delantre de les cámares nunca foi tan llamativu como’l de los sos compañeros, Gilliam actuó en Los caballeros de la mesa cuadrada y los sos llocos siguidores, La vida de Brian y El sentíu de la vida, ente otres. Apocayá formó parte de One Down, Five to Go, l’espectáculu qu’axuntó al grupu tres años separaos y qu’enllenó l’estadiu O2 de Londres mientres diez noche. Tres los curtiumetraxes Storytime (1968) y Miracle of Flight (1974), Gilliam codirigió al pie de el so compañeru Python Terry Jones el so primer llargumetraxe, Los caballeros de la mesa cuadrada (1975); tándem que repitiríen en 1983 n’El sentíu de la vida. Ente dambes, Gilliam llanzose en solitariu con La bestia del reinu (1977) y Los héroes del tiempu (1981). Dueñu d’un estilu visual personalísimo y un mundu propiu definíu pol críticu cinematográficu Roger Ebert como alucinatoriu gracies a la riqueza del detalle, Gilliam llogró reconocencia total de la crítica con Brazil (1985), una distopía satírica nomada en dos categoríes de los Oscar, incluyida la de Meyor Guión Orixinal pa’l mesmu Gilliam. Tres Brazil y Los héroes del tiempu, Gilliam cerró la llamada ‘Triloxía de la imaxinación’ con Les aventures del Barón Munchausen (1988), una película que nun tuvo demasiao ésitu comercial pero que foi un gran ésitu de crítica y consiguió cuatro nominaciones a los Oscar. Tres ella, Gilliam empareyó a Jeff Bridges y Robin Williams n’El Rei Pescador (1991), pola que llogró’l Llión de Plata nel Festival de Cine de Venecia. En 1995, ya inspirándose nel curtiumetraxe La Jetée de Chris Marker, rodó 12 Monos con Bruce Willis, Madeleine Stowe y Brad Pitt, que-y dio a ésti últimu la so primer nominación al Oscar y la so reconocencia como actor dramáticu. El filme tamién dio pie a la creación d’una serie de televisión, del mesmu títulu, que se va estrenar n’Estaos Xuníos en xineru de 2015. Inspirándose nel llibru de Hunter S. Thompson, Mieu y ascu en Les Vegues, Gilliam rodó la película homónima (1998), protagonizada por Benicio del Toru y Johnny Depp, unu de los filmes de cultu de finales del sieglu XX y unu de los esponentes del so estilu visual más estremáu. Los siete años que trescurren dempués d’esti filme tán dedicaos al desenvolvimientu y rodaxe de The Man Who Killed Don Quixote, una revisión de Gilliam del Quixote de Cervantes. Problemes de rodaxe y presupuestu desaguaron na cancelación del proyectu y l’estrenu del documental Lost in La Mancha (2002), que narraba les aventures vivíes pol equipu. Tres el parón, en 2005 Gilliam presentó dos películes: El secretu de los Hermanos Grimm y Tideland. L’imaxinariu del doctor Parnassus, la so siguiente película, tampoco tuvo exenta de dificultaes. El rodaxe viose atayáu pola muerte de Heath Ledger, y namá siguió cuando Johnny Depp, Colin Farrell y Jude Law ufiertar pa interpretar el papel, desdoblándolo asina en cuatro personaje qu’habitaben el mundu fantásticu del filme. El so últimu filme, The Zero Theorem, presentáu en Venecia en 2013, cierra otra de les sos triloxíes, la de les ‘distopías satíriques’ (xuntu con Brazil y 12 Monos). Anguaño atópase, una vegada más, intentando arrincar el rodaxe de The Man Who Killed Don Quixote nes Isles Canaries, producida pol español Adrián Guerra (Lluces Coloraes, Gran Pianu). Un premiu bien merecíu Terry Gilliam tamién va ser unu de los invitaos que va ufiertar una clase maxistral nes mañanes del Festival de Cine, xuntu con Bill Plympton y Brillosu Mendoza. Les inscripciones pa estes clases van abrise llueu. 5 de payares, 2014 0 FacebookTwitterPinterestEmail
Educación IX pide una medría del presupuestu educativu nos Presupuestos Xenerales del Estáu de 1200 millones d’euros by asturnet 5 de payares, 2014 Izquierda xunida quier facer un apueste por afitar la equidad del sistema públicu educativu al traviés de les sos enmiendes parciales a los PXE pa 2015, proponiendo una medría global del presupuestu educativu que supera los 1.200 millones d’euros pa recuperar la cifra destinada a Educación frente a los retayos. Ente les enmiendes parciales presentaes por IX, ICV-EUiA, CHA en materia educativo, destaca una edría de 150 millones nel programa destináu a beques y ayudes a estudiantes. En refugándose les enmiendes a la totalidá a los Presupuestos Xenerales del Estáu (PXE) pa 2015, el Grupu Parlamentariu d’IX, ICV-EUIA, CHA rexistró más de 800 enmiendes parciales a les cuentes públiques, ente les que s’inclúi una amplia batería pa correxir les principales indicaciones presupuestaries de la Sección que recueye los programes y partíes destinaos a Educación. La medría global del presupuestu educativu propuesta xúbelu a 1.225 millones d’euros que, sumaos a los 2.273 millones previstos pol Gobiernu, algamaría la cuantía de 3.498 millones, bien llueñe inda de los 4.042 millones de 2009 y namái un 15% más que lo destinao pa 2010. IX valora que les partíes dedicaes pol Gobiernu de Mariano Rajoy a Educación en 2015 abonden nel progresivu esmantelamientu de la Educación Pública por aciu socesivos retayos qu’ataquen directamente al corazón de la equidad del nuesu sistema educativu. Ente les enmiendes parciales presentaes por IX, ICV-EUiA, CHA en materia educativo, destaca una edría de 150 millones nel programa destináu a beques y ayudes a estudiantes, “yá que constitúin una de les bases p’asegurar el principiu de equidad, ufiertando al alumnáu con dificultaes socioeconómicas una oportunidá pa exercer dafechu’l so derechu a la educación”. Propónse, amás, amontar en 20 millones d’euros les beques Séneca y Erasmus, de cuenta que les sos cuantíes dexen realmente acoyese al programa a cualesquier estudiante y non yá a quien-y lo pueden dexar por motivos económicos. Amás, pídese una dotación de 200 millones d’euros pa beques-salario, destinaes a garantizar que nengún/a estudiante tenga torgues p’aportar o completar los sos estudios por razones derivaes del so orixe socioeconómico. Esta dotación dexaría cubrir les necesidaes d’ente 30.000 y 40.000 estudiantes, a razón de 5.000/6.000 euros per cursu (500/600 euros por 10 meses). 5 de payares, 2014 0 FacebookTwitterPinterestEmail
Lliteratura L’Atenéu Obreru de Xixón presenta 5 llibros en llingua asturiana by asturnet 4 de payares, 2014 Esti próximu xueves, día 6 de payares, a les seite y media la tardi, nel llocal social del Atenéu Obreru de Xixón (na Cai Covadonga, 7 – 1u Izda.), tendrá llugar la presentación de cinco llibros infantiles en llingua asturiana, espublizaos pola Editorial Impronta. Na presentación van tar los autores: Leonardo Borque (Bernardo Lodares), autor de Teba; Alfonso López Alfonso, autor de Valentín y el monte dazucre; Carlos González Espina, autor de Falar ensín parar; ya Irene Riera, autora de Queridu día y Hai que tomar midíes. Los llibros que se presenten tienen histories bien guapes que cuntar y a les que van averanos caún y caúna de los y les autores: Teba La guerra ente españoles traxo munches desgracies y necesidaes. La fame fue namás quuna de les consecuencies daquella guerra terrible. En mediu desi tiempu descuridá y medrana, emociónanos la pequeña historia duna perra que nun entendía de guerres y sí de fidelidá. «A lo meyor yá te lo contaron, pero va bastantes años hubo una terrible guerra ente españoles. Lo malo de les guerres no son solo los que muerren nos campos de batalla, sinón la desgracia que vien dempués » Bernardo Lodares / Carmen Fernández. Valentín y el monte dazucre Al protagonista desti cuentu encánta-y escuchar histories pero présta-y más contales. Pa convencer a la madre de que les coses que siempre anda inventando discúrreles él solu, escribel cuentu de Valentín y el monte dazucre. «Cerca de casa de los mios guelos hai un monte que tengo muncha gana de xubilu. Ye tan blancu que delles veces abúltame que ta fechu dazucre » Alfonso López Alfonso. Falar ensin parar Ente ser un poco charrana o quedase cola pallabra na boca, la protagonista desti cuentu tienlo mui claro. A otros da-yos por axuntar caxigalines inútiles, pero ella quier más axuntar pallabres.Carlos González Espina / Ilustraciones: Marina Lobo Queridu día Lánimu que se precisa pa facer frente al nuevu día yel mesmu que fai falta pa entamar una aventura. Sábelo bien la neña desti cuentu: cualquier viaxe, el más cortu o la vuelta entera alredor del mundu, empiecen de la mesma manera, con un pequeñu pasu. Llevantase de la cama y entamar un día nuevu ye dalgo bien costoso munches veces, como toos sabemos. Pero un esfuerzu como esi siempre tien premiu, sobre too si lo facemos col mesmu bon ánimu de la neña que protagoniza esti cuentu.Irene Riera / Ilustraciones de Lara González Lobo. Hai que tomar midíes La imprecisión con que falamos de munches coses nun-y gusta nada a la protagonista desti cuentu, seguramente una gran científica del futuru, que se pon a discurrir nueves maneres pa midir como se debe coses tan importantes como los besos, los abrazos, les esmoliciones, los disgustos, les allegríes Nun sé si vos dais cuenta de lo poco preciso que ye la xente pa falar de munches coses. Pero eso nun val pa la protagonista desti cuentu: ella siempre mide bien les sos pallabres. Si toos ficiéramos lo mesmo, díbamos entendenos muncho meyor. Irene Riera. 4 de payares, 2014 0 FacebookTwitterPinterestEmail
Lliteratura L’Atenéu obrerud+ presenta 5 llibros en llingua asturiana by asturnet 4 de payares, 2014 4 de payares, 2014 0 FacebookTwitterPinterestEmail
Lliteratura Entama’l cursu añal de la Xunta Pola Defensa de la Llingua by asturnet 4 de payares, 2014 ​La Xunta pola Defensa de la Llingua Asturiana, como ye vezu, organiza un cursu dasturianu (nivel aniciu) nel conceyu dUviéu nesta seronda. El cursu entamal martes 11 de payares, nel local del Conceyu Abiertu, La Gascona, 12, baxu A, nUviéu. y tien un total de 40 hores de duración, tando dirixíu sobre manera a persones adultes. Nél, los alumnos y alumes van poder deprender el bon usu del idioma tanto a nivel escritu como oral. L’horariu va ser de 19’00 a 21’00 hores, los martes y xueves. El preciu de la matrícula completa y materiales ye de 20 euros pa los socios, y de 30 euros pa los non socios. Toles persones interesaes puen apuntase llamando al 985 22 95 53 / 679 65 09 98 o bien mandando un mail a la dirección: uvieuarrobaexunta.org. La XDLA ye una entidá acreitada pola Conseyería dEducación pa la formación permanente del profesoráu. 4 de payares, 2014 0 FacebookTwitterPinterestEmail
Sociedá Del Teso protagonizó l’entamu de les Xornaes cola comparanza ente l’Amestáu y el Spanglish nel procesu normalización by asturnet 4 de payares, 2014 El filólogu de la Universidá d’Uviéu, Enrique del Teso, protagonizó, xunto cola nueva páxina web de l’Academia de la Llingua Asturiana, la primer de les Xornaes d’Estudiu d’esta institución. El profesor de la Universidá d’Uviiéu xustificó que la construcción de la normativa de la ‘llingua’ asturiana vaya basase n’elementos autóctonos propios, anque tean quedando en desusu, y non na fala popular del ‘amestáu’. Del Teso atalanta que sedría un yerru lo contrario porque “entainaría’l procesu de desapaición dafechu del asturianu”. Enrique Del Teso protagonizó una de les primeres ponenecies de les ‘Xornaes Internacionales d’Estudiu’, qu’entama l’Academia de la Llingua na Universidá d’Uviéu, col títulu de “L’amestáu urbanu. Cuestiones de normativa y llingua escrita”. Del Teso asumía na so ponencia que l’actual normativización de la llingua pue nun torgar la so desapaición, pero cola normativización del amestáu, el procesu diba ser muncho más rápido. Asina, considera que’l ‘Spanglish’, col que facía la comparanza del amestáu asturianu, va finar desapaeciendo porque la cuarta xeneración d’emigrantes llatinos que vivan n’EEUU yá namás van falar inglés. Nesta primer xornada tamién intervino Clarinda de Azevedo Maia, de la Universidá de Coimbra y nel actu de presentación, tomaron parte la presidenta de l’Academia de la Llingua, Ana María Cano, la decana de la Facultá de Filosofía y Lletres, Cristinal Valdés, y la vicerrectora d’Investigación, Paz Rendueles. Entamaron los actos cola presentación de la nueva páxina web de l’Academia, al cargu de David Melendi, presidente del Colexu d’Inxenieros Informáticos, y de los nuevos númberos de les revistes Lletres Asturianes y Ciencies. Les Xornaes siguen esti miércoles con delles otres ponencies en forma interesantes ente les que s’alcuentren les de Xosé Ramón Iglesias Cueva, Pablo Rodríguez Medina, Inaciu Galán y Vicente García Oliva. La xornada finará con una ponencia de José Miguel Lamalfa Díaz, de la Universidá dUviéu, que tien por títulu Cuando examen les abeyes: Primer testu lliterariu nasturianu y la so importancia na historia de la lliteratura. Programa completu de les Xornaes d’Estudiu 4 de payares, 2014 0 FacebookTwitterPinterestEmail