Gastronomía

L’Asociación de sidreríes de la cai Gascona d’Uviéu pieslla güei les VI Xornaes del quesu afuega’l pitu, que celebren dende’l martes con esti quesu como protagonista.

Les cocines de les sidreríes de la Gascona ufierten estos díes una carta mui variada, con ensalaes, pescaos, carnes y postres, col quesu afuega’l pitu. Coincidiendo coles xornadas, l’asociación pon en marcha una campaña de regalu de 6.000 euros, entregando papeletes a los veceros pa un sortéu que va celebrase énte notariu’l 29 de marzu.

Recalcolo demientres la so presentación n’añada 2007 “esti yel mio vinu mas especial, un vinu que fixe camentando na mi fia Maeve y que tresmite tola so vitalidá y allegría”, ensin llugar a duvies Maeve 2008, sedrá el vinu estrella de Solares & Sampedro esti añu, xunto cola nueva añada d’Un Vinu Curiosu que ta tovía faciendose y que promete sorpreses, n’esta vegada Maeve 2008 mantien l’esencia de l’anterior, ye decir, la zona d’ellaboración, ente les montañes allicantina y manchega y les variedaes d’uva, dixébrase na mestura, la Cabernet Sauvignón anque sigue siendo la predominante 74% ya nun ye-lo tanto y gana protagonismu una de les variedaes preferies por SErxu, la Petit Verdot con un 13% y la Syrah con un 9%, enllena’l vinu la siempre gayaspera Monastrell, la graduación alcohólica ye del 13,3% sol volume y mantiense la presentación de 2007.

Esti proyeutu, ellaborau prauticamente al 100% comu vinu ecolóxicu, caleya pa esto, nesti intre namai la Monastrell ta fuera de los parametros d’esixencia ecolóxica y el tapón sintéticu ya que Serxu considera que ye’l meyor pa esti tipu de vinu. L’Etiqueta mantien un versu del Poema n’Asturianu de Serxu Solares “Maeve” Solares & Sampedro ñació nel añu 2007 col llanzamientu al mercau del so vinu d’alta espresión llaborau na D.O. Bierzo “Gotes 2005”, dende entos tien seguío xorreciendo y anguañu ye l’empresa matriz del Grupu Enoarte con inversiones en hosteleria, asesoramientu d’empreses d’hosteleria y hoteleria y aiciones en medios de comunicación, Grupu Enoarte de capital 100% asturianu, comercializa los sos productos en tol Estau y en dellos paises de la Unión Europea y mantien una política activa de defense de la llingua y cultura asturiana con presenvia en tol so etiquetau.

Gotes foi el cabezaleru de los vinos con nome n’asturianu y nel so tapón va un cachu’l poema del mesmu nome n’asturianu de Serxu Solares, con Maeve lo mesmo y res que decir d’Un Vinu Curiosu.

Doce van ser las families que na Nochebuena van poer cenar ún de los lotes de carne de Corderu Xaldu que Crivencar saca al mercáu baxo rigurosa orde de reserva.

Caún de estos lotes (de 3’500 Kgs aprosimadamente) contién el despiece selectu de ½ canal de corderu xaldu de seis meses d’edá. Estos corderos foron criaos n’estensivo, y únicamente alimentaos con llechi materna y pastos naturales.

Dende los sos oríxenes, Crivencar siempre apostara pola recuperación y comercialización de les races autóctones asturianes. Esta firma asturiana ye especialista na comercialización de terneros de les distintes castres orixinaries d’Asturies y tamién abanderada na recuperación de races como la del Gochu Asturcelta o l’Oveyu Xaldu /Corderu Xaldu al traviés de distintes xornaes gastronómiques celebraes nes sos sidreríes y restauranes.

El Principáu d’Asturies espón dende güei, en collaboración cola compañía Iberia, una selección de los productos gastronómicos más representativos de la rexón nes sales VIP de la Terminal 4 del Aeropuertu de Barajas. Gracies a esta iniciativa, que se presenta baxo’l nome ‘“Saboreando Asturias, Rutas de los Alimentos del Paraíso”, los viaxeros puen prebar delles delicies típiques asturianes.

Tres percorrer la sala y visitar la esposición, hai una preba culinaria de diferentes productos como’l vinu de la Tierra de Cangas, la sidra y los quesos d’Afuega´l Pitu y Cabrales, que valen de menú degustación pa tolos pasaxeros que pasen pela zona VIP de la T4, que según datos de AENA, son alredor de 3.000 cada día. Esti fechu constitúi una oportunidá grande pa promocionar Asturies como destín turísticu, asina como la so gastronomía, tanto a nivel nacional como internacional.

La inauguración de la muestra cuntó cola presencia del Delegáu del Gobiernu del Principáu d’Asturies en Madrid, Miguel Munárriz Cellino, la Directora Xeneral de Turismu, Elisa Llaneza Álvarez, el Director Xeneral de Ganadería y Agroalimentación, Enrique Rodríguez Nuño, el Xerente de la Sociedá Rexonal de Turismu, Jesús Alfaro García, y dellos directivos d’Iberia. La nueva esposición va prollongase hasta’l 21 d’avientu próximu nel aeropuertu madrilanu.

La esposición recueye la esencia de les 4 primeres “Rutas de los Alimentos del Paraíso”, una orixinal iniciativa qu’introduz el cine pa destacar los productos asturianos más reconocíos dando como resultáu cuatro títulos de corte cinematográficu: “El Código Afuega’l Pitu”; “Los Señores del Vino de la Tierra de Cangas”, “Desayuno con Cabrales” o “Hasta que Llegó su Sidra”.

El Principáu d’Asturies repite esperiencia con esta nueva esposición, que yá pasó en marzu pel Aeropuertu de Barajas, y que tuvo tamién presente, hasta la selmana pasada, nel Aeropuertu del Prat de Barcelona. En total, unes 67.000 persones disfrutaron yá d’esta acción promocional.

L’asociación micolóxica y ecolóxica Geotropa organiza esta fin de selmana en Llangréu les VIII Xornaes micolóxiqueas del valle del Nalón.

Esti vienres, en delles zones de la Cuenca, va entamase la recolección de les setes, dende les 17 hores nos locales de Festejos de San Pedro, en La Felguera. El sábadu abriráse una exposición colos exemplares recoyidos y desendolcarase una charra a cargu de Lluis Alberto Parra, espertu en micoloxía.

La Conseyería de Mediambiente y Desarrollu Rural acaba d’aprobar el pliegu de condiciones técniques del repollu relleno y los carajitos, un trámite alministrativu necesariu pal usu de la marca de calidá “Alimentos del Paraíso Natural”. La midida garantiza un nivel calidable pa los productos agroalimentarios producíos, ellaboraos y distribuyíos por usuarios apode autorizaos y facilita la so identificación nel mercáu. Anguaño, yá tán adscritos a esta marca toles Denominaciones d’Orixe Protexíes y les Indicaciones Xeográfiques Protexíes, amás del quesu de cabra y el miel; los sos pliegos de condiciones técniques recibieron va tiempu’l preste de la Conseyería. El productu siguiente en sumase a esta marca de calidá va ser la merluza de pinchu.

La so entrada en vixencia ta namas pendiente de la so espublización nel Boletín Oficial del Principáu d’Asturies (BOPA). Esta marca pue ser usada pa estremar cualesquier de los productos agroalimentarios y pesqueros certificaos conforme a los requisitos establecíos nos pliegos de condiciones técniques del productu correspondiente, que tien que ser aprobáu por Resolución de la Conseyería. Darréu, detallamos los requisitos técnicos que tien que cumplir cada productu pa tar al abellugu de la marca “Alimentos del Paraíso Natural”, asina como los métodos de control que garanticen el so cumplimientu.

Carajitos

• Definición del productu: Los carajitos al abellugu d’esta marca son el productu de confitería forneáu y preparáu con azúcar blanco, clara de güevu pasteurizao, miel y ablanes, producíu y ellaboráu nel Principáu d’Asturies. Nun se permite dengún otru ingrediente.
• Característiques del productu: Tien consistencia blanda, forma redondeada con diámetru aproximáu de 4 centímetros y superficie irregular. El so conteníu máximu en grasa ye del 35% y tien que tener un mínimu d’un 10% de proteína. En cuantes a les sos característiques organoleptiques, tien qu’arrecender y saber a ablana tostao y una combinación de colores castaños claros y escuros.
• Ellaboración: Va facese nos locales d’ellaboración declaraos na solicitú oficial d’autorización d’usu de la marca. Los pliegos recueyen seis fases d’ellaboración, dende la recepción de materies primes al enfriáu del productu, nes que se regulen cuestiones tales como la forma de peláu de les ablanes con cascu o la temperatura y tiempu de forneáu, que tien que se facer a 200 graos centígraos per un máximu de 20 minutos. L’enfriáu tien que se facer a temperatura ambiente, calteniendola hasta’l so envasáu.
• Envasáu y almacenamientu: Los envases pa la comercialización del productu tienen que ser solo los aprobaos na resolución d’autorización de la marca. Va asegurase la identificación y trazabilidá específica del productu en tou momentu.
• Etiquetáu: Tien de facese nes mesmes instalaciones d’ellaboración. Esti etiquetáu de la marca nun sustitúi al etiquetáu reglamentariu. Tien que se colocar nuna parte visible del envase, de manera qu’acompañe al productu hasta’l consumidor final. L’etiquetáu específicu tien que recoyer los datos siguientes:.
• Denominación del productu al abellugu, como apaez nel pliegu.
• El logotipu de la marca “Alimentos del Paraíso Natural”, como se recueye nel Manual d’Identidá Gráfica.
• Númberu d’autorización asignáu como usuariu de la marca.
• Claridá: l’etiquetáu tien que contener elementos suficientes pa estremar de forma cenciella’l productu, evitando la inducción al error nel comprador o consumidor.
• Particularidaes de la comercialización: Los usuarios de la marca tienen que caltener actualizáu un rexistru de productu comercializáu al abellugu de la marca nel que se detalle polo menos la cantidá de productu espidíu, destín y mediu pa fornilu usáu, ye dicir, minorista, mayorista o gran distribución. El mentáu rexistru y los sos documentos acreitativos puen ser contrastaos o riquíos en cualesquier momentu pol titular de la Marca o entidá de certificación y/o control nos tres años siguientes a la fecha de comercialización.

Repollu rellenu

• Definición del productu: El repollu rellenu al abellugu de la marca ye la comida preparada con tratamientu termicu, resultante de la ellaboración culinaria del repollu y carne de xata, cola adición d’hortalices y otros ingredientes autorizaos y condimentada con salsa roxo. El so conxuntu tien de tar sometíu a un procesu termicu (aumentu de temperatura), envasada y dispuesta pal so consumu con un calentamientu pequeñu.
• Materies primes: El repollu rellenu resulta de la ellaboración de tres elementos base: repollu cocío, carne estofao y salsa roxo.

1. Tien qu’usar namas fueyes enteres de repollu fresco y sano y sal.
2. Pa la carne estofao: emplegase aguya de xata o pieces equivalentes de la mesma categoría, que suponga un mínimu del 65% de la carne estofao, hortalices fresques, namas cebolla, pimientu verde, cenahoria y ayu, aceite d’oliva, lloreu, vinu blanco, pimentón dulce y pimentón picante.
3. Pa la salsa roxo: inclúi caldu concentráu de carne, cebolla, pimientu verde y roxu, aceite d’oliva, vinu blanco, fariña d’almidón de trigu o maiz; y sal.

• Característiques del productu: El repollu cocío tien que suponer un mínimu del 25% del productu final; la carne estofao un 35%; y la salsa roxo un 35%. En cuantes a les sos característiques organoleptiques, el productu tien que ser presentar n’unidaes redondeaes, firmes y de contornu irregular, de color predominantemente verde y/o mariellu pol repollu. La so testura ye suave, tierna y xugosa nel so conxuntu. El sabor tien de ser suave y equilibráu, con un llixeru toque picante.
• Ellaboración: Tien de preparase nos locales d’ellaboración declaraos na solicitú. En cuantes a les fases d’ellaboración, los pliegos estremen ente la recepción de les materies primes y la so preparación, el rellenu y la presentación.
• Envasáu y almacenamientu: El repollu relleno va ser envasao afayadizamente con zarros hermeticos y, darreu, sometese a un procesu de pasterización. Esti sistema pue ser sustituyíu por procedimientos alternativos cola mesma eficacia. El productu final almacenase a una temperatura comprendida ente 1 y 4 graos centígraos hasta la so distribución y venta, que tien que facese a la mesma temperatura. En tou momentu, tien qu’asegurase la identificación y trazabilidá específica del productu.
• Etiquetáu y comercialización: En dambos casos, los sos condicionantes son los mesmos que los recoyíos nos pliegos de condiciones de los carajitos.

La Conseyería de Mediu Ambiente y Desarrollu Rural acaba d’aprobar el pliegu de condiciones téuniques del repollu rellenu y los ‘carajitos’ dientru la marca de calidá ‘Alimentos del Paraísu Natural’ y fai anuncia de que asocederá lo mesmo bien pronto cola merluza del ‘pinchu’. La marca quier garantizar un nivel de calidá pa los productos agroalimentarios producíos, ellaboraos y distribuyíos por usuarios debidamente autorizaos.

Anguaño, tán incorporaos a esta marca toles Denominaciones d’Orixe Protexíes y les Indicaciones Xeográfiques Protexíes, amás del quesu de cabra y el miel.

El Gobiernu d’Asturies inauguró estos díes nel Aeropuertu de Barcelona, y cola collaboración d’Iberia, la esposición gastronómica ‘Saboreando Asturias’, una selección de los productos gastronómicos más representativos del país que val pa promocionar pel mes próximu les campañes ‘Saboreando Asturias: Rutas de los Alimentos del Paraíso’ y ‘Saboreando Asturies: Sabores mitológicos’ nes sales VIP “Gaudí” y “Ponte Aéreu”

La xornada inaugural –a la qu’acudieron el xerente de la Sociedá Rexonal de Turismu, Jesús Alfaro, y el Director Xeneral d’Agroalimentación, Enrique Rodríguez Nuño– saldóse con una gran aceptación per parte del público asistente, que se mostró ampliamente satisfechu cola degustación ofrecida: Quesu Afuega’l Pitu, Cabrales, Casín y Gamonéu –ente otros–, Vinu de la Tierra de Cangas, Choscu de Tinéu, Sidra d’Asturies, carajitos, arroz con lleche. Son dalgunes de les delicies típiques asturianes –reconocíes toes col certificáu de Denominación d’Orixe o d’Indicación Xeográfica Protexida– que tán descubriendo los usuarios d’estes sales VIP dende’l vienres pasáu, y de les que van siguir disfrutando hasta’l próximu 19 de payares.

Les degustaciones son de 14:00 a 16:00 hores na Sala Gaudí, y de 14:30 a 16:30 hores na Sala Puente Aéreo. Suponen la parte más sensorial d’esta esposición que yá algamó una acoyida escepcional en marzu, na so estancia nes sales VIP de la T4 del Aeropuertu de Barajas. Nesta ocasión, estímase que la promoción va llegar a cuasi 17.000 viaxeros, ente usuarios de vuelos nacionales, europeos ya intercontinentale.

L’Ayuntamientu de Morcín presenta esti martes, 30 de septiembre, a les 11 la Mañana na Casa Conceyu de Santolaya, el I Festival del Gochu Asturcelta, que se vacelebra na capitald el conceyu’l sábadu, 4 d’ochobre. Esti Festival gastronómicu vieno organiáu pola Asociación de Criadores del Gochu Asturcelta, l’ayuntamientu y la Conseyería de Mediu Ambiente y Desendolcu Rural.

El Festival quier contribuyir a la protección de esta raza autóctona y na presentación quieren dexalo nidio l’Alcalde de Morcín, Jesús Álvarez Barbao; el Director Xeneral de Ganadería y Agroalimentación, Enrique Rodríguez Nuño, el Presidente de la Asociación de Cuidadores del Gochu Asturcelta, Segundo Menéndez, y la presidenta de la Asociación de Muyeres Solamalena, María Prieto del Corro.

Dende esti vienres 19 de setiembre y hasta’l 19 d’ochobre, van desendolcase les I Xornadas Gastronómicas del Occidente d’Asturias nel que van participar 20 restaurantes con menús que puen sonsultase na web occcidentedeasturias.com. Les xornaes ufren xinta y cena de vienres a domingu, calteniéndoles dellos restaurantes a lo llargo la selmana.

Cada restaurante ufre un menú con productos típicos d’Occidente que van variar dependiendo de cada zona y tratando de’espresar cada platu del mou más tractivu posible.

El preciu los menús va ser siempre de 25 € (IVA incluyíu) por persona con pan, vinu de Cangas o agua, y postre. Los restaurantes espardense polos conceyos de: Cuideiru, Valdés, Cangas del Narcea, Tineu, Salas, Taramundi, Navia, Coaña, El Franco y Tapia.