Portada Emigración La colonia asturiana en Suiza inagura dependencies na ciudá de Berna

La colonia asturiana en Suiza inagura dependencies na ciudá de Berna

by asturnet

La colonia asturiana en Suiza inagurará de forma oficial nueves dependencies en Berna y conocerá de primer mano los planes del Gobiernu’l Principáu pal collectivu emigrante. Una representación institucional del Executivu, encabezada pol conseyeru de Xusticia, Francisco Javier García Valledor, anicia una visita de tres díes al país helvéticu qu’incluyirá alcuentros nos Centros Asturianos de Xinebra y Lausana.

Si se cumple’l programa previstu, la primer etapa de la visita sedrá la ciudá de Berna, onde Valledor inagurará les instalaciones del Centru Asturianu d’esa llocalidá a les 19 hores de mañana, vienres. L’axenda del conseyeru pa esa xornada prevé amás un alcuentru col embaxador d’España.

El sábadu, la comitiva’l Principáu desplazaráse a Lausana, ciudá na que permanecerá hasta la nueche, yá que a les 21 hores la delegación asturiana dará por finada la so visita a los emigrantes d’esa llocalidá y treslladaráse a Xinebra. Ehí trescurrirá la xornada’l domingu, día caberu de la visita a Suiza, con un alcuentru al mediudía cola colonia asturiana de la ciudá.

Valledor entamó’l so recorríu hacia Centroeuropa con una escala en Barcelona, onde mantuvo una xuntanza de trabayu col conseyeru de Relaciones Institucionales de la Generalitat, Joan Saura, na que dambos dirixentes conversaron sobro la inminente reforma de los Estatutos d’Autonomía, un procesu que quier liderar Cataluña.

Tamién te podria gustar