MI06

L’afamáu escritor británicu Frederick Forsyth, autor de Chacal o Odessa, reconoz na so autobiografía, de próxima publicación, que trabayó como espía del serviciu d’Intelixencia Esterior de Reinu Uníu, el MIO6, demientres dos décades.
L’escritor confirma asina los barruntos de munchos de los sos aficionaos a les sos noveles d’espionaxe, estremaes pol so estraordinariu realismu. Les sos andances como espía empezaron mientres la guerra de Biafra (Nixeria) de 1967 a 1970, cuando axentes d’Intelixencia averáronse-y “pa ver si podía cuntar lo que taba pasando”, según rellata Forsyth. 

Forsyth aceptó comprobar pal EL MIO6 si, a diferencia de lo que dicía’l mesmu Ministeriu d’Esteriores de Reinu Uníu, “taben morriendo neños a manos de la dictadura de Llagos”, según informa la BBC. El novelista apunta que nun cobró honorarios por esi trabayu.