Escéniques

Esti sábadu día 17 de Xineru a les 20 hores nel Teatru de L’Entregu va tener llugar la representación de la última producción de Teatru La Cascaya. La obra titulada “Los Ximielgos” ye orixinal del comediógrafu llatinu Plauto y cúntanos, en clave d’humor, la hestoria de dos ximielgos que fueron dixebraos de neños.

Yá d’adultos, unu d’ellos empieza la busca del so hermanu. A lo llargo de la obra asoceden una serie d’equívocos una y bones dambos ximielgos son confundíos pol restu de los personaxes, aniciándose asina situaciones tan delirantes como risibles.

“Los Ximielgos” ye’l séptimu montaxe de Teatru La Cascaya y foi estrenada, con una gran acoyida del públicu, en septiembre. La repartida ta formáu por: Mario Alonso, Jairo Buelga, Delfín Barbón, Héctor Camblor, Cheli Alonso, Desirée Lucena, Olaya Álvarez, Corsino Fernández, Jennifer Barbón y Luis Camblor.

Llata de Cinc, el nuevu espaciu uvieín cultural alternativu asitiáu nel polígonu d’Oteru, entama’l so primer festival navidiegu de teatru pa neñes y neños. Con una aportación d’entrada más que popular y parte de los meyores propuestes de les compañíes asturianes de teatru profesional pa la infancia, la cita apurre una propuesta interesante y distinto pa tolos neños y neñes del conceyu.

Tamién va haber actividaes paraleles como la presentación del proyeutu “Arte y Educación Tresformadora” que se desenvuelve en distintos conceyos asturianos per parte del Colectivu Matumaini.

Toles Funciones sedrán a les 18 hores, menos la actividá paralela del día 28 que será a las 13 hores.

EL programa ye’l que vien darréu:

Sábadu 27 d’avientu Teatru Plus con “Bien Sabrosu” (Títeres) Domingo 28 d’avientu a les 13:00 h. Vermouth – presentación ““Vídeu y presentación del proxecto Arte y educación tresformadora en centros públicos”, Colectivu Matumaini. Proyección sobre’l proyectu y alderique sobre’l papel de distintes espresiones artístiques na educación. Domingo 28 de diciembre Carlos Alba Cellero Acostubaxo Teatru Con “Juan Soldáu (Teatru) Vienres 2 de xineru Tres la Puerta títeres con Hestories Reciclaes” (Títere de guante) Sábadu 3 de xineru Cuentos Cunto – Proyectos de Narración Oral de David Acera con “La casa de los cuentos” (Cuenteatro)

Nel marcu de la novena Vagamar y en dientro del ciclu “Una Asturies de Teatru”, el director teatral y actor Andrés Presumido ofrez la conferencia titulada En busca del director de escena.

Andrés Presumido foi distinguíu en 2013 cola medalla de l’Asociación Nacional de Directores d’Escena en reconocimientu a la so importante trayeutoria nel campu de la direición, onde realizó un gran númberu de trabayos, a lo que xune la so faceta d’actor de teatru, cine, televisión y doblaxe.

Nel Muséu El Taller de Títeres, esti domingu a les 17,30 hores convidennos a entrar nel taller del titiriteru. Van amosar cómo se faen los títeres, que materiales empléguense, que ferramientes s’usen… va podese preguntar tolo que se quiera saber a cerca de los títeres.

Y en la esposición del Muséu van vese un montón de títeres de tol mundu y munches otres coses que van sosprender a los neños y neñes.

>La entrada ye de 2,5 € y les reserves puen facese nos número 985.724.234 – 686.125.880.

Web del Muséu de Títeres

Dientro de la programación de la IX VAGAMAR, entamada pola Asociación Cultural L’Arribada, emprima’l ciclu UNA ASTURIES DE TEATRU con un actu dedicáu al monólogu modernu en llingua asturiana, que tien dos partes, una amuesa de monólogos representada por Silvino Torre, y una tertulia sobre’l tema onde, amás d’él participará’l tamién actor Lluis Antón González y l’escritor Humberto Gonzali.

L’actu fadráse’l llunes viniente, 10 de payares, a partir de les 19:30, nel Centru Municipal Integráu de L’Arena, en Xixón.

El ciclu UNA ASTURIES DE TEATRU tendrá’l so desarrollu tamién n’avientu de 2014 y mientres l’añu 2015, coincidiendo entós col 10 aniversariu de L’Arribada.

Esti vienres 7 de payares nel Teatru Municipal de Samartín del Rei Aurelio, en L’Entregu, va clausurase la I Amuesa de Teatru d’humor entamada en collaboración con FETEAS. La Compañía encargada de la clausura va ser la llangreana “Les Filanderes” dirixida pola entreguina Carmen Gloria que va representar la obra de Maxi Rodríguez “Les Aeróbicas”.

Esta amuesa de teatru lleva desenvolviéndose con gran ésitu dende’l mes de setiembre y pol escenariu del L’Entregu pasaron yá les mas importantes compañíes de teatru amateur d’Asturies.

Les funciones teatrales van siguir en Samartín del Rei Aurelio la próxima selmana na redolada de la Fiesta Gastronómica de “Los Nabos” coles actuaciones na Aula Cultural “La Plaza” del Grupu Teatru “Refaxu” que va poner n’escena la obra de Eladio Verde “Los Chiflaos” el llunes día 10 y la Compañía “Odisea Teatro” que va representar la obra d’Alejandro Casona “La barca ensin pescador” el martes 11.

Cola representación de ‘Paraíso fiscal’, obra de Carmen Campo Mier, a cargu del grupu de Llaranes Santa Bárbara, que ye unu de los estrenos absolutos de la programación d’esti añu, el XXIV Salón de Teatru Costumista de Candás aporta al so ecuador del añu con una programación más llarga y paez qu’esitosa. Cada día hai una cita escénica a les 23 hores nel Teatru Prendes de la capital del Conceyu de Carreño

Mañana xueves sedrá la representación de ‘La mala pata del alcalde’, obra de Pedro Mario Herrera adaptada por José Ramón Oliva, a cargu del grupu El Horreo de Barcia. Y el vienres tocará-y el turnu a la representación de ‘Tu, yo y el vecín’, obra de José Ramón Oliva, a cargu del Grupu de Teatru Asturianu Carbayín, que tamién ye un estrenu absolutu.

El sábadu ta programada la eepresentación de ‘El cantar de los pipiolos’, creada y presentada pol grupu llangreanu Padre Coll.

Toles representaciones tienen llugar a les 23 hores nel Teatru Prendes y la entrada cuesta 6 euros (4 pa socios). Éstes van tar a la venta nel propiu teatru dende una hora enantes de cada función.

El colofón del Salón va ser el próximu vienres 5 de setiembre, cuando van entregase los XII Premios Aurora Sánchez de Teatru Costumista Asturianu, que valoren el llabor d’estes agrupaciones. El títulu del espectáculu d’humor qu’acompaña la entrega de los gallardones lleva’l nome de ‘La gala siempre llama dos veces’, obra de Alain Fernández. La entrada pa presenciar los Auroraye de baldre.

El próximu vienres 5 de setiembre, van entregase los XII Premios Aurora Sánchez de Teatru Costumista Asturianu, que valoren el llabor d’estes agrupaciones. El títulu del espectáculu d’humor qu’acompaña la entrega de los gallardones lleva’l nome de ‘La gala siempre llama dos veces’, obra de Alain Fernández. La entrada pa presenciar los Auroraye de baldre.

Coincidiendo cola celebración del XXIV Salón de Teatru Costumista Asturianu de Candás, del 25 al 29 d’agostu,va celebrase nesta villa de Carreño’l X Taller de Monologuismu Cómicu Asturianu, impartíu por Carlos Alba ‘Cellero’.

La propuesta d´un taller d´Aniciu al Monologuismu Cómicu Asturianu (MCA) surdió nel añu 2004 nel XIV Salón del Teatru Costumista de Candás, un eventu onde´l MCA tien un llugar destacáu comu parte del Teatru Popular Asturianu que ye.

Na cultura popular asturiana hai una ayalga dalgo escaecida dende fae décades: el MCA. Urxe recuperar darréu tola tradición escénica y lliteraria d´esta disciplina, y al empar qu´ello anovala con métodos afitados nel arte teatral y na Oralidá. Tradición, formación y anovación son los pegollos nos que se podrá afitar la deseable renacencia del MCA.

El taller empobínase a persones interesaes en conocer, afondar y anovar el MCA dende un puntu vista tanto escénicu como lliterariu, sobremanera profesores de llingua asturiana, estudiantes d´arte dramático, escritores y actores, seyan profesionales o non. Tamién tienen muncho qu´aportar a la renacencia del MCA les persones que güei tan trabayando nes estremaes estayes de la cultural popular asturiana: bandes de gaites, tonada, grupos de baile…

Si se quier algamar información sobre Metodoloxía, Oxetivos, Conteníos, Recursos Materiales, Evaluación, Presupuestu o Bibliografía, puede escribise a cellalba@yahoo.es.

Esti sábadu 12 d’abril nel Teatru Municipal de Samartín del Rei Aurelio en L’Entregu a partir de les 20:00 hores el Grupu de Teatro Pausa va poner n’escena la obra “Una pidida bien singular”. Tratase d’una versión llibre de «Pidida», d’Antón Chéjov, escrita y empobinada por Javier Villanueva con escenografía de Balbona. El repartu vien formáu por Balbona, Pía Alfaro, Pablo Díaz y Yasmina Álvarez.

La obra de Chéjov, escrita en 1889, tien como protagonistes a tres personaxes: terrateniente, fía y pretendiente. La versión de Villanueva sigue la mesma situación pero introduz un nuevu personaxe, María Egonovma, madre del pretendiente, pa da-y mayor amplitú al argumentu escurríu pol escritor rusu.

Esta función enmárcase dientro de la programación del Circuitu Asturianu de Teatru entamáu pol Gobiernu del Principáu d’Asturies xunta dellos Conceyos.