Tecnoloxía

L’Asociación Softastur va cellebrar el próximu vienres 16 de Xineru, dende les 17 hores, na Casa de la Cultura de Llangréu, allugada nes Escueles Dorado de Sama, una nueva Install party de la distribución Linux Ubuntu. L’enfotu ye instalar a tolos interesaos nel software llibre que nun tean conocimientos abondos el sistema operativu Ubuntu, fechu n’asturianu, nos sos ordenadores.

Softastur vien trabayando cuantayá na traducción de aplicaciones de Software Llibre a la Llingua Asturiana y ye la responsable de la traducción del navegador Mozilla ente otros. Los interesaos en participar tienen d’unvíar un corréu a ubuntizate@softastur.org, indicando el nome y apellíos, corréu electrónicu, una breve descripción del so equipu y preferencia de llingua d’instalación (castellanu/asturianu). Según los organizadores la instalación puede facese nuna nueva partición, colo que nun se tien de desaniciar nin renunciar al sistema operativu d’anguaño.

Un portal del Proyectu Gutenberg (PG) destináu a los E-book embaxo’l nome de PG Mobile va permitir a los usuarios de teléfonos móviles descargar y lleer llibros ellectrónicos ensin derechos d’autor. Los archivos tarán disponibles na páxina de descarga del portal del Proyectu Gutenberg y podrán llese gracies a un software pal móvil que traduz el testu ensin formatu proporcionáu pol Proyectu Gutenberg a pequeñes pantalles de teléfonu (coles característiques conociés de la llectura física, como pasar les páxines, los númberos de páxina y los marcadores al estilu de los PDF. Estos e-llibros tarán pronto disponibles pala descarga como un nuevu formato de archivu na seición de descargues de cada títulu. El software básase en JAVA pa poer emplegase en tolos teléfonos móviles con independencia del so ssitema operativu.

Esti xueves 20 de payares a las 19 hores, TeleCable presentaba na Casa de Cultura de Cangues d’Onis el so nuevu serviciu d‘accesu a Internet de Banda Ancha vía satélite, una tecnoloxía que permite cubrir les zones rurales d’Asturies qu’hasta agora nun teníen posibilidaes d’algamar una conexón a Internet de banda ancha.

Telecable presentó los dos servicios qu’ufre; el SAT Básicu (1MB/128Kb y el SAT Avanzáu (2Mb/384Kb). Amás pue disfrutase docho cuentes de corréu de 50Mb cada una y de 50Mb d’espaciu Web para poer allugar la so páxina web, conteníos para compartir, etc.

Hasta’l 30 d’Avientu hai vixente una ayuda a la instalación por parte del Gobiernu del PrincipÁU y en colLaboración con FENITEL que permitirá realizar la instalación básica del serviciu ensin coste d’alta ya instalación, por lo que namái se tien d’abonar les cuotes mensuales correspondientes al serviciu contratáu.

L’Asociación Softastur va cellebrar esti vienres 7 de Payares, dende les 17 hores nel Centru Polivalente de Candás, en conceyu Carreño, una Install party de la distribución Linux Ubuntu. L’enfotu ye instalar a tolos interesaos nel software llibre que nun tean conocimientos abondos el sistema operativu Ubuntu, fechu n’asturianu, nos sos ordenadores.

Softastur vien trabayando cuantayá na traducción de aplicaciones de Software Llibre a la Llingua Asturiana y ye la responsable de la traducción del navegador Mozilla ente otros.

Los interesaos en participar tienen d’unvíar un corréu a ubuntizate@softastur.com, indicando el nome y apellíos, corréu electrónicu, una breve descripción del to equipu y preferencia de llingua d’instalación (castellanu/asturianu).

Según los organizadores la instalación puede facese nuna nueva partición, colo que nun se tien de desaniciar nin renunciar al sistema operativu d’anguaño.

Según anunció estos díes la Directora de Cultura y Política Llingüística Consuelo Vega esti llunes 10, Asturies va celebrar una cita que ñaz con vocación añal “pa implicar na promoción de la llingua asturiana a sectores qu’hasta agora nun tán directamente comprometíos con esi oxetivu”. L’actu coincide cola celebración que fai la Unesco del Día Internacional de la Ciencia.

La cita va dedicase cada añu a un ciéntificu asturianu, que nesti casu va ser Agustín Pedrayes, el conocíu como Matemáticu Pedrayes. Esti llastrín ñacíu en 1744 participó de la creación, en París, del Sistema Métricu Internacional.

El Día de les Ciencies Asturies va incluyir conferencies, materiales didácticos, actos en centros escolares y biblioteques, amás d’una esposición n’Uviéu y una publicación científica.

El Coleutivu Sofastur, qu’entamó cola versión n’asturianu de Mozilla 1.0, na que foi la segunda traducción espublizada d’esta suite d’aplicaciones d’internet (depués del chinu y l’inglés) cumplía esti 1 de Payares 5 años. El fechu de que n’esti añu s’algamara hai poco’l soporte definitivu pal asturianu en GNU/Linux, cola versión astur de la distro Ubuntu, el rescate de vieyos proyeutos bandera como Firefox o Abiword, conseguir escribir ḥ y ḷḷ dende’l tecláu y el soporte oficial en Gnome amuesen dafechu’l bon trabayu que desendolcare esti garapiellu de mozos averaos a la informática y esmolecíos pola normalización del asturianu nesta fastera.

5 años de Softastur

L’Asociación Softastur va cellebrar esti prósimu 7 de Payares, dende les 17 hores nel Centru Polivalente de Candás, en conceyu Carreño, una Install party de la distribución Linux Ubuntu. L’enfotu ye instalar a tolos interesaos nel software llibre que nun tean conocimientos abondos el sistema operativu Ubuntu, fechu n’asturianu, nos sos ordenadores.

Softastur vien trabayando cuantayá na traducción de aplicaciones de Software Llibre a la Llingua Asturiana y ye la responsable de la traducción del navegador Mozilla ente otros.

Los interesaos en participar tienen d’unvíar un corréu a ubuntizate@softastur.com, indicando el nome y apellíos, corréu electrónicu, una breve descripción del to equipu y preferencia de llingua d’instalación (castellanu/asturianu).

Según los organizadores la instalación puede facese nuna nueva partición, colo que nun se tien de desaniciar nin renunciar al sistema operativu d’anguaño.

Más información

Asturies va convertise durante dos díes en foru internacional pal análisis de los últimos avances en diseñu y desenrrollu web. El Congresu ‘Fundamentos Web’ celebra la so cuarta edición na que va xuntar nel Palaciu de Congresos de la Feria Internacional De Muestres d’Asturies en Xixón a cásique trescientos especialistes de dellos países del 27 al 28 d’ochobre.

Nestos caberos años, Fundamentos Web allugose como una les reuniones más atractivas pa los profesionales del sector al trayer a España a los cimeros expertos mundiales nesta materia. Na edición d’esti añu, va ufrise un homenaxe en recuerdu al fallecíu John Slatin, ún de los principales impulsores de l’accesibilidad web que participó nel congresu de 2005.

Programa de Fundamentos Web

Güei, martes 14 d’ochobre, l’Academia de la Llingua Asturiana va presentar, a les 12 hores, nel Hotel Principado d’Uviéu, el llibru “Terminoloxía d’Internet y d’interfaces pa programes informáticos en Llingua Asturiana”, que taeditáu pola propia institución en collaboración col Colexu d’Inxenieros Informáticos, faciendo’l númberu 5 de la coleición “Cartafueyos Normativos”.

Nel actu van intervenir la Presidenta de l’Academia de la Llingua Asturiana, Ana Mª Cano y el Decanu del Colexu d’Inxenieros Informáticos d’Asturies, David Melendi Palacio.

Esti trabayu ye, según l’ALLA, “un primer averamientu normativu al gran ámbitu comunicativu de les Nueves Teunoloxíes y constitúi una primer entrega de les adautaciones terminolóxiques que venía siendo reclamada polos usuarios del asturianu”. Una publicación que la institución académica “afitará ensin dulda la normalización del asturianu nesti terrén”.

El SIMO, la feria de informática y telecomunicaciones cimera d’España, vieno acabante dar anuncia del so pieslle esti añu, tres de confirmase que delles grandes empreses del sector nun diben acudir al evenuo.

La Feria de Madrid (IFEMA), onde taba previsto que se celebrara la 48ª edición del 11 al 16 de payares, dio anuncia que l’alcuentru quedaba aplazáu “sine die”.

Ente les compañíes que confirmaron nun dir taben les operadores Telefónica, Vodafone y Orange, amás de tecnolóxiques como Toshiba o Microsoft.