Galerías 2008/2014

Redacción.

A les siete la tarde del vienres entamó la manifestación pola oficialidá de la llingua asturiana na Estación del Norte d’Uvieu. La marcha terminó a les puertes del Teatru Campoamor, onde l’Academia celebró la Xunta Estraordinaria, onde se nomó academica a la doctora Marta Mori d’Arriba.

En terminando la marcha, Nacho González, miembru de la XPDLA, echó un discursu nel que reclamó la oficialidá y denunció “les constantes aiciones represives pa colos falantes d’asturianu per parte del gobiernu asturianu”.

Dientro del Campoamor, celebróse una Xunta Estraordinaria de l’Academia de la Llingua Asturiana. L’actu tuvo presentáu por Sonia Avellaneda y el periodista Próspero Morán, direutor d’ASTURNEWS.COM y presentador de ‘Nós’ na TPA. El discursu d’Ana Cano recordó que “ye verdá que pue haber xente que camiente daveres qu’ensin oficialidá la llingua pue caltenese y normalizase, pero ello llamentablemente nun ye posible como vimos y pervimos a lo llargo d’estos años”.

Ver semeyes de la manifestación y la Xunta Estraordinaria

Redacción.

La XXVIII Selmana de les Lletres Asturianes celebró ayeri’l so día con una mayor carga d’actos. Pela mañana, nel Teatru Toreno de Cangas del Narcea celebróse un actu colos neños de les escueles de la zona. Lo mesmo que n’Aviles, onde se celebró la IV Xunta d’Escolinos con dellos actos musicales y cola presentación de la revista Formientu pa los rapazos.

A les doce la mañana, n’Uvieu, celebróse la yá tradicional llectura de testos n’asturianu per parte de los diputaos, nesti casu de narrativa. L’asociación reivindicativa ‘N’ast’ amosó delantre de los diputaos y nel momentu de la llectura, una pancarta col lema ‘Oficialidá’, l’actu desenrrollóse ensin más problemes.

Y yá de nueche, n’Uvieu representóse nel Teatru Filarmónica un cabare-musical de Dolfu Camilo Díaz, ‘Una mañana… (un viaxe sonoru a la patria de les pallabres)’. La obra cuntaba cola presencia d’artistes como Esther Fonseca, Xulio Antido y l’actor Cárlos Dávila. El creador de la obra, fizo un llamáu a la oficialidá de la llingua asturiana al final del actu. Mientres tanto, n’Aviles celebróse un conciertu cola presencia de Dixebra, Skama y La Matumba.

Los llectores d’ASTURNEWS.COM puen siguir gráficamente los actos d’esti día.

Redacción.

Ayeri pela mañana presentóse la revista Formientu nel Campus del Milán d’Uvieu cola presencia de Ramón d’Andres, Xulio Viejo y el so direutor, Inaciu Galán, amás de dalgunos autores d’esti segundu númberu dedicáu a la narrativa: Benxa Perez, Nicolás V. Bardio, Ricardo Candás, Sergio Gutierrez, Jorge Fernández y Xaime Menendiz. Asistieron tamien Xuan Santori, Cristobal Ruitiña, Ana Gayol, Antón García y l’autor aragones Chuse Inazio Nabarro, que pela tarde tuvo nel ‘Alcuentru coles narratives españoles’.

Güei, la selmana sigue con dellos actos de gran importancia. Pela mañana, n’Aviles, la IV Xunta d’Escolinos y la presentación de la revista Formientu a la una del meudía. Na Xunta Xeneral del Principáu va facese la yá tradicional llectura pública de testos per parte de los Diputaos y otros políticos, como la Senadora Pilar Fernández Pardo o’l Conseyeru de Xusticia, Javier García Valledor.

Yá pela tarde, a les 20 hores, nel Teatru Filarmónica va representase’l Cabare-musical ‘Una mañana… (un viaxe sonoru a la patria les palabres)’, un espectáculu lliterario-musical, que’l Xefe de la Oficina de Política Llingüística, Ramón d’Andres, encamentaba esta mañana na presentación de la revista Formientu n’Uvieu. El ‘cabare-musical’ ta dirixíu por Dolfo Camilo Díaz y Laura Iglesias. La entrada ye de baldre. A la mesma hora, n’Aviles, va poder disfrutase del conciertu de Skama, La Matumba y Dixebra na carpa instalada en Les Meanes.

Los llectores d’ASTURNEWS.COM puen ver les semeyes de la presentación del númberu segundu de la revista Formientu n’Uvieu, ayeri pela mañana.

Calca pa ver les semeyes del actu d’ayeri

Redacción.

El vienres pasáu inauguróse la XXVIII Selmana de les Lletres Asturianes cola presencia de Ramón d’Andres, del Xefe de Política Llingüística y Ana Rosa Migoya, Conseyera de Cultura, Comunicación Social y Turismu, que faló nel actu usando l’asturianu. Nada habitual na Vocera del Gobiernu d’Asturies.

Nel actu presentáronse los más de sesenta actos que van celebrase nesta Selmana de les Lletres y a lo llargo del mes de mayu y les publicaciones oficiales de la mesma. ‘5 minutos d’averamientu a la prosa asturiana moderna’, una antoloxía de fragmentos escoyíos de 50 narradores actuales por Ismael González Arias y ‘La emancipación de la lliteratura asturiana. Crónica y balance de la narrativa contemporánea’, coordináu por Xose Lluis Campal y onde participen un conxuntu de 15 estudiosos de la lliteratura asturiana. Esti llibru va regalase cola compra de cualesquier llibru o discu n’astuarianu esti vienres que vien, Día del Llibru y el Discu n’asturianu.

El vienres pela tarde celebróse’l primer actu de la Selmana, un alcuentru colos autores ganadores de les ventisiete ediciones del Premiu de Novela ‘Xosefa Xovellanos’, convocáu pola Conseyería de Cultura. Nel actu, presentáu pol periodista Naciu Varillas, participaron once de los ganadores: Xulio Arbesú, Xose Nel Caldevilla, Adolfo Camilo Díaz, Xandru Fernández, Antón García, Ismael González Arias, Xilberto Llano, Esther Prieto, Miguel Rojo, Jose Horacio Serrano y Miguel Solís Santos. L’escritor Pablo Rodríguez Medina tuvo representáu pola muyer y en representación del fallecíu Andres Solar, tuvo’l so sobrín, tamien escritor, Inacio Solar.

El mesmu día de la inauguración pela tarde, ASTURNEWS.COM yera’l primer mediu n’informar del comunicáu unviáu por un grupu de venti escritores en llingua asturiana, “refugando los honores que mos” del que se ficieron ecu esta fin de selmana tolos medios asturianos.

Programa de güei:

●12:00 Sede de la ONCE (Uvieu)
-Presentación de la edición en braille del llibru ‘5 minutos. Narrativa asturiana nel cantu del mileniu’.

● 19:30 hores │ Casa la Cultura”Marta Portal” (Nava)
-Apertura de la esposición “La Comarca del Cómic” colos ganadores del concursu de cómic Comarca de la sidra. (Abierta al público hasta’l 17 de mayu, n’horariu de 9:30 a 21:30 hores)
-Conferencia de Chechu García sobre la historia del cómic n´asturianu y posterior charra coloquio cola participación de personalidaes de la tira cómica asturiana.

● 19:30 hores │ Casa la Cultura ‘Teodoro Cuesta” (Mieres)
-Narración oral ‘La Matazuga’. Dramatización basa n’hestories de María Xosefa Xovellanos.

Programa del xueves

● De 10:00 a 12:00 hores │Carpa del Parque de Les Meanes (Aviles).
IV Xuntes d’Escolinos d’Aviles y Comarca. Colexos d’ Educación Primaria.

●10:00 a 13:00 y 16:00 a 20:00 hores │Casa la Mocedá de Samartín del Rei Aurelio (Sotrondio)
“La pallabra illustrao”. Esposición de la obra gráfica del novelista Miguel Solís Santos. Abierta hasta’l 17 mayu.

●10:00 a 13:00 y 16:00 a 20:00 hores│ Teatru de L´Entregu (Samartín del Rei Aurelio)
“Hai una ringlera trazada: la narrativa en llingua asturiana de Samartín”. Esposición de la obra gráfica na narrativa asturiana. Abierta hasta’l 17 mayu.

● 12:00 hores │ Centru Cultura Vieyu Instituto (Xixón)
Apertura de la esposición “Ello yera una vez… un tiempu de traducciones ( 1974- 2006 )”. Abierta al públicu hasta’l domingu 6 de mayu, n’horariu de 10:00 a 21:00.

● 13:00 hores │ Salón d’actos de la Biblioteca del Campus del Milán (Uvieu)
Presentación del númberu 2 la revista de nueva creación en llingua asturiana Formientu, cola intervención del so director, Inaciu Galán, Ramón d’Andres, Xulio Viejo y los autores de la revista.

● 17:30 hores │ Biblioteca d’Uxo (Mieres)
Sesión de “Cuentacuentos”. Compañía “Riss-Rass”.

● 17:00 a 19:00 hores │ Centru Social de Blimea (Samartín del Rei Aurelio)
“El camín nel aire: La narración oral asturiana”. Esposición de obra gráfica. Abierta hasta’l 17 mayu.

● 19:00 hores │ Aula Magna de la Universidá d’Uvieu.
“Alcuentru cola narrativa peninsular”. Mesa redonda con: Xuan Bello (Lliteratura Asturiana), Ramiro Fonte (lliteratura gallega), Chuse Inazio Nabarro (lliteratura aragonesa), Rafael Reig (lliteratura castellana), Àlex Susana (lliteratura catalana) y Kirmen Uribe (Lliteratura vasca). Modera: Luis Arias Argüelles-Meres. Tertulia lliteraria abierta al públicu.

● 19:30 hores │ Centru Cultural “San Xuan de Capistrano” (Villaviciosa)
Actu institucional: entrega del ‘Premiu Sonadía’ a Xulio Vixil. Cola actuación de los cantantes de tonada Tuya y Estrada, que formen el “Dúu Astur”.

● 19:30 hores │Carpa del Parque de Les Meanes (Aviles)
Narración oral La Matazuga. Dramatización basada n´histories de Xosefa Xovellanos.

● Dende les 20:30 │ Carpa del Parque de Les Meanes (Aviles)
Conciertos musicales a cargu de los músicos y agrupaciones: Banda de gaites de Corvera, Ástura, Vicente Díaz y Anabel Alonso.

Galería de semeyes de la Inauguración

Redacción.

Los llectores d’ASTURNEWS.COM puen disfrutar de les imáxenes del Conciertu pola Oficialidá, celebráu esti sábadu nel aparcamientu del Estadiu Carlos Tartiere d’Uvieu con gran asistencia de públicu y l’actuación de los grupos Tuenda, Llangres, Dulcamara, Lafu y Rebeca Velasco, el cantautor Toli Morilla y les propuestes de Chalaneru Soundsystem, K-Nalón y Skama la Rede.

Les semeyes del Conciertu

Redacción.

El Premiu Oficial llevólu’l llagar La Nozala y el Popular, Sidra Trabanco. Nel actu participaron la Banda de Gaites ‘Ciudá d’Uvieu’ y el ‘Dúu Astur’. Na mesma xornada entregáronse los premios a los collaboradores nos actos.

Asturnews.com pon a la so disposición les semeyes de los actos, que se celebraron el domingu pasáu na cai Gascona d’Uvieu, conocíu como ‘El Bulevar de la Sidra’.

Calca equí pa ver la galería de semeyes

Redacción.

El vienres entamaron los actos a les siete y media la tarde con una llectura poetica que cuntó coles voces de Miguel Rojo, Ana Vanessa Gutierrez, Humberto González y Chechu García. L’actu foi celebróse nel Centru Municipal de L’Arena y cuntó cola actuación del grupu musical Mus.

El sábadu, los organizadores decidieron sacar la poesía del llugar habitual p’acercala a la xente. El sábadu a les doce la mañana na playa de L’Arbeyal y cola participación del Grupu Scout d’El Natahoyo dellos poetes de la ciudá ficieron un recital, pa dempues meter los sos poemes nunes caxines de cartón, que colgaes de globos, fueron soltaes volando.

Nesti actu participaron dalgunos de los autores que ficieron la llectura del vienres y otros como Carmen Yáñez, Ricardo Candás y Armando Vega. Darreu fízose una llectura de poemes pa los neños, que tamien participaben del actu de la suelta de globos con poemes. Dempues de facer un corru alredor de los globos, un neñu procedió a cortar la cuerda. Con ello entamó la suelta de globos.

Los llectores d’Asturnews.com puen disfrutar de les imáxenes del actu nuna galería de semeyes que ponemos a la so disposición.

Les semeyes de la suelta de globos