Cine

“A golpe de tacón”, curtiu dirixíu por Amanda Castro y protagonizáu por Cristina Marcos, Ponce de León, Fernando Andina y Luis Callejo alredor del papel que xugaron les muyeres durante la fuelga minera de 1962, va participar na Selmana Internacional de Cine de Valladolid, qu’esti añu cumple la so edición númberu 52. L’estrenu de la cinta va ser el miercoles 31 d’ochobre.

La película bebe de les fuentes de dos lluchadores antfranquistes: Anita Sirgo y Constantina Perez, que sufrieron tortures y represión durante la fuelga del 62. Esta obra ta fecha en collaboración cola Fundación Juan Muñiz Zapico, la Secretaría de la Muyer de CC.OO. d’Asturies, la Federación Minerometalúrxica de CC.OO. d’Asturies y la Federación de Pensionistes y Xubilaos de CC.OO. Tamiñen participen el l Ministeriu de Cultura, l’Institutu de la Muyer, la Conseyería de Cultura, la Fundación Rosa Luxemburgo y dellos ayuntamientos asturianos.

“Resistencia”, la película de la directora llangreana Lucinda Torre sobro’l conflictu de los trabayadores de Duro Felguera, abrió esti vienres el ciclu «DocumentaLlangréu», una amuesa del cine de non ficción que se va desendolcar ará durante’l mes de payares nel recuperáu cine Felgueroso de Sama.

La primer edición de “DocumentaLlangréu” va presentar cincu películes que se tienen de proyectar cada viernes del payares (a les 20.00 horas) nel cine Felgueroso de Sama, cola programación que vien darréu:

l «Resistencia», de Lucinda Torre. 2 de noviembre. l «Las alas de la vida», de Antoni P. Canet. 9 de noviembre. l «En el hoyo», de Juan Carlos Rulfo. 16 de noviembre. l «La pesadilla de Darwin», de Hubert Sauper. 23 de noviembre. l «Llach: la revolta permanent», de Lluis Danès. 30 de noviembre.

“La vida de nadie”, ópera prima del director español Eduard Cortes, ye la propuesta cinematográfica pa esti día nel centru municipal integráu de El Llano en Xixón dientro del ciclu “Recuperando la memoria histórica”. El pase va entamar a les 19:00 hores y la entrada ye de baldre y llibre hasta completar l’aforu.

La cinta cunta cola interpretación de Jose Coronado y Adriana Ozores pa componer el retratu d’un home d’esitu que ve como la so vida cambia de rumbu. Ta basada nel casu real de Jean-Claude Romand, que en 1993 asesinó a la so familia a la que tuvo engañada durante dieciocho años diciendo-yos que yera un prestixosu medicu.

“Nasija”, del director canariu Guillermo Ríos fui la cinta ganadora del Certame Internacional de Cortometraxes “Art Nalón” d’esti añu. El xuraú del festival entregó’l galardón al cineasta y un premiu de 2000 euros nuna ceremonia que se cellebró’l pasáu vienres nel cine Felgueroso de Sama. “Tadeo Jones y el sótano maldito” de Enrique Gato algamó’l premiu al meyor curtiu d’animación. Otres obres premiaes fueron “Y tú, cómo lo ves?” de Lucía Mnendez y “Bichos raros” de Alegría Collantes que recibió’l premiu del públicu.

«Nasija», ye un drama que narra la vida de una subsahariana condenada a morir lapidada. El curtiu relata el maltratu al que ye sometía la muyer en delles culturas. La obra, rodada en Tenerife, cunta cola participación de Guillermo Ríos na dirección y guión; Roberto Ríos como director de fotografía y cámara; Carlos Sáenz na dirección artística; Santiago Ríos na producción, Teodoro Ríos na producción executiva y Mento como autores de la música, inspirada nos sones del África Subsahariana.

Esti miércoles 31 d’Ochobre va presentase na LII Semana Internacional de Cine de Valladolid (Seminci) el filme “A golpe de tacón”, curtiumetraxe de la directora asturiana Amanda Castro que revisa’l papel de les muyeres na fuelga minera de 1962 a partir de les vivencies de les llangreanes Anita Sirgo y la fallecía Constantina Pérez, “Tina la de La Xuécara”, que foron deteníes y torturaes durante los episodios del 1962 .

“A golpe de tacón”, que ta protagonizáu por Cristina Marcos, Lola Herrera, Belén Ponce de León, Fernando Andina y el llangreanu Fran Sariego, va proyectase na nueche del miércoles en Teatru Calderón de Valladolid y al día siguiente nel cine Casablanca, dientro de la “La noche del corto español”

Esti curtiumetraxe, rodáu principalmente en Llangréu y Santa Cruz de Mieres foi realizáu a partir d’un guión del periodista entreguín Pedro Alberto Marcos, que tamién foi l’autor del testu del primer trabayu cinematográficu d’Amanda Castro “Tierra de guerrilleros”.

Güei a les ocho la tarde, na Biblioteca Pública de Salinas, nel conceyu de Castrillón, va presentase’l curtiu en llingua asturiana ‘Chalaneru’, una obra de ficción ambientada na revolución d’ochobre del 34 n’Asturies. ‘Chalaneru’ tien guión de David Álvarez y la dirección corrió a cargu de David Rodríguez.

La película rodóse en Piarnu, nel mesmu conceyu onde se presenta, y El Molín del Puirtu, en Gozón. Participen nel curtiu actores como Lluis Antón González, que participó en películes como ‘Carne de gallina’ o ‘El Orfanato’, Xuacu Carballido y Juan Blanco.

Esti domingu a partir de les 20:00 hores el Teatru Filarmónica acueye la presentaciónde la nueva película de Gonzalo Suárez “Oviedo Express”. Al actu, que va sirvir pa comentar dellos aspectos del film enantes de la so proyección, van asistir el propiu director los actores participantes na mesma, Aitana Sánchez-Gijón, Carmelo Gómez, Bárbara Goneaga y Alberto Jimenez.

“Oviedo Express”, que ta subvencionada pol Ayuntamientu d’Uvieu, va poder ser disfrutada por 300 persones que durante tola selmana recoyeron les invitaciones que l’Ayuntamientu repartio de baldre.

Continuen les esibiciones cinematográfices nos centros municipales de Xión, nesta ocasión nel centru municipal de El Coto, cola proyección de la cinta “La duquesa y el truhan” rodada en 1976 pol cineasta norteamericanu Melvin Frank. Esta comedia cunta nel repartu coles actusciones de Goldia Hewn y Geroge Seagal.

“La duquesa y el truhan” ye una parodia del xeneru western na que George Seagal interpreta a un xugador que quier conservar los cuarenta mil dólares que-yos robó a un grupu de lladrones, y la duquesa, Goldie Hawn, ye una cantante de taberna que se quier convertise una verdadera dama. La cita ye a les 19:30 y la entrada de baldre hasta completar l’aforu.

El Ateneu de La Calzada continúa col ciclu de cine “En femenino”, empobináu a la producción cinematográfica de mujeres directores, con la proyección de la película “El silencio del agua”, dirixida por Sabiha Sumar. El pase entama a ales 19:30 hores y la entrada ye de baldre hasta completar l’aforu.

“El silencio del agua” ye una coproducción ente Francia, Alemania y Pakistán rodada por Sabiha Sumar en 2003. La cinta cunta la historia dramática de Aïcha, una muyer viuda de 40 años que ve como’l so fiu Salim va convirtiendose nun fundamentalista musulman. La ficción, basada nun fechu real, trescurre durante’l golpe d’Estáu del xeneral Zia nel Pakistan de 1979.

El director del Institutu Asturianu de la Mocedá, Guillermo Martínez Suárez presentó ayeri’l premiu “Nuevos Realizadores del Principáu d’Asturies 2007” empobináu a favorecer la producción de curtiometraxes nel Principáu d’Asturies. El premio parte con una dotación en premios de 26.000 euros pal anador y 14.000 pal segundu clasificáu.

“Dende l’entamu vamos siguir trabayando nel apoyu a los nuevos realizadores”, manifestó’l responsable del Institutu Asturianu de la Mocedá. Guillermo Martínez tambien adelantó que nos próximos díes la conseyera de Cultura va presentar el calendariu de la Film Comission: el muerganu que va velar por favorecer el rodaje de productos audiovisuales n’Asturies.

El plazu pa presentar les obres al concursu fina’l 30 d’ochobre siendo necesariu que los curtios nun superen los 25 minutos de duración que los realizadores nun se presentaren previamente a esti galardón. El xuráu va pronunciar el fallu sobre’l ganador durante la cellebración del Festival de Cine de Xixón.