Cine “Al servicio de las damas”, una sátira sobre l’alta sociedá americana, pue vese güei nel centru de El Coto en Xixón by asturnet 12 d'avientu, 2007 El Salón d’actos del Centru Municipal Integráu de El Coto, en Xixón agospia güei la proyección de la película “Al servicio de las damas”, del director Gregory La Cava. El pase, organizáu pola Fundación Municipal de Cultura, Educación y Universidad Popular de Xixón dientru del ciclu cinematográficu sobre la comedia, va escomenzar a les 19:30 hores y la entrada al mesmu va ser de baldre y llibre hasta enllenar la sala. “Al servicio de las damas”, estrenada en 1936, ye una sátira perinxeniosa de l’alta sociedá americana, a mediu camin ente’l cine ya’l teatru clásicu de variedaes. Cunta coles interpretaciónes de William Powell, Carole Lombard, Gail Patrick, Alice Brandy, Eugene Palette. 12 d'avientu, 2007 0 FacebookTwitterPinterestEmail
Cine Abiertul plazu del concursu Nun nos cuentes películas. Failes by asturnet 11 d'avientu, 2007 El Conseyu de la Mocedá del Principáu d´Asturies, el Festival Internacional de Cine de Xixón y la Ciudá Tecnolóxica Valnalón, col patrocinio de Telecable, entamen otra edición del concursu de mozos y moces productores cinematográfiques ´Nun mos cuentes películes, ¡¡failes!!´. El proyeutu pretende fomentar la capacidá d´iniciativa, la creatividá, el trabayu n´equipu y l´espiritu emprendedor ente la mocedá asturiana. Siguiendo les directrices de la Unión Europea escoyóse´l cine como representante d´una industria creativa na que los y les xóvenes puen facer la transición de participar como consumidores a tresformase en profesionales del sector. La modalidá escoyida ye´l documental. Los y les participantes deberán presentar proyeutos baxo´l prisma de la realidá de los xóvenes y el so entornu. Los proyeutos ganadores tendrán como premiu la realización d´un documental. La edá pa participar ye de 16 a 26 años El plazu de presentación de los proyeutos acaba´l 31 de mayu de 2008. Fiches dinscripción, bases y otres pistes na web del Conseyu de la Mocedá del Principáu. Bases completes del concursu 11 d'avientu, 2007 0 FacebookTwitterPinterestEmail
Cine La FNAC de Siero esibe la película “Todos somos uno” del director Ward Powers by asturnet 11 d'avientu, 2007 El Fórum de la FNAC, nel Centru Comercial Parque Principado de Siero, continua cola so politica d’esibición de películes en versión orixinal subtitulada col pase de “Todos somos uno (One)” del director Ward Powers, a partir de les 19:00 hores cola entrada a la sala de baldre y llibre hasta completar l’aforu. One ye la hestoria d’un padre de familia americanu que decide entemar a rodar la so propia película sobre les 20 coses más trascendentes de la vida. Merca una videocámara dixital y xunto cola muyer y dos collacios entamen un viaxe pa conocer les rempuestes nes boques de los líderes espirituales, autores, maestros e iconos más representativos de la so epoca. 11 d'avientu, 2007 0 FacebookTwitterPinterestEmail
Cine La Guerra les Galaxes, Lo quel vientu llevó y otres películes hestóriques tán yá n’asturianu by asturnet 10 d'avientu, 2007 Mientres la TPA sigue arrequexando lasturianu en cerca del 1% de la programación selmanal, partículares siguen faciendo trabayos que, con pocos medios, amuesen lo fácil que diba ser pal Ente de Comunicación del Principáu dAsturies doblar películes y series pa emitilos pela canal autonómica. Nesta ocasión son cachinos de películes clásiques como Pulp Fiction o Lo quel vientu llevó. Momentos inolvidables del cine quagora pueden vese nasturianu, gracies al trabayu desinteresáu de dos dobladores asturianos. La esperiencia nun ye la primera que se cuelga ninternet. Y ye que va unos meses dobláronse cachinos de películes de Disney como El Rei Lleón o Atopando a Nemo. Amás, han recordase esperiencies como la del doblaxe dEl barcu dIyán, una serie anglosaxona que foi doblada por TeleAsturias va dellos años y que tuvo unos bonos resultaos daudiencia. Directivos del Ente de Comunicación del Principáu dAsturies anunciaben va meses la so intención dabrir una escuela de doblaxe venceyada a la canal, pero pel momentu, eses declaraciones quedaron en nada. Dende agora, y gracies a esta pequeña amuesa del meyor cine fechu nel sieglu venti yá ye posible sentir a Darth Vader dici-y a Obi-Wan yo soi to pá o a Scarlett O’Hara xurando ¡A Dios pongo por testigu, a Dios pongo por testigu, de que nun van aplastame, voi vivir per enriba de too y cuando esto fine, nunca sabré lo que ye la fame, non, nin yo nin los míos, anque tenga questafar, robar o martar, a Dios pongo por testigu de quenxamás voi pasar fame!. Amás apaecen tamién nel vidiu Blade Runer, Los otros, Ye una vida maraviyosa, La Princesa Novia, Harry Potter y la Piedra Filosofal, L’abogáu del Diañu, Quién engañó a Roger Rabitt, Matrix y Pulp Fiction. Más películes doblaes al asturianu 10 d'avientu, 2007 0 FacebookTwitterPinterestEmail
Cine La Filmoteca d’Asturies continua col ciclu alredor de la obra de los Hnos. Marx by asturnet 10 d'avientu, 2007 Groucho Marx, cola sempiterna compañía de los sos hermanos Harpo y Chico, ye nesta ocasión un detective que cudia de la seguridá d’unos grandes almacenes na que foi la última película de los cómicos cola Metro-Goldwyn-Mayer y tamien la última comedia na que participó Margarett Dummont. El pase de la cinta va entamar esti llunes a les 20:30 hores, nel Teatru Filarmónica d’Uvieu y con entrada llibre. Esti pase ta organizáu, como davezu, pola Filmoteca d’Asturies en collaboración col Conceyu d’Uvieu. 10 d'avientu, 2007 0 FacebookTwitterPinterestEmail
Cine FNAC proyecta güei dos películes, una en Siero y otra nel Sonotone de Xixón by asturnet 10 d'avientu, 2007 Los responsables de la programación cultural de la FNAC n’Asturies tienen programao pa esti llunes 10 d’avientu el pase de dos películes, una nel Fórum de la tienda nel centru comercial Parque Principado de Siero y la otra nel Cafe Sonotone de Xixón. La primer cita ye a les 19:00 hores en Siero cola proyección de Darshan, el abrazo (Darshan, L etreinte) del director Jan Kounen. Esta cinta cinta la hestoria de un de los viaxes pola India de la santa Amma, conocía mundialmente pola so llabor caritativa. La segunda citra ye a les 21:00 hores nel Cafe Sonotone de Xixón cola esibición del documental “Celebration of blues”, rodaxe que fizo’l director Antoine Fuqua del conciertu que se cellebró nel New York City’s Radio City Music Hall, axuntando a los meyores músicos del blues actual con collaboraciones d’artistes como Steve Tyler, Macy Gray o Solomon Burke. 10 d'avientu, 2007 0 FacebookTwitterPinterestEmail
Cine Avilés acueye un festival sobre surf organizáu pola asociación Artículo20 by asturnet 7 d'avientu, 2007 L’asociación cultural Articulo 20 d’Aviles organiza pa esti xueves 7 d’avientu la primer edición de Surfilm Cinefest, festival cinematográficu empobináu a difundir el legáu cultural que acompaña a la praútica del surf. De les 17:00 hores a les 22:00, la Casa de Cultura de la capital avilesina acoyerá delles proyecciones y una mesa redonda d’alderique sobre mediu ambiente y cambiu climáticu. La asistencia ye llibre y le entrada de baldre. Esta iniciativa de Art20 tamien cunta col sofitu nes llabores organizatives de la Conceyalía de Cultura del Ayuntamientu d’Aviles y los responsables del Surfilm Festibal de San Sebastián 7 d'avientu, 2007 0 FacebookTwitterPinterestEmail
Cine La Universidá espubliza’l guión de “La Torre de Suso”, del asturianu Tom Fernández by asturnet 5 d'avientu, 2007 La Uniniversidá d’Uvieu al travies del so serviciu d’espublizaciones ta acabante d’asoleyar el llibru que recueye’l guión cinematográficu de la película “La Torre de Suso”: obra del asturianu Tom Fernández. El volumen, de formatu bien cuidáu, incluí una introducción de la Profesora de Filoloxía Española Magdalena Cueto que foi maestra del director en dellos cursos de guión y creación cinematográfica na Universidá. Nel llibru tamien se recueye un testu del director cuntando’l procesu de creación de la película en toles vertientes de la obra, una serie de debuxos orixinales del storyboard del propiu Tom Fernández y una esbilla de les meyores semeyes de la película. 5 d'avientu, 2007 0 FacebookTwitterPinterestEmail
Cine FNAC proyecta esti xueves un documental sobre’l xenocidiu en Ruanda by asturnet 5 d'avientu, 2007 El civlu de documentales que tan esibiendo los responsables de programación del Fórum de la FNAC (Parque Principado en Siero) estos díes, van abordar el tema del xenocidiu en Ruanda na pasada decada de los 90 al travies de la obra “Shake hands with the devil. The journey of Romeo Dellaire” del director canadiense Peter Raymont. El pase va entamar esti xueves 6 d’avientu, a les 19:00 hores. Romeo Dallaire, protagonista del documental, yera’l teniente canadiense que tuvo al mandu de la misión de paz en Ruanda a les órdenes de les Naciones Xuníes. Dallaire escribió la so esperiencia nun llibru, que ye nel que se basa esti documental. La obra que esti xueves proyecta la FNAC algamó en 2005, el Premiu del Públicu al Meyor Documental Internacional nel Festival de Sundance. 5 d'avientu, 2007 0 FacebookTwitterPinterestEmail
Cine “Portman, a la sombra de Roberto” denuncia’l desaniciu ecolóxicu y económicu que se vive na costa murciana by asturnet 4 d'avientu, 2007 El Forum de FNAC, nel centru comercia Parque Principado de Siero, acueye esta tarde a les 19:00 hores la proyección del documental de Miguel Martí, Portman, a la sombra de Roberto. La cinta ye una denuncia de la situación grave de desaniciu mediuambiental que se vive nel pueblu de Portman, na bahía e Murcia. Esti trabayu foi presentáu na sección “Tiempo de historia” de la Selmana Internacional de Cine de Valladolid en 2001. La cinta ta centrada nel cierre del Lavaderu Roberto, un de los mayores por flotación del mundiu. Dende que la empresa Peñaroya ta instalada na bahía (llegó na metá de los 50) esta vive saturada con millones de tonelaes de residuos tóxicos procedentes del laváu del mineral. La situación ye más grave dende que en 1991 cerrara’l lavaderu xuntando al desastre ecolóxucu otru más grande económicu y social. 4 d'avientu, 2007 0 FacebookTwitterPinterestEmail