Música

Cangas acueye na basílica la quinta edición de la Selmana de Música, que se desenvuelve hasta’l próximu sábadu, día 11, con conciertos a diariu nel marcu del emblemáticu templu cangués.

Yá s’atopen a la vienta les entraes pa poer asistir al conciertu de la banda Rock con Ñ el 5 de febreru, a partir de les 21 hores, nel Auditoriu de la Casa de Cultura. L’actuación enmarcarase nel próximu ciclu de conciertos de Factoría Sound pa los meses de xineru a marzu de 2022.

EL Centru de Cultura Antiguu Institutu de Xixón va acoyer esti 9 d’avientu de 2021 a les 19:30 un conciertu de Bobby Martínez,  saxofonista, flauteru, compositor y director de big band.

La Banda de Música d’Avilés va celebrar esti vienres, 3 d’avientu, la gala-conciertu de conmemoración del so 130º aniversariu. L’eventu va tener llugar nel Auditoriu de la Casa de Cultura a partir de les 20 hores.

El programa “Wom@rts” que puxa por meyorar la presencia de les muyeres nos distintos ámbitos llaborales, y específicamente nel mundu de la cultura, conclúi n’Avilés con un gran conciertu programáu pal 21 d’avientu nel teatru Palacio Valdés con entraes a 10, 12 o 15 euros.

L’habitual conciertu que la Orquesta Sinfónica del Principáu d’Asturies ufierta dientro de Música n’Escena, na programación de escenAvilés, lleva por títulu Seronda III, y va cuntar cola dirección de Marzena Diakun, y con Kian Soltani como violonchelu solista. Va ser esti vienres 26, nel auditoriu de la Casa de Cultura, a les 20.15 hores.

Unos 150 coralistas procedentes de País Vascu, Llión, Madrid y Navarra van tar la fin de selmana en la ciudá ufiertando la meyor música coral na XXXVII Edición del Certame Coral Villa d’Avilés que va desenvolvese na Casa de Cultura’l 27 y el 28 de payares.