Cine

A partir de les 19:30 hores nel Centru Municipal Integráu de L’Arena en Xixón va entamar un ciclu de cine que repasa toles entregues de la saga Bond. Pa la primer sesión ta programada la proyeción de la cinta El Agente 007 contra el Dr. No que cunta cola interpretación de Sean Connery.

“El Agente 007 contra el Dr. No” dirixida en 1962 por Terence Young supuso la primer adpatación cinematográfica de la serie Bond de Ian Fleming. Nel film James Bond viaxa a Jamaica, pa investigar la muerte del axente John Strangways. Esti muerre víctima de los secuaces del Dr. No, un científicu chinu que vive nuna fortaleza na isla de Crab Key y que trama acabar col programa espacial norteamericanu.

“Tierra y Libertad” de Ken Loach, un de los directores emblemáticos del cine social d’anguañu, va ser la película que la filmoteca d’Asturies va proyectar nel ciclu “Los martes de la Filmoteca”. La sesión va entamar a partir de les 19:00 hores nos locales de la Biblioteca d’Asturies (Plaza Daoiz y Velarde, 11 Uvieu).

Con “Tierra Libertad” Ken Loach algamó un de los sos mayores esitos de crítica col gallardón Felix a la meyor película europea. La cinta cunta la historia d’un xoven comunista que viaxa dende Liverpool pa sumase a la llucha escontra’l fascismu nel entamu de la Guerra Civil española.

Continua’l ciclu de proyecciones “El Mundo de Groucho Marx” nel Teatru Filarmónica d’Uvieu nesti mes d’ochobre col pase de la película “Plumas de caballo” (Horse Feathers), dirixida en 1932 pol Norman Z. Mc Leod y protagonizada polos Hermanos Marx. La proyección entama a les 19:30 hores y la entrada ye de baldre hasta completar l’aforu.

“Plumas de caballo ” ye un sátira de los Hnos Marx sobre la vida universitaria. Groucho fai’l papel de director de la universidá Huxley na que’l so fíu, interpretáu por Zeppo, ye un estrella del fútbol americanu. Escasu argumentu pero una acción verbal trepidantnte marca de la casa ye lo que muestra esta comedia de los Marx.

El reconocíu cinefilu Tono va presentar na FNAC de Siero el ciclu de cine sobre Quentin Tarantino que va centrar la selmana nos actos culturales del local. L’actu va entamar a les 19:00 hores cola proyección en versión orixinal subtitulada de la cinta “Pulp Fiction”

Dende güei y hasta’l prosimo xueves el ciclu aborda una parte representativa de la filmografía del diractor norteamericanu cola esibición de “Jackie Brown2, y los dos volumenes de la obra “Kill Bill”. Toles películes van proyectase en versión orixinal subtitulada.

A partir de les 19:30 hores nel Teatru Municipal de Samartín del Rei Aureliu va entamar el Certame Internacional de Cortometraxes Aula 18, qu’esti añu cellebra la decima edición. La cinta “Solas” de Benito Zambrano, protagonizada pol llangreanu Carlos Álvarez Novoa, ye la obra encargada d’abrir el programa de proyecciones d’esti ciclu pal que se presentaron un total de 397 curtios. 37 de les cintes tan filmaes nel Principáu d’Asturies.

Hasta el prsximo día 30 d’ochobre, van proyectase les obres en varios establecimientos de tola rexón asina como nel teatru de El Entrego, que va ser sede de l’apertura y cierre del ciclu y la xornada de proyección de los curtios asturianos.

La película ‘El Orfanato’ ta agora na carrera a los Oscar y llama l’atención la participación de dalgunos actores asturianos, como’l perconocíu Lluis Antón González. Precisamente a esti últimu va entrevistalu Inaciu Galán nel espaciu ‘Falando d’Asturies’ de la Cadena Ser, güei sábadu a partir de la una la tarde. Una entrevista na que va cuntar detalles del rodaxe de la película del momentu y de la so participación na mesma.

La película ‘El Orfanato’, rodada n’Asturies y con guión del asturianu Sergio Sánchez, autor del curtíu n’asturianu ‘7337’, yá recaudó 5,9 millones d’euros, lo que la convierte na película española más taquillera nel so estrenu de 2007, y la segunda de la hestoria, dempués de “Torrente 3″.

La película ta agora na carrera a los Oscar y llama l’atención la participación de dalgunos actores asturianos, como’l perconocíu Lluis Antón González. Precisamente a esti últimu va entrevistalu Inaciu Galán nel espaciu ‘Falando d’Asturies’ de la Cadena Ser, esti sábadu a partir de la una la tarde. Una entrevista na que va cuntar detalles del rodaxe de la película del momentu y de la so participación na mesma.

A partir de les 19:0 hores el centru munipal de El Llano en Xixón va acoyer la proyección de la película “La verdad sobre el caso Savolta” dirixida en 1978 por Antonio Drove n’adaptación de la novele homónima d’Eduardo Mendoza. Le entrada ye de baldre hasta completar l’aforu.

“La verdad sobre el caso Savolta” cunta cola interpretación de Jose Luis López Vazquez y narra les lluches ente los trabayadores anarquistes y los dueños d’una ábrica d’armes.

Continua la proyección de curtios del certame Art Nalón cola esibición de les obres: “Dolly”, de David Pinillos; “Y tú, ¿cómo lo ves?”, de Lucía Menendez; “Mensajes de voz”, de Fernando Franco; “Changes”, de Daniel Martínez Lara y “Catharsis”, de Daniel Chamorro. Los pases escomenzarán esta nueche a partir de les 20:00 hores nel cine Felgueroso de Sama.

La prósima sesión va cellebrase’l vienres cola esibición de los curtiumetraxes: “Huída”, d’Adriana Franco; “La falta que me carta”, de Mario Fernández-Tardón; “Tadeo Jones y el sótano maldito”, d’Enrique Gato; “Escucha”, d’Isaac Bazán Escobar; y “Bichos raros”, d’Alegría Collantes y Estíbaliz Burgaleta.

“La vida secreta de las palabras” y “Por rumbas y a lo loco” son les propuestes cinemátográfiques d’esti día nos centros municipales de Xixón. A les 19:30 el centru de El Coto acueye la obra de Martha Coolidge “Por rumbas y a lo loco” y a le mesma hora tamien se va proyectar nel Ateneu de La Calzada, “La vida secreta de las palabras”, de Isabel Coixet. Los dos pases van ser con entrada llibre hasta completar l’aforu.

“La vida secreta de las palabras” (2005) de la catalana Isabel Coixet cunta cola interpretación de Javier Cámara, Tim Robbins y Sarah Polley ente otros y narra la historia de tres personaxes que viven aislaos del mundiu nuna platamorma petrolífera nel mar.

“Por rumbas y a lo loco” ta dirixida por Martha Coolidge y ye una de la lexendaria pareya d’actores Jack Lemmon y Walter Matthau. Ambos viaxen nun trasatlánticu col enfotu d’estafar a les muyeres viudes del pasaxe faciendose pasar por acompañantes de baille.