Plástiques

L’artista llavianes Fruela Alonso Blanco algamó’l primer premiu nel certame Nacional de Pintura “María Jose Jove-Artejoven” 2007 pola pintura “Ciudad III. Pripiat” que representa un paisaxe de Pripiat: la primer ciudá que recibió l’impactu radiactivu en Chernobil. El premiu, que organiza la fundación María Jose Jove ta dotáu con 6000 euros.

Fruela Alonso Blanco ñació en Llaviana en 1974 y ye llicenciáu en Belles Artes na Facultá de Pontevedra. Dende 2003 participa nel grupu d’investigación “Los componentes del procesu creativu: la so importancia y funcionamientu na producción d’obres artístiques” na mesma Facultá. Alonso tamien espuso parte de la so producción artística en La Felguera, nel el Centru Torrente Ballester de Ferrol y na Sala Alterarte del Campus d’Ourense ente otres sales del estáu.

Ta acabante d’escomenzar el plazu de presentación d’obres al Setimu Premiu de Pintura que’organiza la Xunta Xeneral del Principáu d’Asturies. El 16 de payares ye l’últimu día habil pa presentar los proyectos, que opten n’esta ocasión a un premiu económicu de 15.000 euros. A la final van pasar una esbilla d’obres compuesta por 20 trabayos que se van esponer nel edificiu de la Xunta Xeneral.

Al concursu puen presentase artistes de cualquier nacionalidá con pintures de temática y tecnica llibre. La Xunta amás del premiu y esibición de les obres ganadores tamien tien previsto reservar un fondu de 6.000 euros pa comprar les obres más interensantes de les que sepresenten al concursu. puen consultar.

Bases del concursu

Dende ayeri miercoles 24 ta disponible nel Museu de Belles Artes d’Asturies una amuesa de semeyes del fotógrafu asturianu Antonio Cores sobre’l pintor Antonio Picasso. Embaxo’l nome “Picasso visto por Antonio Cores. Historia y fotografías de un encuentro” el Belles Artes espón 13 semeyes feches por Cores durante l’alcuentru que tuvo col pinto malagueñu na casa d’esti en Mougins, Francia en 1966.

Les 13 semeyes pertenecen a una colección de 73 que según el Museu de Belles recuperáronse recientemente amestando asina al fotógrafu asturianu a la nómina de grandes fotógrafos que retrataron al artista malagueño.

Dende esti xueves y hasta’l prósimu día 28 de payares la Sala Borrón (Calvo Sotelo 5, Uvieu) va acoyer les obres seleccionaes na última edición de la Amuesa d’Artes Plástiques. A la inauguración de la esposición que va entamar a les 19:30 hores na mesma sala va asistir el Director Xeneral del Institutu Asturianu de la Mocedá, Guillermo Martínez.

El primer clasificáu nel “Premio Asturias Joven de Artes Plásticas”, fuí nesta ocasión el fotógrafu xixones Jose Jorge Nava Montes, que’alagamó el derechu a facer una amuesa individual na Sala Borrón durante 2008 y un premiu de 12.000 euros. Pal resto de seleccionaos el premiu en metálicu fuí de 5000 euros y la posibilidá de participar na amuesa qu’entama esti día.

A esta edición del Premiu presentáronse 57 trabayos de los que pasaron el corte el ganador Jose Jorge Nava Montes pola so obra fotográfica; Jorge Faes, Úrsula Faya, Virginia López y Sandra Paula Fernández, nel apartáu de pintura; Patricia Vázquez, n’escultura y Alicia Jimenez pol so trabayu de vídeo instalación.

Anque’l músicu Bob Dylan, Premiu Príncipe d’Asturies de les Artes 2007, ya disculpó estos díes el nun poder tar presente na entrega del gallardon, va pisar suelu asturianu en dálgún mou al travies de l’amuesa que’entama esta tarde (17:30) nos Xardines del Botánicu de Xixón na que’l fotógrafu Mark Edwards recueye embaxo’l títulu “Hard Rain” una esbilla de semeyes feches en más de 150 paises embaxo la imspiración de les lletres de Bob Dylan.

El canciu de Dylan “A hard rain’s a-gonna fall” ye’l filu conductor de toles semeyes que dende güei van tar espuestes nel Botánicu de Xixón. La lletra de la canción ye una denuncia escontra el desaniciu del ecosistema, la contaminación y el papel que xueguen los gobiernos na llucha escontra el deterioru del planeta. L’amuesa va tar disponible al públicu hasta’l prósimu 9 de payares.

La sala d’esposiciones del centru municipal de Contrueces en Xixón acueye dende esti día y hasta’l 2 de payares un amuesa de la obra pictórica del artista asturianu Jose Luis Trabanco. L’horariu de visites ye de 10:00 a 13:30 y de 17:30 a 20:30 hores.

Jose Luis Trabanco entamó a esperimentar cola pintura tres retirase por enfermedá del so trbayu na mina de La Camocha. La so pintura, al oleo, destaca pol usu de los motivos asturianos y afonda sobre manera na tradición de la nuesa rexón.

La exposición qu’arrecueye les obres del IV Premiu Internacional de Pintura de la Fundación Laboral de la Construcción (FLC) treslladose esti xueves 18 dende Uviéu a Xixón pa caltenese nel Centru Cultural Antiguu Institutu hasta’l 3 de payares. La exposición va viaxar depués a Avilés, del 7 de payares al 7 d’avientu, a Ribesella, del 12 d’avientu al 4 de xineru, y a L.luarca del 10 de xineru al 8 de febreru.

Nesti IV Premiu Internacional de Pintura de la Fundación Laboral de la Construcción la obra ganadora foi un cuadru de téunica mixta, acrílico y llinu, de Lisardo Menéndez Minas que lleva por títulu “Construir en el lugar del Fuego”. Esti cuadru xunta los que pasaron al fondo d’adquisición y qu’entamen esti vídiu de paséu pola exposición puen vese en Xixón estos díes. Les obres adquiríes pola Fundación foron les de Carolina Ferrer Juan, Mauricio Lanzillota y Pedro Osakar Olaiz.

El llunes inagurábase una esposición d’oleos de Violeta Sánchez Trejo na Estación de los ALSAS d’Uviéu. La esposición pue visitase hasta’l día 1 de payares n’horariu de tardes de 18 a 21 hores y sábados y domingos tol día. La muestra, entitulada ‘Amuesa serondiega’, recueye les últimes obres de l’autora pasando por delles fases dividíes en tres series por temática ya estilu diferente.

La propia artista comenta que “una d’elles ye más figurativa, siendo esti figurativismu mui personal, otra serie que tamién pue vese nomase ‘Degradaos’ y otra nomada ‘Presencies’, más concreta faciendo reflexón sobre les solombres y les presencies humanes dende la optica de la filosofía”.

L’artista quier con esta esposición, amás de dase a conocer, comunicar colos espectadores les sos sensaciones a partir de la observación del so entornu y en concretu de la naturaleza y diz que “La serie ‘Presencies’ ye más urbana mientres que les otres dos son más averaes a la natura”. Otru detalle de la obra d’esta artista ye que toles obres tán basaes n’esteriores.

Según comenta Sánchez Trejo “ye interesante esta esposición inda más pol llugar onde ta, una estación d’autobuses onde cientos de persones diaries pasen per ellí, caún cola so hestoria, el so orixen, pero atopandose nel mesmu llugar col mesmu fin, viaxar; igual que l’artista viaxa cola maxinación ya invita a estos viaxantes a que interactúen cola so obra nun exerciciu de comunicación y d’intercambiu d’esperiencies.

L’Alianza Francesa d’Uvieu reueye nos sos locales (Marques de Santa Cruz, 11) les meyores obres d’artistes nacíos na ciudá francesa de Clermont-Ferrand, hermanada con Uvieu. L’amuesa ta compuesta de semeyes y pintures d’artistes como’l pintor Fabien Harel y el fotógrafo Sran Frantz. La entrada ye de baldre y la esposición va tar abierta hasta’l 27 d’ochobre.

Clemont- Ferranmd, situada nel centru de Francia y capital de la rexón d’Auvernia ta hermanada con Uvieu dende 1988

Paco Gómez, Carlos Perez Siquier, Helena Almeida, Miguel Trillo, Chema Madoz y Xavier Ribas. Uvieu abre les puertes a la amuesa “Recorridos” que recuerre precisamente la obra fotográfica d’estos seis artistes. Más d’un cientu de semeyes son les que formen parte de la colección “Foto Colectania” y van tar disponibles al públicu na sala d’esposiciones del Banco Herrero dende güei.

La esposicion ta organizada en collaboración cola Conseyería de Cultura y a la so inauguración, que va ser esti día a les 19:30 hores va acudir el Presidente del Principáu d’Asturies, Vicente Álvarez Areces, el Director del Banco Herrero n’Asturies, Carlos Serrano, la Conseyera de Cultura y Turismu, Encarnación Rodríguez Cañas; y la Directora Xeneral de Promoción Cultural y Política Llingüística, Consuelo Vega Díaz.