Escéniques

Esti martes 10 a les 19 hores nel Teatru Palacio Valdés representó “La Baltasara”, una creación teatral de Inma Chacón, interpretada por Pepa Zaragoza, acompañada por Nachu Vera, y empobinada por Chani Martín, que remató los actos de conmemoración del Día de la Muyer entamaos pol Conceyu d’Avilés. Tamién se dió llectura all Manifiestu del 8 de Marzu ellaboráu pol Conseyu Municipal de la Muyer d’Avilés.

Interrupted ye una risondera comedia sobro cómo una vida perfecta puede convertise nun infiernu de la forma más inesperada que va representase esti vienres nel Teatru Xovellanos.

Les conferencies de “Avérate a la zarzuela”, toes gratuites, arrinquen esti miércoles, día 19, nel centru social de L’Argañosa n’Uviéu y nel entamar de la selmana presentaben el programa’l conceyal de Cultura, José Costillas; la conceyala de Centros sociales, Lourdes García y el responsable municipal de la temporada de zarzuela, Cosme Marina.

Carlos Alba va presentar nel Muséu Nicanor Piñole de Xixón esti martes 11 a les 18 hores el so cuentacuentos  ‘Dos oreyes y una boca’ en FETEN 2020, enraigonáu cola tradicion oral asturiana. La representación ya tuvo pela mañana una sesión pa escolinos.

La Compañía Mondomeraki ufre ‘Madalena, la otra Frida’ esta selmana nel FETEN 2020, con dos actuaciones que van allugase nel Xovellanos esti martes 11 y nel CMI El Cotu’l miércoles 12.

Nel marcu de la programación que propón el Teatru Palacio Valdés pa celebrar el so primer centenariu, la maxa va tener un espaciu especial, cola actuación de Yunke, consideráu como unu de los magos más prestixosos ya internacionales d’España. El sábadu 29 de febreru va xubir a les tables del coliséu avilesín col so espectáculu ‘Esconxuru’, a les 19.30 hores.

Esta fin de selmana entamaba FETEN, la Feria xixonesa del Teatru Infantil que va desenvolvese hasta’l 14 de febreru, con 90 compañíes de nueve países desplegando los sos últimos espectáculos, con 17 estrenos y más de 250 funciones.