Galería de Semelles Iniciativa pol Asturianu pide a los grupos políticos que promuevan la oficialidad después de la llamada de atención en el Alto Comisionado de los Derechos Humanos de la ONU by asturnet 1 de xunetu, 2015 1 de xunetu, 2015 0 FacebookTwitterPinterestEmail
Lliteratura La Tertulia Malory escueye «Más espeso que l’agua», de Consuelo Vega, como meyor llibru n’asturianu del 2014 by asturnet 30 de xunu, 2015 La Tertulia Malory, de L’Entregu, escoyó la selmana pasada como meyor llibru n’asturianu de tolos que s’editaron nel 2014 el conxuntu de cuentos arrecoyíos embaxo’ltítulu “Más espeso que l’agua”, obra de la escritora ayerana Consuelo Vega. El xuráu tuvo formáu polos escritores Xulio Arbesú, José Luis Rendueles, Pablo Rodríguez Medina, Solinca Turbón, David Fernán, Roberto Corte, Chechu García y Henrique G. Facuriella, que fallaron el premiu nun actu celebráu na tertulia’l 26 de xunu del 2015. El xuráu destacó nel acta del fallu «una magnífica coleición de cuentos qu’algamen con voz sensible, firme y poderosa’l terrén de la maestría narrativa, amosando al llector el delicáu misteriu que s’escuende tres de lo cotidiano, siempre con una prosa esencial, guapa, ensin aditivos. Histories de xente corriente, vides comunes que, gracies a l’habilidá d’una observadora atenta, resulten aventures estraordinaries.». El gallardón consiste nuna ilustración d’Alfonso Zapico y una medaya conmemorativa, que se van entregar nun actu públicu en L’Entregu en prósimes feches. Esta ye la cuarta vez que’l grupu concede esti premiu, l’añu anterior resultó ganadora Carne de melandru, novela xuvenil de Milio Rodríguez Cueto. Con esti gallardón, los sos entamadores quieren prestixar les lletres asturianes, al empar que se da difusión a les obres que, a criteriu del xuráu, sían consideraes los meyores llibros escritos cada añu n’asturianu. Como se diz nel acta del Xuráu y na nota de prensa asoleyada pola Tertualia, “Más espeso que l’agua” ye una coleición de cuentos onde se recueyen narraciones escrites nel espaciu de venti años, con una voz personal que nos regala maxistrales discursos demográficos como nel relatu Llevaben la comida, o la emocionada señalda del qu’aporta a una patria estraña, qu’atopamos nel cuentu Gouda. Cada relatu va dir enseñando fragmentos de la esistencia de xente cola que topamos a diario, xente que, tres d’una aparente normalidá, escuende traxedies, enormes sacrificios, amores… Consuelo Vega (Bustillé, Ayer, 1961). Llicenciada en Filoloxía. Como narradora diose a conocer nel añu 1995 cola obra Cera frío, relatu curtiu col qu’algamó en 1994 el Primer Premiu María Xosefa Canellada de Narrativa. Ye coautora, xunto con Antón García, del ensayu Del centru a la periferia (1993), una interesante reflexón sobre’l procesu hestóricu y cultural que llevó a Asturies de ser centru d’ella mesma a ser periferia d’una entidá superior, amás del trabayu Una mirada a la muyer na historia, del añu 1999. Ye tamién autora de traducciones de Peter Handke y Christine Nöstlinger, ente otros. 30 de xunu, 2015 0 FacebookTwitterPinterestEmail
GastronomíaVidios Unes Xornaes Gastronómiques pa sofitar el Cabritu Bermeyu by asturnet 26 de xunu, 2015 L’Asociación de Sidreríes de la cai Gascona empecipió ayeri les II Xornaes Gastronómiques del Cabritu Bermeyu que se van celebrar hasta’l próximu 9 de xunetu y de camín punxo en valor la importancia d’esta raza autóctona de la mano de José López, miembru de l’Asociación de Criadores del Cabritu Bermeyu, qu’esplicó nel Bulevar de la Sidra que la especie ta en peligru d’estinción con solo 3.065 exemplares censaos. Los establecimientos de la Cai Gascona van ufiertar el cabritu guisáu, rustíu, estofáu, con pataques, a la sidra, n’hamburguesa o en chuletes dientro de les sos cartes, qu’hasta’l 9 de xunetu van tener esta aportación especial. L’oxetivu amosábase nidiamente esti xueves na presentación:”apostar pol nuesu compromisu con Asturies, coles races autóctones y los productos de la tierra”. L’encargáu de presentar les Xornaes, Ángel Álvarez Uría, en representación de l’asociación, dexó bien claro en tou momentu l’apueste de los restauradores uvieinos por esti productu asociáu tradicionalmente a les cuenques mineres y otres zones de la rexón. 26 de xunu, 2015 0 FacebookTwitterPinterestEmail
Música La Coral de Ribadeo celebra so 60 aniversariu by asturnet 26 de xunu, 2015 El Coru de la Fundación Princesa d’Asturies va ufiertar, con motivu del 60 aniversariu de la Coral de Ribadeo, un conciertu mañana sábadu, 27 de xunu, a les 20.30 hores nel Auditoriu Municipal Hernán Naval de Ribadeo (Llugo). So la dirección de José Ángel Émbil, el programa va encetar un repertoriu qu’inclúi temes relixoses del Renacimientu y del Barrocu, polifonía de compositores de los sieglos XIX y XX, música pop y cantares tradicionales asturianes. El conciertu ye de llibre accesu hasta completar aforu. El Coru de la Fundación Princesa d’Asturies foi creáu en 1983 y ta consideráu como una de les formaciones amateurs más importantes d’Europa y tien un reconocíu prestíu nel ámbitu internacional. Dende la so creación, Jesús López Cobos, Premio Príncipe d’Asturies de les Artes en 1981, ye’l director honoríficu de los coros, cargu que comparte na actualidá con Krzysztof Penderecki, que recibió nel añu 2001 el mesmu galardón. N’avientu de 2007, el Parlamentu Européu estremó al Coru con una reconocencia estraordinaria “pol so destacáu serviciu en pro de la Unión Europea”. Con muncho ésitu, realizó xires per Europa y Oriente Mediu y celebró conciertos en Rusia al pie de la Orquesta Filarmónica de San Petersburgo y Los Virtuosos de Moscú. 26 de xunu, 2015 0 FacebookTwitterPinterestEmail
Conceyos La bandera arcuiris ponse en delles Cases Conceyu d’Asturies by asturnet 26 de xunu, 2015 Depués de que lo ficiere esta selmana l’Ayuntamientu d’Uviéu, dellos otros conceyos asturianos siguen los pasos capitalinos: Conceyu Abiertu por Noreña vien de meter pel Rexistru Municipal una propuesta xunto con una bandera arcuiris que donearen al Ayuntamientu de Noreña. Na propuesta, per un llau, piden que dicha bandera tea espuesta nel balcón de la Casa Conceyu, coincidiendo col Día l’Arguyu, en seña de respetu y apoyu al coleutivu LGBT y tamién piden el cumplimientu d’una moción que propusiéren en 2013 ante’l Plenu de Noreña. Aquella moción, pese a ser aprobada por unanimidá nun tuvo cumplimientu a la mesma, nel sentíu de que l’Ayuntamientu comprometíase a facer al menos una aición pedagóxica al añu empobinada a reivindicar el respetu a la diversidá d’orientación sexual y d’identidá de xéneru. Dicir tamién que la bandera ya quedó puesta nel balcón ya que la propuesta foi bien acoyía por parte de l’alcaldesa de Noreña qu’amás ya nos dixo que se comprometía a facer eses aiciones pedagóxiques y que taba buscando contautos con asociaciones y coleutivos con esperiencia nestos temes pa ver que se podía facer. Na semeya que se axunta Pablo Pérez conceyal de Conceyu Abiertu por Noreña y Amparo Antuña alcaldesa por Independientes por Noreña nel balcón colocando la bandera. 26 de xunu, 2015 0 FacebookTwitterPinterestEmail
Educación Aprobada la programación de l’Axenda Didáctica Escolar 2015 by asturnet 26 de xunu, 2015 Esti vienres 26 de xunu publicóse nel Boletín Oficial del Principáu d’Asturies (BOPA) la resolución pola que s’aprueba la programación anual de l’Axenda Didáctica Escolar. El plazu pa llevar alantre les actuaciones y actividaes nos centros educativos remata’l 20 de payares del 2015. La oficina de Política llingüística ufre na so web la posibilidá de consultar les actividades axudicaes a los centros esbillando ente les Actividaes axudicaes a centros d’Educación Primaria y les Actividaes axudicaes a centros d’Educación Secundaria y/o Bachilleratu. 26 de xunu, 2015 0 FacebookTwitterPinterestEmail
Fiestes Deva acueye’l V Orgullín del Norte esta fin de selmana by asturnet 26 de xunu, 2015 Esti vienres 26 de xunu a les 19 hores col Izar de la Bandera multicolor nel Camping de Deva va dase’l pistoletazu de salida a una edición bien especial na que se celebra l’afitamientu d’un eventu que despues de cinco años consiguió un buecu importante na axenda festiva de Xixón: el 5º Orgullín del Norte en Deva. Pa ello, ta programáu pal domingu’l Día de la Diversidá Familiar, una xornada de convivencia de calter festivu pero na que tamién va haber espaciu pal alderique y l’analís sobre la violencia dientro de les pareyes LGTB a partir de la performance ¿Seguro que ye amor?¿seguro que ye igualdá?. Y como non, la yá clásica manifestación que’l sábadu pela tarde va enllenar les cais de Xixón d’arguyu multicolor y na que nun va faltar l’espíritu reivindicativo y festivo con xarrés, música y muncha diversión. Les nueches son pa les fiestes, sigún la organización, y la más especial va ser la del domingu, na que per primer vegada la piscina del Camping de Deva va ser l’escenariu de la folixa, que va tar animada por Les Tortellini. Ensin escaecer la Fiesta de la Pluma’l vienres con cena barbacoa y l’actuación de Manuel Badás. El sábadu pela nueche va haber espicha y l’actuación de Londra Show. El llunes caltien el Día d’Asturies con una comida típica y un concursu d’escanciadores como colofón a cuatro jornada frenéticas d’actividaes y bon ambiente. A lo último, cabo destacar que dempués de cinco año l’eventu collechó adeptos fuera d’Asturies, incondicionales veníos/as d’otres Comunidaes Autónomes y que contribúin a faer cada vez más grande’l Orgullín del Norte. 26 de xunu, 2015 0 FacebookTwitterPinterestEmail
Educación García Arias seguirá dos años más como eméritu honoríficu by asturnet 26 de xunu, 2015 Xosé Lluis García Arias vieno acabante ser nomáu esta selmana eméritu honoríficu de la Universidá d’Uviéu colo que podrá allargar la so docencia nes aules universitarioes dos años más, pa gayola del alumnáu que va poder seguir disfrutando de la calidá científica y docente d’esti especialista. Catedráticu de Filoloxía Española foi presidente de l’Academia de la Llingua Asturiana ente 1981 y 2001 y ye autor de numberoses obres sobre gramática y toponimia asturiana y contribuyó decisivamente a la ellaboración del Diccionariu Xeneral de la Llingua. El Conseyu de Gobiernu de la Universidá d’Uviéu votó esti martes, na so sesión del mes de xunu, el nomamientu del inxenieru Alfonso Fernández Canteli como profesor eméritu y el del filólogu Xosé Lluis García Arias como eméritu honoríficu. Dambos van poder d’esta forma siguir col so llabor docente ya investigadora na institución asturiana dos años más dempués de la so xubilación. Y reciben asina la reconocencia de los sos compañeros. 26 de xunu, 2015 0 FacebookTwitterPinterestEmail
Educación Campus Científicos de Branu by asturnet 26 de xunu, 2015 Esti próximu llunes, 29 de xunu, el rector Vicente Gotor y la directora d’área de Tresferencia de Resultancies de la Investigación Ana Valdés van dar la bienvenida al primer grupu de participantes nos VI Campus Científicos de Branu de la Universidá deOviedo, enmarcaos dientro de les actividaes del Campus d’Excelencia Internacional. L’actu ta previstu pa les 10:00 hores na Aula Magna del Edificiu Históricu. 26 de xunu, 2015 0 FacebookTwitterPinterestEmail
Educación IX repite na Xunta’l sofitu a impantar bachilleratu en Zarréu by asturnet 25 de xunu, 2015 El grupu parlamentariu d’IX vieno acabante repetir el sofitu a l’Asociación de Madres y Padres de Zarréu que demanden la implantación del primer cursu de bachilleratu pal próximu cursu escolar. María José Miranda, vicepresidenta de la Xunta, y la diputada Concha Masa caltuvieron un alcuentru esta mañana con una representación de los padres, encabezada pola presidenta de la AMPA, Susana Marentes, acompañaos de representantes de la’AMPA de Boal, que conxuntamente con otres asociaciones pretenden formar una AMPA de colexos rurales en toa Asturies. María José Miranda recordó qu’IX yá sofitó a los padres de Zarréu al traviés d’una Proposición Non de Llei que s’aprobó na llexislatura apocayá rematada y va recuperar esa iniciativa de manera urxente, que foi votada por tolos grupos salvu pol PSOE. Na opinión d’IX “la Conseyería niega la implantación del bachilleratu en Zarréu por una cuestión económica, amontar la plantiya en dos profesores a media xornada y unu de matemátiques a xornada entera, cuando’l beneficiu pal conceyu de Degaña ya Ibias sería enforma mayor, y evitaría a los neños tener que treslladase tolos díes hasta l’institutu de Vil.lablinu, cruciando un puertu de monte de 1.400 metros, qu’en dómines ivernices fai que los neños pierdan ente 1 y 2 meses al añu de clases. Esti pidimientu, que Marentes xulga nada escabarriáu beneficiaría a ente 10 y 12 alumnos mientres el cursu próximu, d’un total de 100 neños qu’agora estudien en Zarréu”. 25 de xunu, 2015 0 FacebookTwitterPinterestEmail