Fiestes Un mercáu medieval antroxa’l centru de Mieres by asturnet 26 de mayu, 2006 Les cais del centru de Mieres, lligaes a la exa comercial de La Vega, popularmente conocida como Calle del viciu, va tresformase esta fin de selmana nun mercáu medieval que va axuntar a más de 70 participantes. Bufones, xuglares, malabares, músicos y artesanos, amás de talleres de xuegos pa neños, y artesanía pa mayores, van centrar l’actividá nel corazón de Mieres dende la tarde d’esti viernes hasta’l domingu día 28 de mayu. Complementariamente, la organización d’esti mercáu, col que l’Ayuntamientu del Caudal busca dinamizar l’actividá social y económica nel tiempu que desaparta La Folixa y les fiestes patronales de San Xuan, va ufiertar a los hosteleros que quieran acoyese al eventu, l’asesoramientu pa ellaborar un menú especial basáu en comida medieval. La Caravana pola Oficialidá percuerre esti fin de selmana’l conceyu de Mieres 26 de mayu, 2006 0 FacebookTwitterPinterestEmail
ConvocatoriesFiestes El Concursu de Navelgas tien abiertu’l plazu d’unvíu de maquetes by asturnet 26 de mayu, 2006 El Concursu Internacional de Folk “Cuartu los Valles” de Navelgas va celebrar ente los díes 28 y 29 de xunetu la setima edición d’esti festival, que tien abiertu’l plazu d’unvíu de maquetes hasta’l prósimu día 31. Les grabaciones mandaes, de les que van ser seleccionaes un númberu de cinco pa participar nel certame, deben tener a lo menos cinco canciones y el grupu tar formáu por más de tres persones. El premiu pal ganador del concursu ye de 1500 euros, un trofeu del artista Manuel G. Linares y la retresmisión del conciertu en Radio 3, mentes que los demás finalistes recibirán una cantidá de 1000 euros. 26 de mayu, 2006 0 FacebookTwitterPinterestEmail
ConvocatoriesFiestes Los emigrantes mozos en Madrid y Bruseles convoquen un concursu de fotografía by asturnet 24 de mayu, 2006 Les asociaciones d’Asturianos en Bruseles y Madrid conviden a tolos retratistes interesaos, mesmo profesionales qu’aficionaos, a participar nel I Concursu Fotográficu ASBRU-ASMA, col envís d’afalar la creación fotográfica n’Asturies y sobre Asturies. El plazu tope pa la presentación de los trabayos acaba’l miercoles 31 de mayu. El concursu, que quier establecese con calter biañal, cunta con un xuráu presidíu pol periodista Jose Luis Balbín, director del selmanariu informativu La Clave, y compuestu por profesionales de reconocíu prestixu como Gael Turine, fotógrafu belga autor de varios llibros de fotografía, Luis Hevia, fotógrafu asturianu especialista n’interiorismu y retoque dixital, y Manuel Romarís, delegáu de l’Asociación de Periodistes Gráficos Europeos (APGE). Javier Menendez Bonilla, en representación de les asociaciones ASBRU y ASMA, completa esti xuráu. El I Concursu Fotográficu ASBRU-ASMA convócase en dos modalidaes : la primera, abierta a tolos fotógrafos asturianos o residentes n’Asturies con tema llibre, y la segunda, abierta a tol mundu col tema «Asturies». Toles obres presentaes van ser amosaes nel portal web d’ASMA (www.asturianosenmadrid.com), onde tamien se puen lleer les bases completes d’esti concursu. ASBRU, qu’ograniza esta actividá gracies al apoyu del Principáu d’Asturies, ALSA y Air Nostrum, ta preparándose pa celebrar el prósimu 16 de xunu’l so primer aniversariu con una fista en Bruseles. Inspirada nel exitosu modelu desarrolláu por ASMA dende l’añu 2001, ASBRU cunta yá con más de doscientos socios na capital belga. 24 de mayu, 2006 0 FacebookTwitterPinterestEmail
Fiestes Madrid allégase a la cultura del occidente asturianu by asturnet 23 de mayu, 2006 Por mor de les xornaes de presentación en Madrid de la Comarca Fuentes del Narcea, el Centru Asturianu de Madrid tien programaos una serie d’actos pa los díes 27 y 28 de mayu, cola intención de dar a conocer los conceyos de Cangas, Ibias y Degaña na capital española. Gastronomía, artesanía de la zona y cultura popular van dase a conocer esta fin de selmana nes instalaciones de la entidá que la emigración asturiana tien na cai Farmacia de Madrid. Tres de la presentación de la Comarca Fuentes del Narcea, per parte de los ediles de los conceyos de Cangas, Ibias y Degaña, Francisco Rodríguez García dará una charra cola fin de dar a conocer los atractivos del occidente asturianu, a la que va siguir una xornada gastronómica na que se va facer entrega del Acebu d’Honor a Jose Manuel Cuervo, alcalde del Ayuntamientu de Cangas. Coincidiendo cola Romería 2006 de la Cuenca del Narcea – Occidente, el domingu día 28, la Quinta Asturies va ofrecer un completu programa qu’empezará con un torneu de bolos, del llamáu ‘Pasabolu Vaqueiru’. La proclamación de La Encantada, Anghara Fernández Insignares, el Cantu del Ramu de Gillón per parte de les moces de Vezos Astures, la cellebraicón d’una misa, esposición de productos asturianos, mesmo gastronómicos que la tradicional artesanía de cerámica, cunqueiros y cestos de la zona, concursu de Xota de Cangas, actuaciones de la Banda de Gaites Respingu, el Grupu Acebo, y la recuperación y representación de la tradicional ‘Os Reises’ del Grupu Vezos Astures, son dalgunes de les actividaes qu’esta fin de selmana van celebrar la cultura del occidente d’Asturies na capital d’España. 23 de mayu, 2006 0 FacebookTwitterPinterestEmail
Fiestes Lisardo Lombardía va pregonar la Preba de sidra de Gascona by asturnet 19 de mayu, 2006 La tradicional “Preba de la sidra” de Gascona cumple esta fin de selmana la so setima edición, con una nueva convocatoria na que se va poder esfrutar de la primer sidra de la temporada d’una docena de llagares asturianos. La cita que va tener llugar esti domingu dende les doce la mañana, va tar inaugurada por un pregón a cargu de Lisardo Lombardía. Les votaciones populares a la meyor sidra del añu van conocese a les dos y media la tarde. Mentes que la prueba oficial tará formada por un xuráu de cinco espertos catadores de sidra. 19 de mayu, 2006 0 FacebookTwitterPinterestEmail
Fiestes Begoña Fernández anima a les muyeres a disparar na Descarga de Cangas by asturnet 17 de mayu, 2006 La directora del Institutu Asturianu de la Muyer, Begoña Fernández, tachó de “discriminatoria” la prohibición de que les muyeres entren na Sociedá d’Artesanos “Nuestra Señora del Carmen”, organizadora de la popular Descarga del Cangas, y alvirtió que si la entidá sigue con esa postura l’Alministración ta dispuesta a llegar hasta los tribunales. Na presentación de la II Selmana de la igualdá de Cangas del Narcea, la directora del Institutu Asturianu de la Muyer, Begoña Fernández, fizo un llamamientu “a toles muyeres que quieran pa que soliciten la so entrada na Sociedá d’Artesanos porque los estatutos nun llimiten la so entrada, ente otres coses, porque eso sedría illegal”. Dende la fundación en 1902 d’esta entidá, tuvo formada esclusivamente por homes, lo que Fernández tachó de “discrimatorio” pa col sexu femenín. Nel so discursu, Begoña Fernández llamó a los responsables de la Sociedá a cumplir y facer cumplir la llei, poniendo fin a esti tipu d’actitúes, y nun descartó llegar a los tribunales si esta discriminación “vuelve a facese efectiva otra vuelta”. 17 de mayu, 2006 0 FacebookTwitterPinterestEmail
ConvocatoriesFiestes Cambalache presenta mañana un llibru contra la presa de Caliao by asturnet 17 de mayu, 2006 L’asociación Cambalache presenta mañana n’Uvieu a les ocho la tarde, dientro de la programación de la segunda Feria del Llibru, un llibru que lleva por títulu «Más agua, ¿para que? Plan hidrográfico nacional. La nueva cultura del agua. El embalse de Caleao». L’estudiu, ellaboráu por dos xeólogos de la Universidá d’Uvieu, considera que la presa de Caliao nun ye necesaria. Eduardo Menendez y Beatriz González, profesores de la Facultá de Xeoloxía de la Universidá d’Uvieu, decidieron estudiar la situación del embalse que se quier construir en Casu como apoyu a la plataforma pola defensa del parque de Redes que se niega a tala actuación. Pa los xeólogos, esti “ye l’exemplu más sangrín n’Asturies sobre les actuaciones en materia d’agua qu’anguaño ta faciendo’l Principáu”. 17 de mayu, 2006 0 FacebookTwitterPinterestEmail
ConvocatoriesFiestes Cultura convoca’l premiu de testos teatrales Alejandro Casona by asturnet 12 de mayu, 2006 La Conseyería de Cultura del Principáu convoca un añu más el VII Premiu de Testos Teatrales “Alejandro Casona”, dotáu con 6.000 euros y al que puen presentase orixinales en llingua castellana o asturiana. El plazu de presentación de les obres fina’l prósimu 30 de xunu y el fallu va conocese un mes despues. Los autores que quieran presentase al concursu habrán facelo con obres orixinales, inedites y ensin premiu en nengún otru certame. Les obres habrán presentase nel Rexistru de la Conseyería de Cultura, na Plaza’l Sol, 8, 33009 d’Uvieu y entregaránse embaxo’l sistema de pliques: un sobre col orixinal firmáu con seudónimu y otru cerráu colos datos personales del autor. 12 de mayu, 2006 0 FacebookTwitterPinterestEmail
ConvocatoriesFiestes Caxastur convoca les sos beques p’artistes 2006 by asturnet 11 de mayu, 2006 Caxastur acaba convocar seis beques empobinaes a artistes asturianos que quieran ampliar los sos estudios, investigar o desarrollar proyectos rellacionaos cola so especialidá artística fuera d’Asturies. El plazu de presentación de les solicitúes termina’l sábadu 24 de xunu. El trabayu a desarrollar va refirise a les distintes modalidaes de les artes: pintura, escultura, grabáu, fotografía, instalaciones, videu, cine, teatru, danza y música. La dotación económica de cada beca ye de 10000 euros, contratando Caxastur nel tiempu de duración de la beca, un seguru d’enfermedá y accidentes pa los becaos. El plazu de duración de la beca ye d’un añu natural dende que se conceda. Bases de la convocatoria 11 de mayu, 2006 0 FacebookTwitterPinterestEmail
Fiestes La Flor de L.lena, cola oficialidá del asturianu by asturnet 21 d'abril, 2006 Esta fin de selmana va cellebrase en L.lena’l III Mercáu Tradicional conocíu como ‘La Flor de L.lena’, un eventu organizáu pola Xunta Cultural Rebelgu coincidiendo coles fiestes de La Flor nel que van participar cuasi un cientu d’artesanos y nel que van actuar Skontra, La Col.lá Propinde, Hector Braga y Dixebra, ente otros. Per otra parte, la Xunta Cultural Rebelgu quier apoyar al Conceyu Abiertu pola Oficialidá, polo que, amás de lleer un manifiestu nel so nome, va colgar nel escenariu una pancarta pidiendo que la prósima reforma del Estatutu reconoza la oficialidá del asturianu. El barriu vieyu La Caleya de La Pola acueye esta fin de selmana’l III Mercáu Tradicional de L.lena que va empezar mañana sábadu, a les once la mañana, con un pregón que va tar animáu por Pelagatos Trup y un pasucais per parte de la Banda de Gaites ‘Güestia’. A les seis de la tarde’l grupu de teatru Pelagatos Trup va representar la obra titulada ‘La Quiniela’, mentes que los encargaos de danzar van ser los miembros del grupu ‘Xanzaina’. Skontra y La Col.lá Propinde van ser los encargaos de poner música nel mercáu de La Flor a partir de les nueve y media la nueche. Dende les seis de la tarde, el músicu Hector Braga va ser el qu’abra la sesión musical del domingu, que va culminar con un conciertu de Dixebra a les diez y media la nueche. 21 d'abril, 2006 0 FacebookTwitterPinterestEmail