Festival de Lorient

Facía 3 años que Capercaillie nun pasaben por Lorient y paez que foi ayeri cuando lo ficieron. La misma fuercia, la mesma calidá, la mesma intensidá y la mesma dedicación, con una plantel d’invitaos enforma interesante y un públicu que persabe agradecer detalles como los que se-y ufrieron na nueche del martes en Lorient, depués de que Corquiéu ficiera de aperitivu más qu’interesante.

Karen Matheson tornó a brillar cola so personalidá perconocida, pero los años nun pasen de baldre, magar la so voz siga como siempre. Donald Shaw sigue faciendo del curdión una caxa máxica y Charlie McKerron fai col vigulín lo que-y pete y mucho más si tien a los collacios de Session A9, ún de los grupos escoeces d’anguaño de mayor consideranza nel panorama musical, al llau.

Si amás cuntes cola fondura sonora de la gaita irlandesa o la flauta en si bemol de Michael McGoldrick detrás, maestru gaiteru y flautista autor de trabayos tan conocíos como ‘Fused’ y ‘Wired’, poco más se necesita pa facer feliz a un públicu volcáu que salta como llocu en cuantes que-y toques un reel.

Un conciertu de más d’una hora y media, con Corquiéu de teloneros, nun pue ser sinon una nueche inolvidable, como la fuere la del martes nel Espace Marine de Lorient.

Coles dos actuaciones que desenvolvieren esta selmana en Lorient, los ribeseyanos de Corquiéu ammuesaron la calidá del so direutu y encandilaron al públicu bretón ufriendo dos actuaciones perfeches nes que nun faltaron l’alcordanza de Carlos ya Igor y el bon humor.

Corquiéu ufrió en Lorient un repertoriu que tien enforma trabayáu, colos sos cancios más conocíos, ensin afondar nos que presentare esti añu col so nuevu discu.

La brillante ganadora del McCrimmon de Gaita del 40 Festival de Lorient, l’asturiana Andrtea Joglar, nun pudo recoyer na nueche del domingu’l so premiu por tener a la mesma hora una actuación col Grupu Fantasma que sostituía nel Espace Marine al aplazáu conciertu de Luz Casal. La primer muyer que gana’l troféu de Gaita del festival pa solistes de gaita asturiana y gallega tuvo de ser sostituida na entrega de premios pol so hermanu Rodrigo Joglar que recoyera tamién el tercer premiu del concursu.

El célebre grupu asturianu de folk-fusión La Col.la Propinde, presentaba esti vienres 6 d’agostu, el so tercer trabayu discográficu, “A Teyavana” nel Festival de Lorient, nun conciertu qu’enllenó l’Espace Bretagne y que sirvió pa qu’arrancare la programación de conciertos del Festival qu’esti añu cumple los 40.

L’actuación amuesó l’esp´çiritu del discu, qu’inclúi doce cantares qu’amiesten la composición propia cola reellaboración tradicional, lo que supo agradecer el públicu bretón, volcáu dafechu cola formación que se ficiere popular n’España cola so participación na banda sonora de la serie d’Antena 3 “Doctor Mateo”.

Con un directu mui vivu y consistente los músicos asturianos ficieron buenu’l títulu del discu caberu faciendo suañar al puiblicu “a teyavana”, a cielu raso ente téxasles.

Sigue’l Festival de Lorient 2010

Rodrigo Joglar entamó con una afinada interpretación la participación de los cuatro gaiteros que representen a Asturies nel Troféu Mc Crimmon pa solistas de Gaita del Festival de Lorient. La so interpretación de la pieza bretona alzose penrriba de la que fizo’l gaiteru gallegu que lu siguió nel escenario, Pablo Dalama, y aportó cásique a la perfección ña interpretación de la pieza asturiana que fizo con una mayestriía propia de gaiteros más veteranos como Rubén Alba que lu sigue ña competición.

Rodrigo Joglar ten de competir nesti Troféu cola so hermana Andrea, que sedrá la última de los asturianos en participar.

El gaiteru de la Banda Ciudá d’Uviéu ta faciendo caltener la emoción d’un concursu Mc Crimmon que se Páez presentar como ún de los más competíos de los cañeros años, depués de les tres primer e interpretaciones.

Depués d’una pieza bretona interpretada con procuru y atención Jesús arriesgó más cola pieza gallega del repertorio qu’escoyera y finó cola interpretación asturiana, con cambiu de gaita incluyíu, del Floreáu de Remes entemecíu cola Jota de Centro.

L’otru Jesús, elgallegu Jesús Sánchez izo también una actuación que fai pensar no difícil que va ser el labor del xuráu, matar nun caltuviere’l nivel d’execución qu’amosara Rodrigo Joglar nel aniciu del Concursu.

Rubén Alba punxo la diferencia nel Mc Crimmon amosando lo granibles que son 10 años concursando en Lorient y lo mucho que dan dos Trofeos Macallan y tres victories nel Remis Ovalle. La cálida interpretativa de Alba ta nun nivel tan altu que ye bien difícil que se-y escape’l tercer Mc Crimmon, si nun fuere porque les formes de puntuación de los curaos d’esti tipu de concursos sobrepasen davezu la subxetividá pa allegase nun tarrén enferma complicáu de desplicar al profanu, ya inclusu al especialista.

En tou casu, salvo una interpretación desaxeradamente espectacular d’Andrea Joglar, que tien teúnica pa ello y experiencia magar la so mocedá, Alba tendría de pelear Pol Mc Crimmon col caberu intérprete gallegu, depués de que’l profesor de gaita del Centru Gallegu de Barcelona, Raúl Lacilla, ficiera una bona interpretación, con tres agites estremaes, una pa cada pieza diferente, pero lloñe del altor al qu’esti sábado en Lorient llevó otra vuelta Rubén Alba a la gaita asturiana cola que tocó también la pieza bretona y la gallega.

Andrea Joglar cumplió pa coles espeutatives que se punxeren nella y cuajo una actuación como nun se veía en Lorient desde les dómines nes que Tejedor ablucaba a los más veteranos cola so primer participación nel Macallan siendo entá un neñu.

Si nesti 2010 nun tuviera de competir cola técnica y la veteranía de Rubén Alba, Andrea sedría nesti 2010 la primer muyer n’algamar el McCrimmon.

Andrea Joglar convirtióse esti sábado 7 d’agostu de 2010 na primer muyer que gana’l troféu pa solistes de gaita asturiana y gallega del festival, que lleva dende va unos años el nome de Mc Crimmon y qu’hai tiempo se nomara Macallan. Andrea algamó’l Troféu nuna dura competencia col veteranu Rubén Alba qu’amuesó una perfeición téunica inigualable, pero la espontaneidá que xune la gaitera asturiana a la so indudable calidá téúnica inclinó la balanza del xuráu a la so parte, penrriba también del so hermanu Rodrigo Joglar que quedó clasificáu en tercer llugar nel concursu de Lorient.

Como yera d’esperar, Asturies algamó’l Troféu McCrimmon de 2010 de la man d’Andrea Joglar, que cuayó una perbona actuación, de magar lo valoratible d’un de mocedá pero también d’una calidá como nun había tiempo que se sintiera en Lorient.

El segundu lugar algamolu Rubén Alba que se viera perxudicáu como dellos otros años pol formatu de xuráu del Concursu, lo que tampoco nun-y quita méritu a Andrea. Y el terceru foi pal asturianu Rodrigo Joglar. En cuartu llugar quedara clasificáu Pablo Dalama, mentantu que la quinta posición foi pa l’asturianu Jesús Fernández. Nos puestos restantes clasificáronse los siguientes gaiteros nesta posición: Jesús Sánchez, sestu, Raúl Lacilla, séptimu, y Bras García, octavu.

El conceyal de Cultura del Ayuntamientu d’Avilés, Román Antonio Álvarez, y el Direutor del Festival de Lorient, Lisardo Lombardía caltuvieron el domingu en Lorient una xunta na que apautaron una llínia de collaboración que cristalizará na edición del añu entrante y qu’afitará’l trabayu en rede pol que puxen los dos proyeutos.

El festival Avilesín ya dexó nidio na so primer edición esti añu que quier adientrase en estayes internacionales nidiamente y trabayar en rede con otros festivales. La collaboración afitaráse nun conveniu que tendrá de firmase más alatantre y que dirá desendolcándose pasu ente pasu.