Política Llamazares comprometese en Grandas a impulsar el patrimoniu arqueolóxicu y noma d’inaceptable’l casu del Chao de Samartin by asturnet 31 de marzu, 2015 El diputáu de nacional d’IX y candidatu a la presidencia d’Asturies, Gaspar Llamazares, denunció güei en Grandas de Salime el bloquéu incomprensible ya inaceptable de la investigación arqueolóxica nel yacimientu del Chao de Samartin y anunció la formación va incluyir ente les sos prioridaes l’impulsu del mesmu. El candidatu d’IX anunció amás un proyectu de desenvolvimientu global qu’incluya acciones turístiques, económiques y sociales amás de les amestaes directamente a la investigación arqueolóxica. Queremos manifestar la nuesa decisión, la decisión del nuesu futuru Gobiernu, d’impulsar esi proyectu dende tolos puntos de vista: arqueolóxicu, por tolo que tien que ver cola cultura, non solo asturiana sinón cola cultura nun ámbitu globlal, pero tamién turísticu económicu, social, que creemos que ye bien importante pa una Cuenca como la de Grandas. Con estes palabres, Llamazares, xunta la cabeza de llista d’IX pola circunscripción occidental, Aurora Valdés, y les diputaes Emilia Vázquez y Noemí Martín, visitó güei esti singular enclave convidaos pola Asociación d’Amigos del muséu Etnográficu de Grandas de Salime y el yacimientu arqueolóxicu del Chao Samartin. Aurora Valdés reivindicó la importancia d’estos dos recursos a los que calificó de motor de desenvolvimientu nuna zona largamente castigada pola despoblación y l’aislamientu. La candidata d’IX pol Occidente d’Asturies a la Xunta Xeneral del Principáu, reclamó la máxima dilixencia pa facilitar l’apertura d’estes infraestructures, dada la so importancia pa tola zona. 31 de marzu, 2015 0 FacebookTwitterPinterestEmail
Sociedá “Menudu Traxín averarál baille y el traxe tradicional asturianu a lo más pequeño de la casa esti xueves by asturnet 31 de marzu, 2015 Esti xueves 2 d’abril, Xixón acoyerá Menudu Traxín, una actividá qu’averarál baille y el traxe tradicional asturianu a lo más pequeño de la casa, entamada por Vezos Astures y Reciella. L’actividá ye gratuita y va facese nel patiu del Colexu Xovellanos de Xixón. Esti día del traxe y el baille tradicional pa neños y neñes ye una iniciativa con vocación de continuidá añal. La so primer edición va celebrase esti xueves 2 d’abril nel patiu del Colexu Xovellanos de Xixón (entrada pela cai Begoña) dende les 10.30 hasta les 14.00 hores. Toles neñes y neños – y les sos families- tán convidaos a venir; col traxe o ensin él, sepan o nun sepan baillar y falen o nun falen asturianu. Va haber talleres, xuegos, y actividaes pa deprender a baillar y pa conocer el traxe del país, too ello col oxetivu de pasar una xornada prestosa na que la reciella que tea familiarizao col baille y el traxe atope un entornu afayadizu pa rellacionase con xente de la so edá, y pa que lo que nun lo tea pueda averase y aficionase de forma lúdica a la nuestra tradición. Y amás col asturianu como llingua vehicular de les actividaes. Tolos neños y neñes tienen que dir acompañaes d’una persona adulta. La entrada ye llibre y toles actividaes son gratuites y cuenten cola collaboración del Colexu Públicu Xovellanos y la Oficina de Normalización Llingüística de Xixón. PROGRAMA 10.30 h. ENTAMU: xuegos tradicionales, photocall, talleres de colorear 12.00 h. TALLER DE BAILLE: Páxara Pinta, Capuchinos, Cachetíus y Danza del Pumba. 13.00 h. PASACAIS . 31 de marzu, 2015 0 FacebookTwitterPinterestEmail
Sociedá El Llar La Llegra dUviéu entama una folixa esti vienres 3 pa recompensar el crowdfunding Abriendo espaciu by asturnet 29 de marzu, 2015 El Llar La Llegra dUviéu entama una folixa esti vienres 3 d’abril pa entregar les recompenses a la xente que colaborara nel crowdfunding Abriendo espaciu. Una espicha, xuegos tradicionales y conciertos van formar el programa del actu pa cellebrar léxitu de la campaña de financiación colectiva per Internet que facilitara l’apertura del dinámicu llar n’Uviéu. Necesitábense 3000 euros pa costear les obres del llocal. A la fin algamáronse en 40 díes 4215 euros col sofitu de 138 persones de dientro y fuera dAsturies. La campaña de crowdfunding Abriendo Espaciu cola quel Llar La Llegra buscó financiación per Internet pa poder abrir les sos puertes foi un éxitu. Por eso, esti vienres 3 dabril el nuevu espaciu autoxestionáu de la izquierda soberanista asturiana va cellebralo y dar les recompenses del crowdfunding. A les 13.30 va arrancar la folixa con una actuación nacústicu de Filanda a la que va siguir una espicha abierta na que, quien quiera, pue collaborar llevando xinta de casa-. Dempués, a les 16.00, va ser el turnu de los xuegos tradicionales nel prau de llau de La Llegra hasta les 18.00, hora na que va haber una nueva actuación musical. El final del actu va ser dende les 19.30 hasta les 22.30 hora de pieslle del llocal-, momentu nel que va proyectasel videu Abriendo Espaciu, inaugurasel mural coles pallabres que la xente escoyó nel crowdfunding y entregar les recompenses a tola xente que collaboró económicamente cola financiación colectiva al traviés de la plataforma Verkami. La folixa ye abierta a tol mundu y, quien nun puea dir esti vienres 3 a pola recompensa, pue pasar otru día por ella a esti llar asitiáu na cai 40 de la cai El Postigu Baxu. 29 de marzu, 2015 0 FacebookTwitterPinterestEmail
Educación SUATEA rechaza otra vuelta la contratación de becarios que plantegal Ministeriu dEducación by asturnet 26 de marzu, 2015 El Ministeriu dEducación vieno acabante manifestar, tal y como recueyen los medios de comunicación, linterés por parte de la Conseyería quencabeza Ana González na contratación de becarios pa sustituir al profesoráu interín nel sistema educativu y darréu de conocese, SUATEA quier afitar otra vuelta que rechaza dafechu esa contratación de becarios que plantegal Ministeriu dEducación. Nuna nota de prensa asoleyada esti día, el sindicatu camienta que la introducción destos becarios “ye una solución barata pa iguar los problemes educativos nos que tantol Ministeriu como la Conseyería metieron a la Escuela Pública a base de recortes, precarización y de primar criterios economicistes y mercantilistes sobre la calidá del sistema educativu”. Na opinión de SUATEA, “la sola idega de plantegar la presencia destos becarios dientro de los centros educativos ye una bofetada a los docentes interinos despidíos dende laplicación RD 14 del 2012 de midíes urxentes de racionalización del gastu públicu nel ámbitu educativu”. Dende SUATEA consideren questa nun ye de nenguna de les maneres la solución patender de forma integral al alumnáu con necesidaes educatives especiales: “esta iniciativa ministerial un engañu más a los que nos tienen avezaos Jose Ignacio Wert y Ana González. Esti tipu docurrencies nun atienden a lactual realidá educativa que nun ye otra quunes plantiyes claramente insuficientes y la saturación de trabayu por parte de los docentes presentes nes escueles y institutos”. Dende SUATEA esixen al ministru dEducación la retirada desti proyectu xunta los recortes educativos puestos en marcha nesta llexislatura, la recuperación de los puestos de trabayu suprimíos, que se paralice laplicación de la LOMCE ensin complicar entá más el presente y el futuru de la educación pública nesti añu electoral y que convoque con urxencia la mesa sectorial de negociación. Y coles mesmes esixen tamién “a la Conseyera asturiana dEducación que nun aplique esta midida y quinvierta el presupuestu amañosu patender a la diversidá dalumnáu con criterios digualdá y equidá, tomando como referente al profesoráu espulsáu del sistema de resultes de los recortes educativos y nun xenerando empleos precarios mazcaraos de beques formatives”. 26 de marzu, 2015 0 FacebookTwitterPinterestEmail
Sociedá Actividades culturales na comarca del Parque Histórico del Navia by asturnet 26 de marzu, 2015 El actividá comarcal “El Parque Histórico Fala” vai ofrecer, a partir del prósimo venres 10 dabril, y durante os meses que ten por delantre el ano 2015, úa serie dactividades culturales na comarca del Parque Histórico del Navia. El Parque Histórico Fala organiza a súa programación en tres llinias dactuación: Conferencias, Charlas escolares y Esposicióis. El prósimo 10 dabril a maestra y escritora Aurora Bermúdez Nava abre este programa dactividades con úa charla escolar dirixida al alumnao matriculao en gallego-asturiano nel escola pública Jesús Álvarez Valdés de Llóngara (El Franco). A partir del venres 10 dabril y durante os meses que ten por delantre el ano 2015, a Fundación Parque Histórico del Navia, en colaboración cos nove conceyos quintengran el sou territorio y os centros educativos públicos unde simparte el asignatura de gallego-asturiano, quer achegar al público en xeneral y al alumnao de gallego-asturiano en particular úa serie dactividades quhan ocuparse de temas ben interesantes ofrecidos en gallego-asturiano. A programación desta actividá compónse de tres partes diferenciadas, como son úa serie de Charlas escolares dirixidas al alumnao matriculao nel asignatura de gallego-asturiano nos centros educativos públicos da comarca, na que van participar diferentes ponentes del ámbito xeográfico unde sasenta cadún destos centros educativos. Conferencias sobre diferentes cuestióis dirixidas al público en xeneral y ofrecidas por especialistas da comarca, que van completar a programación cultural ofrecida nos conceyos y, xa por último, organízanse nove Esposicióis dobras lliterarias y outros materiales editaos en gallego-asturiano por entidades del sector público asturiano. Estas esposicióis van achegarse a diferentes equipamentos culturales dos conceyos durante os meses que duran as actividades El Parque Histórico Fala. El prósimo 10 dabril a maestra y escritora Aurora Bermúdez Nava abre este programa dactividades con úa charla escolar dirixida al alumnao matriculao en gallego-asturiano nel escola pública Jesús Álvarez Valdés de Llóngara (El Franco). El Parque Histórico Fala vai estender pollos conceyos de Bual, Cuaña, Eilao, El Franco, Grandas, Navia, Pezós, Tapia y Villayón as súas actividades hasta el mes de decembre de 2015. Un total de 9 Conferencias, 15 Charlas escolares, y 9 esposicióis formadas por 131 unidades de materiales editaos en gallego-asturiano son as cifras que resumen esta actividá que forma parte del Plan anual dactividades pra 2015 del Oficina Cultural y Llingüística da Fundación Parque Histórico del Navia. 26 de marzu, 2015 0 FacebookTwitterPinterestEmail
Política Estefanía Torres de Podemos xura como Eurodiputada en llingua asturiana nun xestu significativu by asturnet 25 de marzu, 2015 La nueva eurodiputada de Podemos, l’asturiana Estefanía Torres, va xurar güei n’asturianu’l so cargu pa sustituyir na Eurocámara al dirixente de Podemos Pablo Echenique, qu’arrenunció al escañu pa ser cabeza de llista nes elecciones autonómiques del próximu 24 de mayu n’Aragón. El xestu yera bien acoyidu ayeri nes redes sociales onde l’asturianismu sigue desixendo un pronunciamientu sobro la oficialidá. Según informó la formación política que lidera Pablo Iglesias, col que va compartir escañu en Bruxeles, pidió tar na Comisión d’Agricultura y Desenvolvimientu Rural y tamién na de Mediu Ambiente, Salú Pública y Seguridá Alimentaria. Coles mesmes, tamién va formar parte d’un intergrupo parlamentariu de Minoríes Llingüístiques «pa da-y voz a otra minoría escaecida como ye la llingua asturiana». Estefanía Torres, que se va convertir asina al pie de Tania González na segunda eurodiputada asturiana de Podemos, comprometióse a cobrar el salariu mínimu belga, 1.502 euros al mes. La eurodiputada, politóloga y venceyada a Somos Asturies, aseguró ayeri que va tar nel Parlamentu «al serviciu de los de baxo, de les invisibles y los desanunciaos», y qu’espera contribuyir col so trabayu «a devolve-y el so poder lexítimu a los nuesos pueblos». 25 de marzu, 2015 0 FacebookTwitterPinterestEmail
Educación Siguimientu mayoritariu na Universidá by asturnet 25 de marzu, 2015 Mentantu los sindicatos convocantes de la fuelga na Universidá falen d’un 85% de siguimientu ente los profesores el Rectoráu de la Universidá d’Uviéu calificábalu ayeri de residual dafechu. La xornada de fuelga universitaria escontra’l decretu 3+2, que se desenvolvió esti martes pasáu dieron cifres asemeyaes, del 85% en dambos casos, pa estudiantes y profesores, qu’algamaríen el 100% en casos como los del Campus del Milán o Llamaquique. 25 de marzu, 2015 0 FacebookTwitterPinterestEmail
Educación Mezá imparte un curso de gallego-asturiano by asturnet 25 de marzu, 2015 El Asociación Mezá vei impartir entre os meses dabril y de mayo de 2015 un curso de gallego-asturiano de nivel básico en Uvieo, nel local Cambalache (La Cuesta la Noceda, 30). Este curso vei presentarse el día 9 dabril ás 19:00 y ten úas tasas de matriculación de 20, quincluyen os materiales y as 16 horas de clases nas que vei tar dividida el actividá: dúas horas al día, un día por semana. El curso ten el fin d’acercar á xente del Navia-Eo que vive nel centro d’Asturias á súa llingua y d’aveirar a os que nun son falantes de gallego-asturiano á realidá llingüística del occidente máis estremo del país. Tamén, ha a servir praquellas personas que desíen perfeccionar el sou conocimento sobre esta variedá llingüística. A xente que quira matricularse namáis ten que mandar os sous datos (nome y apellidos, DNI, dirección de correo electrónico y númaro de teléfono) a mezabual@gmail.com ou chamar al 686 757 797 pra reservar praza. El prazo d’inscripción nun s’ha a pechar hasta ben avanzadas as clases, así que sempre hai tempo pra empezar. El Asociación Mezá ha a dar a os alumnos un diploma mediante el que s’acredita estraoficialmente el asistencia y aprovetamento del curso de gallego-asturiano. 25 de marzu, 2015 0 FacebookTwitterPinterestEmail
Sociedá “Semar palabres, texer futuru” by asturnet 25 de marzu, 2015 “Semar palabres, texer futuru”, va ser el lema de la 36 Selmana de les Lletres Asturianes, que ye una celebración participativa d’homenaxe a los escritores, a les, a les creaciones artístiques, a los llectores y al públicu; y ye tamién un homenaxe a la ferramienta comunicativa que fai posible esa lliteratura: la llingua asturiana y, na zona más occidental d’Asturies, el gallego-asturianu. Esti homenaxe institucional y colectivu a les lletres va desenvolvese ente’l 2 y el 10 de mayu con esi lema “Semar palabres, texer futuru” y con actos de bien estremáu calter, que van de les presentaciones de llibros que davezu se convoquen a llectures públiques, ensin escaecer coloquios, concursos escolares o conciertos. 25 de marzu, 2015 0 FacebookTwitterPinterestEmail
Educación L’Academia amuesa la so “perxustificada alarma” pola situación de la enseñanza del asturianu nes estremaes estayes educatives by asturnet 24 de marzu, 2015 LAcademia de la Llingua Asturiana asoleyó esti día, nuna rueda de prensa, la so esmolición depués de venir siguiendo “con perxustificada alarma les noticies questos caberos meses y díes arrodien la enseñanza de la Llingua Asturiana nes estremaes estayes educatives”. LAcademia entiende que nel tresfondu de toa esta llamentable situación ta la testona realidá de que lasturianu ye la única llingua del estáu español non oficial. Les esmoliciones de l’Academia recueyen “la negativa del Ministeriu dEducación a inxerir nel Decretu dEspecialidaes Docentes la posibilidá de que la materia «Llingua Asturiana» pudiere ser una de les especialidaes pal profesoráu dEducación Primaria y Secundaria. Y ello magar cuente con una enmienda del propiu Conseyu Escolar del Estáu que reclama tal posibilidá. Esta negativa ye, lóxicamente, responsabilidá del Ministeriu, pero tamién de la Conseyería dEducación y Cultura dAsturies que nun fexo por negociar al máximu nivel les condiciones de la petición”. Pero eses esmoliciones tamién s’empobinen a “la inxustificable y allegal propuesta de la Conseyería dEducación del Gobiernu dAsturies pallugar lasignatura «Llingua Asturiana» dientro de la Educación Secundaria nunes condiciones doptatividá y competencia desigual con 4 materies: Segunda Llingua Estranxera, Cultura Clásica, Aniciu a lActividá Entamadora y Empresarial y Materia Propuesta pol centru docente. Persabel Gobiernu dAsturies questo incumple dafechu lartículu 10 de la Llei dUsu del Asturianu, xustamentel dedicáu al currículu, que diz: La escoyeta del estudiu o del emplegu del bable/asturianu como asignatura del currículu en nengún casu podrá servir de motivu de discriminación de los alumnos. Pa los que lo escueyan, el so aprendimientu o usu nun podrá torgar que reciban la mesma formación y conocimientos nigualdá de condiciones quel restu del alumnáu”. Pala Academia, “la risible ya insultante decisión, tamién de lalministración educativa nAsturies, de camentar que lasturianu pue deprendese nel Bachilleratu rebaxando de 4 a 1 hora selmanal la so docencia nunes condiciones daxuste, amás, práuticamente imposibles pal alumnáu”. LAcademia entiende que nel tresfondu de toa esta llamentable situación ta la testona realidá de que lasturianu ye la única llingua del estáu español non oficial: “Esto nun almite duldes. De fechu, cuandol Ministeriu refuga la especialidá pon como xida que lasturianu nun ye oficial; y asina mesmo cuando la Conseyería nun ye a alcontrar el llugar qua la Llingua Asturiana-y correspondería nun currículu normal pa una comunidá billingüe, el problema, na práutica, vien a ser exautamentel mesmu”. Y ye quequí, nAsturies, “intenta facese daqué imposible, xurídica y socialmente: caltener una llingua y una cultura al marxe del marcu constitucional de referencia que ye la oficialización. Esti yel camín lóxicu que siguieron los gallegos, los vascos, los navarros, los catalanes, los baleares y los araneses”. Lo que camienta la institución ye que “la hestoria de más de 3 décades amuesa que cualquier pasu llegal que represente un encontu oxetivu pal caltenimientu del asturianu como llingua de cultura nAsturies esfrónase de contino escontral fechu de que lidioma de los asturianos nun ye oficial. Y esto han sabelo los partíos políticos asitiaos nAsturies, de mou quagora que tamos en plenu periodu pre-ellectoral tienen que ser conscientes de que si nun planteguen y negocien la co-oficialidá de la llingua asturiana tán condenándola conscientemente a la so desapaición. Yá nun valen más vueltes nin más ambigüedaes: o se ta cola llingua y la cultura dAsturies o se ta por facela desapaecer”. En tou casu, la sociedá asturiana ha saber que lAcademia de la Llingua Asturiana “siempres tará alliniada con aquelles persones ya instituciones que defenden el derechu a usar lasturianu nigualdá de condiciones quel restu de les llingües oficiales del Estáu”. 24 de marzu, 2015 0 FacebookTwitterPinterestEmail