Plástiques Llangréu celebra les Lletres con esposición y talleres de cómic by asturnet 8 de mayu, 2015 p> LAyuntamientu de Llangréu celebra esta edición trenta y seis de la Selmana de les Lletres Asturianes con una esposición y talleres de cómic en llingua asturiana. La esposición “Celebrando una Llingua”, un percorríu peles ediciones de la Selmana de les Lletres Asturianes, inaugurábase esti vienres coincidiendo col Día de les Lletres Asturianes y va poder visitase demientres esti mes de mayu nel Centru de Referencia de la Cultura y la Llingua asturiana Casa de los Alberti de Ciañu. Los talleres de cómic que van desenvolvese en llingua asturiana van tener llugar tamién na Casa los Alberti. Estos talleres teórico-prácticos tán abiertos a tolos centros escolares del conceyu y va ponelos el dibuxante Ruma Barbero, llicenciáu en Belles Artes que recibiere montonera premios como lAlfonso Iglesias (2009) pola novela gráfica Manzajú, Comarca La Sidra (2003) col cómic-book Marcianaes ol de la Tertulia Mallory al Meyor llibru nasturianu por La Chelita. El Salvador1992 nel añu 2012. 8 de mayu, 2015 0 FacebookTwitterPinterestEmail
EscéniquesVidios Borja Roces estrena con Factoría del Norte ‘Romeríes Varietés’ el 16 de mayu en L’Entregu by asturnet 8 de mayu, 2015 L’actor y director Borja Roces presentó esti xueves en Sotrondiu l’espectáculu Romeríes Varietés, qu’al traviés de la compañía Factoría del Norte estrenará’l próximu 16 de mayu nel Teatru Municipal de LEntregu. Roces, natural de Sotrondiu y residente en Madrid, define a esta obra como un espectáculu de teatru musical, con temes pícares, descaraos, murnios Podría dicise tamién que se trata d’un show de variedaes nel que se dan cita les previsibles escenes de tonu llixeru y cómicu o los risonderos númberu de la nuesa revista musical más allocada o inclusive una suerte de fiesta na que se dan cita dellos elementos del folclore y la cultura popular. El mensaxe qu’atopamos no fondero d’esta allocada puesta n’escena ye la farsa na que se vive na sociedá. En Romeríes Varietés reivindiquen “el poder de la ficción, de lo non real, de lo imaxinao, porque de xuru ésa ye l’arma que precisamos pa poder aguantar nesto que llamamos vida, repostia. Roces asítiase al mandu de la dirección y la dramaturxa del espectáculu, a instancies de Factoría del Norte, y cuenta con Ana Morán y Chus Serrano, como intérpretes. La obra estrenase en L’Entregu y darréu va percorrer el panorama nacional al traviés de festivales, feries y ciclos de teatru. 8 de mayu, 2015 0 FacebookTwitterPinterestEmail
Plástiques La Esposición Los Clicks reconquisten Asturies amplia la so estancia hasta’l 5 de Xunu by asturnet 7 de mayu, 2015 La iniciativa del CENTRU D’ALCUENTROS Y CREATIVIDÁ que xestiona la empresa CASVALI SERVICIOS INTEGRALES anuncia l’ampliación pa visitantes de la esposición Los Clicks Reconquisten Asturies hasta’l 5 de Xunu en L’Entregu. D’esta manera, los universales clicks van siguir trabayando en cada unu de los dioramas construyíos namá pa esta esposición con un marcáu homenaxe a Asturies, y na que puede contemplase pieces úniques y orixinales creaes con estructures y figures Playmobil. Dende’l Pozu Mineru, l’aeropuertu d’Asturies, el Castiellu de Gauzón, una fiesta de Prau,… y miles de figures Playmobil van siguir conquistando a les persones qu’asistan a la localidá asturiana de L’Entregu. Tamién s’amplía’l plazu pa les votaciones del Concursu Nacional de Custom, que les sos pieces presentaes a concursu tán na esposición y el públicu asistente puede exercer el so derechu al votu escoyendo la figura creada con imaxinación, creatividá y distintes técniques. Asina mesmu sifguen desendolcándose, tres cinco semanes, les Xornaes Culturales nes que tuvieron yá personaxes a los cualos dedícase-yos cada unu de los dioramas creaos y que d’esta manera tan especial rinden homenaxe a persones asturianes pola so conocencia, trabayu o dedicación. 7 de mayu, 2015 0 FacebookTwitterPinterestEmail
SociedáVidios Iniciativa pol Asturianu anima a la sociedá a participar na Manifestación pola Oficialidá by asturnet 7 de mayu, 2015 Iniciativa pol Asturianu anima a la sociedá a participar na Manifestación pola Oficialidá nuna nota de prensa asoleyada esti día, na que fai alcordanza de la cercanía de les elecciones, que “fai especialmente importante que la sociedá asturiana faiga un llamáu a los partíos, pidiéndo-yos un mayor compromisu cola llingua asturiana”. Por mor d’ello vienres 8 de mayu la sociedá asturiana vuelve a salir a la cai por mor d’ello llama reclamar la oficialidá del asturianu nesi manifestamientu. Dende Iniciativa pol Asturianu vuelven a sofitar un añu más esta manifestación, participando de la marcha con más razón nesti añu nel que “la cercanía de les elecciones fai especialmente importante la convocatoria, yá que ye necesario dexar nidio a los partíos políticos la necesidá dactuar yá sobre la situación de perda idiomática y falta de drechos civiles que vivimos nAsturies”. La Manifestación pola Oficialidá va salir a les 19:30 hores de la Estación del Norte d’Uviéu y Iniciativa alienda “a toles persones enfotaes nel futuru del idioma a participar con nós nesti actu festivu y reivindicativu que llenará les cais de la capital asturiana”. Iniciativa pol Asturianu quier facer un llamáu a la sociedá pa participar nesta reivindicación y va facelo con un repartu de nuevos materiales promocionales, incluyendo folletos y chapes reivindicatives. Iniciativa pol Asturianu ye una organización que ñació pa implicar a tola sociedá asturiana nel procesu de recuperación y normalización del asturianu, y polo tanto camienta imprescindible que la sociedá simplique y faiga oyer la so voz, que ye mayoritariamente favoratible a que lasturianu se convierta nuna llingua normal, que pueda usase en tolos ámbitos y que tenga garantizául so futuru, lo que solo ye posible si esta llingua ye oficial. Nel comunicáu asoleyáu est día, Iniciativa pol Asturianu recuerda que “dempués de la manifestación va celebrase nel Teatru Campoamor la Xunta Estraordinaria de lAcademia de la Llingua Asturiana y que la entrada ye llibre y de baldre. Animamos a la xente a participar d’esti actu de sofitu a la institución y aprovechamos pa felicitar a la Xunta pola Defensa de la Llingua Asturiana, organización que convoca la manifestación, questi añu cumple 30 años dactividá”. 7 de mayu, 2015 0 FacebookTwitterPinterestEmail
Sociedá Denuncies feministes contra Moriyón by asturnet 7 de mayu, 2015 El próximu 17 de mayu’l Conceyu de Xixón, con FORU a la cabeza, programó un actu benéficu a favor, ente otres, del Llar d’Acoyida de Madres en Xestación de la Guía (Xixón y dende la PLATAFORMA FEMINISTA DASTURIES quieren denunciar la pergrave neglixencia que’l gobiernu de la ciudá, cola so alcaldesa a la cabeza, tán cometiendo; y l’evidente y descarada manipulación que se ta produciendo escontra les families que desinteresadamente decidieren participar en tal eventu, al nun esplica-yos de manera clara y directa qué tipu d’ideariu ultra conservador sostien y ampara l’asociación enantes mentada. Na opinión del coleutivu, “resulta vergoñante utilizar a neñes y neños pa consiguir fondos que financien organizaciones qu’actúen de manera clara y esplícita contra’l derechu a decidir de les muyeres. Pero amás de too ello, sobre’l Llar d’Acoyida de Madres en Xestación de la Guía desconocemos a día de güei de qué manera y quien financien la so actividá, en qué consiste esactamente dicha actividá y cuálos son los oxetivos qu’escuerren”. Esto ye, trátase pa les feministes asturianes “d’una supuesta ONG opaca, dafechu alloñada de les necesidaes que tenemos les muyeres y que recibe ensin nengún llugar a duldes l’amparu d’un sector políticu directamente alliniáu en contra de los derechos de les muyeres a decidir sobre les sos propies vides y los sos propios cuerpos”. Toa esta información, magar ser solicitada n’abondes d’ocasiones por diversos colectivu de muyeres “SIGUE SIÉNDONOS NEGADA. Magar que nós, les feministes, esiximos tresparencia, la derecha prefier actuar como siempres fixo y como previsiblemente va faer, PROTEXENDO DENDE LA OPACIDÁ INTERESES ESCUROS Y CONTRARIOS AL MOVIMIENTU FEMINISTA”. Por too esto esixen “la inmediata retirada del cártel del actu solidariu, del Llar d’Acoyida de Madres en Xestación, que se abrir una investigación serio y rigoroso sobre’l financiamientu y oxetivos de la mesma y que s’esplique de manera pormenorizada y dende distintes óptiques ideolóxiques a toles families que desinteresadamente decidieron participar, pa qué y de qué manera les sos fíes y fíos van collaborar con una asociación de marcáu calter ultra católicu”. 7 de mayu, 2015 0 FacebookTwitterPinterestEmail
Política La XPDLA critica al Presidente de la Xunta Xeneral del Principáu by asturnet 7 de mayu, 2015 Nuna nota de prensa asoleyada ayeri, la XPDLA critica al Presidente de la Xunta Xeneral del Principáu por facer campaña electoral y desprestixar los derechos llingüísticos de los asturianos nun actu institucional que tenía de ser neutru: “Ayeri hubo un actu institucional na Xunta Xeneral del Principáu d’Asturies dientro del programa de la Selmana de les Lletres Asturianes y el presidente de la Xunta Xeneral, el socialista Pedro Sanjurjo, nun pudo evitalo y tuvo qu’aprovechar pa facer unes declaraciones pa dexar claru l’apoyu a la llinia del so partíu en cuantes a la cuestión llingüística: promoción del asturianu, pero ensin reconocimientu de derechos llegales”. “Toi en contra de la oficialidá porque les llingües nun tienen que ser pa imponer o confrontar”, vieno a dicir. Nun saben na XPDLA “si tenía mieu a que lu confundieren con un bablista peligrosu por acoyer la llectura d’unos testos lliterarios y por eso quixo dexar claro qu’él ye de los que tán en contra. Lo que nos llama l’atención ye esa declaración y güei precisamente. Paeznos impropio del so papel institucional, de mano ecuánime y imparcial, que se dedique a facer política partidaria”. Na XPDLA dicen nun saber tampoco “si concibe la promoción del asturianu namás p’actos simbólicos y lliterarios un día o una selmana al añu, pero si tanto-y gusta que nun haya imposiciones nin confrontaciones tendría que saber de sobra qu’eso consíguese con midíes llexislatives que garanticen que naide imponga nada a naide, non dexando les coses como tán. Güei, n’Asturies, la única imposición qu’hai ye la del usu del castellanu a tolos efectos llegales porque l’asturianu nun ye oficial. Polo tanto, la confrontación búscala quien s’empeña en negar derechos en cuenta de favorecelos”. La nota de prensa diz tamién que “el señor Sanjurjo, igual que’l partíu del Gobiernu, nun s’entera. O, más bien, nun quier enterase y piensa que somos fatos, pero somos munchos los que queremos derechos llegales, quier dicise, la oficialidá. Y eso nun s’arregla con una Selmana na que nun creen y na que participen tapando les narices, pa cubrir l’espediente y esperar al añu que vien”. 7 de mayu, 2015 0 FacebookTwitterPinterestEmail
Política Los asturianos suspenden la xestión del gobiernu sigún el CIS by asturnet 7 de mayu, 2015 El PSOE volvería ganar les elecciones autonómiques n’Asturies si celebrárense güei con un 25,5 per cientu de los votos, cuatro puntos más de los que llograría Podemos (21,4), qu’entraría nel Parlamentu rexonal como la segunda fuerza más votada, per delantre del PP, col 19,9 per cientu de los sufraxos. Esos son los datos qu’ufre la encuesta del Centru d’Investigaciones Sociolóxiques que tamién valora la xestión del gobiernu asturianu que la mayoría del electoráu desaprueba dafechu. Según la encuesta del Centru d’Investigaciones Sociolóxiques publicada güei, los asturianos suspenden al Gobiernu de Javier Fernández al camentar la mayoría que la xestión de los caberos cuatro años foi regular o mala cuando non mui mala. Namái qu’un 8% de los encuestaos califiquen de bona la xestión. No que cinca a los resultaos electorales, Foro, principal grupu de la oposición, esbarrumbaríase porque perdería más de la metá de los sofitos y asitiaríase, col 10 per cientu de los votos, por detrás de Ciudadanos, que consiguiría un 10,6 per cientu. Izquierda Xunida tamién vería amenorgaos los sos votoss y cayería hasta’l 6,7 per cientu de los sufraxos, mui percima de los resultaos que se-y dan nes demás comunidaes del Estáu, ente qu’UPyD, con un 2,2 per cientu, nun consiguiría los necesarios pa entrar nel Parlamentu. Sicasí, la peculiaridá del mapa electoral asturianu, que ta estremáu en tres circunscripciones electorales, xunta emoción al resultáu final ya que, tres los socialistes, el mayor númberu d’escaños dependería de los resultaos de les circunscripciones d’Oriente y d’Occidente. En concretu, los socialistes consiguiríen 13 escaños, cuatro menos de los que llograron na actual llexislatura, ente que los populares ganaríen unu y algamaría los once parlamentarios. Por detrás d’ellos, asitiaríase Podemos, qu’entraría nel hemiciclu asturianu con diez representantes, el doble de los que llograría For, que perdería siete diputaos. Ciudadanos tamién entraría per primer vegada na Xunta Xeneral del Pincipado con cuatro diputaos, ente qu’IX vería amenorgada la so representación de cinco a dos diputaos y UPyD, perdería’l diputáu que llogró va trés años, anque’l diputáu qu’ocupó esi escañu, Ignacio Prendes, seguiría nelli al presentase como númberu dos na llista de Ciudadanos. A nivel nacional, el PP ganaría les elecciones xenerales si celebrárense güei, con un 25,6 %, ente que’l PSOE asitiar en segundu llugar a pocu más d’un puntu (24,3 %), adelantrando a Podemos, que s’esbarrumba más de siete punto (16,5 %). Acordies con el sondéu correspondiente al mes d’abril, Ciudadanos esperimenta una fuerte crecedera al pasar del 3,1 per cientu de los sufraxos de xineru al 13,8 per cientu de los sufraxos. Izquierda Xunida cai hasta’l 4,8 per cientu ente qu’UPyD, que tenía’l sofitu del 4,6 per cientu, queda cásique desapaecíu con un 1,9%. 7 de mayu, 2015 0 FacebookTwitterPinterestEmail
Sociedá La XDLA noma de llamentables los caberos años del Gobiernu del PSOE pal futuru de la Llingua Asturiana by asturnet 6 de mayu, 2015 Nuna nota de prensa asoleyada esti viernes primeru de xunu, la Xunta pola Defensa de la Llingua diz poner “puntu final a unos años llamentables del Gobiernu del PSOE pal futuru de la llingua asturiana”, depués de qu’acabaren “trés años duna de les llexislatures más demoledores de la política institucional del PSOE d’Asturies pa col asturianu” nel que la XDLA fala ensin torgues d’un retrocesu claru. Un retrocesu claru, “non solo na visibilización y espardimientu de la llingua sinón, mesmamente, n’ámbitos que, como leducativu, el mediáticu y el de la toponimia, taben na marxinación y precariedá permanente y quagora, depués daños de desidia malintencionada y incompetencia proverbial, tán peor: nun tris de quel asturianu desapareza dellos”. Sigún la nota asoleyada pola XDLA, “de lo poco que se facía, menos y peor. Esti yel balance de los últimos años en tolos aspectos. Inclusive dalgunes de les poques actividaes consolidaes fueron a menos o dexaron desistir Nun fai falta más que mirar el llamentable espectáculu desti cursu postreru, onde lAxenda Didáctica Escolar y el Premiu al Meyor Cantar foron posponiéndose de manera llastimosa hasta llegar al ridículu de que puedan convocase depués de que marchen (eso esperamos) tolos cargos a deu de la Conseyería, la Viceconseyería y la Dirección Xeneral de Política Llingüística”. Pa rematar, “l’equipu en funciones de la Conseyería d’Educación y Cultura presenta estos díes la versión nueva de la web Educastur, onde nun s’atopa nenguna sección dedicada a la llingua asturiana y el gallego-asturianu y onde (nun ye nenguna novedá nesti Gobiernu) sigue ensin respetase la toponimia oficial qu’ellos mesmos aprobaron nel BOPA, pero qu’incumplen a sabiendes”. Pa la XDLA “esto nun pue siguir asina, nun vamos consentir que siga asina. Que se siga pasu a pasu laxenda oculta de la clas dirixente que nes últimes décades vien faciendo tolo posible por facer desaparecer la llingua asturiana como vehículu de comunicación contemporaneu y dexala reducida a una curiosidá de muséu. Vamos denunciar constantemente a los culpables y instigadores desti procesu, y vamos señalar ensin duldar a los enemigos dun futuru dignu y con derechos pa les persones que falen asturianu”. La XDLA atalanta que nestos díes “coles negociaciones pa configurar el Gobiernu nuevu d’Asturies, los partíos con representación na Xunta Xeneral y comprometíos colos derechos de les persones falantes d’asturianu y cola cooficialidá van tener una oportunidá perfecta pa demostrar esi compromisu faciendo valir nos sos pactos, aliances y esixencies, de manera inescusable y irrenunciable, el respetu a la igualdá de la ciudadanía que la oficialidá supón. Tola xente, sobre manera, lo que nagua pola resolución d’esta llarga deficiencia democrática, va tar pendiente y tomar nota de lo que se dixo y se diz, de lo que se llucha y se defende”. 6 de mayu, 2015 0 FacebookTwitterPinterestEmail
Política Andecha Astur llama a participar nel manifestamientu del vienres pola Oficialidá y felicita a l’Academia de la Llingua by asturnet 6 de mayu, 2015 Andecha Astur llama a participar nel manifestamientu pola Oficialidá de la Llingua Asturiana que se cellebrará esti vienres 8 de mayu, y felicita a laALLA pol so llabor nun comunicáu qu’asoleyaba esti miércoles. Andecha Astur llama a xuncir fuercies alrodiu del oxetivu común que ye la Oficialidá de la llingua asturiana, desixencia democrática na que necesariamente tienen de coincidir tolos asturianos y asturianes que nun hebian perdío la dignidá de selo, daquellos que caltienen un compromisu ciertu colos drechos llingüísticos del Pueblu Asturianu, ensin demagoxes nin medies pallabres. Un añu más, y “costatando la inesistencia davances significativos na reconocencia desti drechu democráticu y la sistematización de la situación de represión y amenorgamientu llingüísticu que carecemos n’Asturies”, Andecha Astur atalanta que ye obligación de so “participar nuna movilización na que la oficialidá de la llingua asturiana tien de ser motivu abondu pamestar fuercies”. Ello asina Andecha Astur “fai un llamamientu al conxuntu de la sociedá asturiana pa que participe activamente nel manifestamientu entamáu pal prósimu Díi de les Lletres Asturianes (vienres 8 de mayu) a les 19:30 hores, con salida de la Estación de la RENFE d’Uviéu”. Asina mesmo, Andecha Astur unvió un comunicáu de felicitación a lAcademia de la Llingua Asturiana que diz asina: Nesti díi tan siñaláu, Andecha Astur quier aprovechar la ocasión pa felicitar a lAcademia de la Llingua Asturiana pol so importante llabor nel estudiu, dignificación y defensa de la nuesa llingua patria, animándola a siguir na xera de la normativización y normalización llingüística de la llingua dAsturies en tol territoriu nacional, y na defensa de los drechos de los asturfalantes. Pela nuesa parte, perafitámosmos na defensa de la llingua asturiana, la so unidá en tol territoriu y lalgame de la so OFICIALIDÁ comu pasu imprescindible cara a la normalización democrática dAsturies y al necesariu procesu de recuperación llingüística nel nuesu país. 6 de mayu, 2015 0 FacebookTwitterPinterestEmail
Música Bimenes convoca’l so XVI Concursu de Gaita by asturnet 5 de mayu, 2015 El Conceyu Bimenes vieno acabante de convocar una nueva edición del so concursu de gaita. El requisitu imprescindible pa poder participar nel mesmu ye ser menor de 21 años a fecha 30 de xunu de 2015 y el plazu papuntase, apurriendo la documentación afayadiza al Ayuntamientu Bimenes, acabal 19 de xunu a les 1200 hores. El concursu tendrá, sil númberu de participantes ye mayor de quince y asina lo decidel xuráu a comuña cola organización del certame, una fase semifinal que se cellebrará na Casa la Cultura de Santuyanol domingu 28 de xunu. La final cellebraráse una selmana dempués, domingu 5 de xunetu, nun llugar entá por afitar. Repartiránse 600 en premios, pa los trés primeros clasificaos, asina como dellos trofeos. Tola información necesaria pa poder participar nel certame recuéyese nes bases del concursu, que sapurren nel PDF que pue descargase dende l’enllaz. 5 de mayu, 2015 0 FacebookTwitterPinterestEmail