Cine

Esti certame ta convocáu pola Mancomunida y l’oxetu ye participar con un curtiu en Llingua Asturiana (de temática llibre) con un llargor d’unos quince minutos. El premiu va depender de la subvención concedida pola Conseyería de Cultura y Turismu.

La entrega de la documentación pue facese en mano (nes oficines de la Mancomunidá con señes: C/Braulio Busto, 2- 2u, 33430 Candás- Carreño; tfnu. 985 872 421, n’horariu d’atención al públicu de 9:00 a 14:00 hores), o per corréu certificáu.

La fecha tope pa entregar esti material sedrá’l 1 d’avientu de 2009 (martes) a les 14:00 hores. Pa más información pue consultar llamando al Serviciu de Normalización Llingüística de la Mancomunidá n’horariu de 10:00 a 14:00 hores y nos tfnos. 985 872 406 (martes y xueves) y 985 883 532 (llunes, miércoles y vienres) o per corréu electrónicu a la dirección: llingua@mcabop.com.

L’Arribada va celebrar güei un actu únicu, a les 19:30 hores. L’actividá va consistir na proyección d’una esbilla de “fan films” con sotítulos n’asturianu y va facese na Sala de conferencies del Vieyu Institutu Xovellanos, asitiada na 1er planta.

Mieres estrenó esti martes l’amuesa de cine documental Asturies.doc cola proyección de ‘Resistencia’, de Lucinda Torre, y va desenrrollase hasta’l 30 d’esti mes. Dientro d’esta amuesa, que la estaya de Cultura de Mieres organiza col sellu Curtiomieres, van presentarm tamién títulos d’Alejandro López, Franciso Deborja, José Braña y Chus Neira, Samu Fuentes ya Iñaki Ibisiaste.

La programación complétase con dos presentaciones de llibros. La primera d’ellas, prevista pal llunes 21, viene de la mano de Parpayuela Espaciu Cultural. Trátase d’“Operación exterminio”, d’Alejandro M. Gallo. El xueves 24, Alberto Cienfuegos va presentar “El testamento de un soñador”, nun actu promovíu pol Centru Cultural y Deportivu Mierense.

El salón de té del Teatru Campoamor ye’l llugar escoyíu pol equipu del documental “Convergentes” pa presentar el so trabayu. Una cinta onde pue vese’l trabayu conxuntu d’artistes de dellos ámbitos. Nel proyectu participen Xuan Bello, Gonzalo Suárez, Pablo Moro, Dark la Eme, HelenaGil, Manolo Villarroel, Anabel Santiago, Carlos García, Julio Rodríguez, Tejedor, Pedro de Silva, Jorge Martínez, Natalia Menéndez, Los Ministros, Pepe Colubi, David González y Isaac Turienzo.

L’actu va entamar a les siete y media la tarde y nél van tar, el director, Óscar Fernández; Noemí Camblor, guionista y ayudante de producción; el cantautor Pablo Moro; y l’escritor Julio Rodríguez. Como representantes de les firmes collaboradores van acudir Marichu Corugedo, directora de Film Commission Asturies; José Suárez Arias-Cachero, conceyal de Cultura d’Uviéu; Román Suárez, presidente de la Fundación Caxa Rural d’Asturies; y Iván Armesto, xerente de la productora Épica Films.

Ábrese’l plazu pa presentase al “Tercer Certame de Curtios en Llingua Asturiana de la Mancomunidá d’El Cabu Peñes”, que ganó na so segunda edición el cineasta Pablo A. Quiroga Prendes, col so trabayu “Tres Versiones”, l’oxetu ye facer un curtiu en Llingua Asturiana (de temática llibre) con un llargor d’unos quince minutos.

La entrega de la documentación pue facese en mano (nes oficines de la Mancomunidá con señes: C/Braulio Busto, 2 – 2u, 33430 Candás – Carreño; tfnu. 985872421, n’horariu d’atención al públicu de 9:00 a 14:00 hores), por persona interpuesta, o per corréu certificáu y con acuse recibu (paquete postal exprés), en tal casu tien de remitise per fax al nu 985 87 25 22, dientro del plazu presentación, el resguardu del mentáu unviu.

Ha presentase nuna carpeta o sobre col títulu: asina como’l nomatu del autor. Dientro del sobre ha axuntase un sobre zarráu colos datos del autor (nome, apellíos, señes, teléfonu y nomatu) y títulu del trabayu. La fecha tope pa entregar esti material sedrá’l 1 d’avientu de 2009 (martes) a les 14:00 hores.

Pa más información pue consultase al Serviciu de Normalización Llingüística de la Mancomunidá n’horariu de 10:00 a 14:00 hores y nos tfnos. 985872406 (martes y xueves) y 985883532 (llunes, miércoles y vienres) o per corréu electrónicu a la dirección: llingua@mcabop.com

Esta selmana entama’l Festival CinegailesAST 2009, dirixíu por Xaviel Vilareyo, que va celebrase nel Vieyu Institutu Xovellanos de Xixón, del 6 al 8 d’esti mes, cola proyección d’obres de tol mundu sobre temática gai y lésbica. Mañana, xueves 6, a les seis de la tarde entama l’amuesa de los curtios finalistes del festival, “Gústame ser divina”, de Diego Torres, “K”, de Juan Simons, “Salvemos el teatru” y “La vocación”, de Xavi Vilareyo, y “Pablo ¿pusisti la llavadora?” de Javier Haba.

A les 19:30 hores va proyectase’l curtiu noruegu “Habita conmigo”, onde Eva llega pa pintar l’altar de la ilesia y Sara va alcontrar un amor. Darréu, va proyectase un curtiu d’Alemaña “L’amor mata”, onde un mozu paez que nun sabe llevar mui bien la so vida afectiva.

El vienres 17 van proyectase dos documentales, a les 18 y 18:30 hores. “Homo baby boom”, d’Anna Boluda; onde se cuenta la vida cotidiana de families gais y lesbianes en Cataluña y Valencia; y “Ensin xéneru de duldes” de Xavi Vilareyo, un testimoniu sobre la transexualidá n’Asturies.

A les 19:30 CinegailesAST presenta “Hollywood de casualidá”, comedia francesa sobre un neñu al que confunden con una neña, que llega a ser actriz.

A les ocho la tarde “Asesinaron a unu” del alemán Tor Iben. Nel curtiometraxe Tom ye atacáu nel parque, namórandose esti del so agresor.

El sábadu 8 van entregase los premios y va facese un homenaxe a Gus Van Sant, Premiu d’Honor 2009. Amás van proyectase trailers del Festival y el curtiometraxe y la película ganadores. La entrada ye de baldre a toles sesiones.

La Direutora Xeneral de Turismu del Principáu, Elisa Llaneza Álvarez, acompañada pol actor y guionista Enrique Pérez Vergara “Flipy”, presentaron na Sala de Prensa de la Conseyería de Cultura y Turismu (Edificiu Calatrava) la nueva película que va ser rodada n’Asturies esti branu.

El llargometraxe “Campamento Flipy”, ta dirixíu por Rafa Parbus (Xefe de Realización del programa de televisión española “Muchachada Nui”). Del mesmu mou, Enrique Pérez Vergara, más conocíu como ‘Flipy’, va debutar nel cine como productor, actor y co-guionista d’esta nueva comedia familiar ambientada nel Principáu d’Asturies. El restu del elencu va tar encabezáu por actores como Ernesto Sevilla, Pablo Carbonell, Pedro Reyes o Rosario Pardo.

Esti tipu de proyeutos ratifiquen, según la conseyería de cultura “l’interés del Gobiernu del Principáu d’Asturies pola cultura y el cine, que yá se manifestara cola creación de la unidá de trabayu “Film Comission” pa promover y facilitar los rodaxes n’Asturies”.

Entama en Xixón, un ciclu de cine al aire llibre. El cerru santacatalina ye’l llugar escoyíu pa esta iniciativa qu’entama cola película “Bienvenidos al Norte”, una comedia francesa dirixida y protagonizada por Dany Boon y que cuenta la vida de Phillipe Abrams, el director d’una oficina de correos del sur de Francia que ye treslladáu al norte del estáu, a un pueblu pequeñín na frontera con Bélxica. Ellí descubre que los natibles de la zona son xente afayadizo y bonal. La sesisón va entamar a les 22:30 hores.

El festival CinegailesAST 2009, dirixíu por Xaviel Vilareyo, va celebrase nel Vieyu Institutu Xovellanos de Xixón, del 6 al 8 d’agostu, cola proyección d’obres de tol mundu sobre temática gai y lésbica. El xueves 6, a les seis de la tarde entama l’amuesa de los curtios finalistes del festival, “Gústame ser divina”, de Diego Torres, “K”, de Juan Simons, “Salvemos el teatru” y “La vocación”, de Xavi Vilareyo, y “Pablo ¿pusisti la llavadora?” de Javier Haba.

A les 19:30 hores va proyectase’l curtiu noruegu “Habita conmigo”, onde Eva llega pa pintar l’altar de la ilesia y Sara va alcontrar un amor. Darréu, va proyectase un curtiu d’Alemaña “L’amor mata”, onde un mozu paez que nun sabe llevar mui bien la so vida afectiva.

El vienres 17 van proyectase dos documentales, a les 18 y 18:30 hores. “Homo baby boom”, d’Anna Boluda; onde se cuenta la vida cotidiana de families gais y lesbianes en Cataluña y Valencia; y “Ensin xéneru de duldes” de Xavi Vilareyo, un testimoniu sobre la transexualidá n’Asturies.

A les 19:30 CinegailesAST presenta “Hollywood de casualidá”, comedia francesa sobre un neñu al que confunden con una neña, que llega a ser actriz.

A les ocho la tarde “Asesinaron a unu” del alemán Tor Iben. Nel curtiometraxe Tom ye atacáu nel parque, namórandose esti del so agresor.

El sábadu 8 van entregase los premios y va facese un homenaxe a Gus Van Sant, Premiu d’Honor 2009. Amás van proyectase trailers del Festival y el curtiometraxe y la película ganadores. La entrada ye de baldre a toles sesiones.

Desde güei, unu de xunetu y hasta’l 21, va poder vese nel teatru Riera de Villaviciosa la esposición de fotografíes de carteleres de cine recreaes pola comunidá educativa del IES de Villaviciosa. Un llamativu proyectu gráficu y educativu de los profesores Bernardo Busto y Paco Ayala, qu’axunta a la calidá técnica de lo fecho la capacidá de mover y incorporar al proyectu a estudiantes, docentes y personal. La esposición representa una oportunidá curiosa pa conocer esta guapa iniciativa, asina como les posibilidaes didáctiques de los medios audiovisuales na docencia y nel trabayu con mozos y adolescentes.