Escéniques

El Teatru Toreno de Cangas del Narcea acueye esti miércoles 14 l’estrenu de la obra “Derrabe” de Javier Villanueva a cargu de la compañía llangreana Kumen Teatru. Un accidente mineru ye’l filu conductor d’esti drama que na so puesta n’escena cuenta col acompañamientu musical de la Orquesta de Cámara del Conservatoriu del Nalón.

La trama d’esti testu de Javier Villanueva asítiase nel interior d’un pozu, onde s’asiste a los últimos minutos d’un ayudante mineru que acaba de sufrir un accidente por esplosión de grisú. El mineru col que trabaya acompáñalu, estableciéndose ente ellos una relación tremendamente emotiva, qu’apurre un dramatismu ya intensidá especial a la obra.

L’estrenu de “Derrabe” ye esti miércoles 14 a les 20.30 nel Teatru Toreno y les entraes pa la representación tán ya a la venta a un preciu de 3,25 euros.

El XV Salón de teatru costumista asturianu de Candás cellebra güei, a partir de les once la nueche, una función especial dedicada a los monologuistes. Pel escenariu del Teatru Prendes pasarán esta nueche Luz Mari del Sol, Min de les Pieces, Carlos Alba «Cellero» y Joaquín Llorís «El Alcalde», nuna función presentada por Julio Cesar Baragaño, na que va facese-y un homenaxe a Arsenio González.

A lo llargo de tola selmana van continuar les actuaciones del XV Salón de Teatru costumista asturianu. Pa mañana martes, a les onde la nueche, ta programada l’actuación de la compañía mierense ‘N’alpargates y orbayando’ que va representar ‘El cantar de los pipiolos’.

El miercoles l’Asociación Cultural El Hórreo, de Barcia-L.luarca, xubirá al escenariu «La herencia del tíu», mentes que’l xueves y el vienres los encargaos d’enllenar el teatru candasín van ser los actores de la Compañía Asturiana de Comedies, a la que pertenez Arsenio González, y que van llevar les sos obres ‘Los carromateros’ y ‘Interdictu o pleitín d’aldea’, depues del so esitu nel Teatru Xovellanos de Xixón.

El sábadu va actuar el grupu«Xana» de Perlora cola obra «Los homes en carne (lo que traxo la mar». Y el domingu, día de clausura d’esti ciclu, va facese la entrega de los premios «Aurora Sánchez» de teatru costumista.

La muestra de teatru de Llugones, una de les más importantes d’Asturies, entama esti vienres la so XIX edición col estrenu d’’Iberia’, de Teatru del Norte. Nestes xornaes, que van durar hasta’l día 26, participarán dalgunes de les meyores compañíes de teatru asturianes, como Margen, Factoría Norte y Higienico Papel Teatro, amás de Teatro del Norte.

El Patronatu Municipal de Cultura de Siero, en collaboración cola Conseyería de Cultura, entama estes xornaes qu’empiecen el prósimu vienres 19 d’agostu y van durar hasta’l 26.

La Casa Cultura de la localidá sierense va acoyer l’estrenu d’’Iberia’, de Teatro del Norte, que pretende ser la segunda parte de la triloxía teatral qu’Etelvino Vázquez empezó con ‘Pasajero de las sombras’. Amás d’esta obra, esta compañía va representar ‘El viejo celoso’ de Cervantes, qu’estrenó nel Campoamor nel pasáu mes d’abril.

El martes el grupu de Teatro Ningures, lleva a escena ‘Tartufo’ de Moliere. Y el miercoles, la compañía Margen va representar ‘Xulia’ de Strindberg.

El xueves, Higienico Papel torna con ‘Shower Power, A la ducha!’; y el viernes, pa terminar, Factoría Norte representará la obra infantil ‘Son-nidos’ a les siete la tarde.

La compañía asturiana de teatru ‘Producciones Nun Tris S.L.’ entama’l prósimu 21 d’agostu una xira col so nuevu espectáculu ‘Albentestate’ que los va llevar otra vuelta pelos escenarios d’Uruguay y l’Arxentina hasta’l 12 de setiembre.

Depues del esitu que tuvieron al otru llau del charcu cola xira de ‘K.’, una versión de la obra ‘El proceso’ de Franz Kafka, cola que foron premiaos como meyor grupu estranxeru en Buenos Aires, la compañía Nun Tris vuelve a percorrer los escenarios uruguayos y arxentinos con un nuevu espectáculu: ‘Albentestate’.

Esta obra, estrenada’l pasáu mes de febreru nel Teatru de La Felguera (Llangreu), ye una adaptación d’‘Antígona’, dirixía por Ingrid López y Harold Zúñiga. ‘Albentestate’ ye la historia d’una moza, Alben, versión d’Antígona, na que se xuega cola maxa del ritu, la plástica visual del cuerpu los actores, la so espresividá y la fuerza d’un clásicu como ye ‘Antígona’.

El montaxe va tar en Buenos Aires los díes 25, 26 y 27 d’agostu, pa llegar depues a Rosario (el 31), a Campana (el 2 de setiembre), Paysandú – Uruguay (el 4), Flores (el día 6), San Jose (el 7) y, finalmente, los díes 9 y 10 en Montevideo.

Los actores que formen parte del repartu d’esta obra son Carmen Sandoval, Nieves Fernández, Arantzazu Fernández Ramos, Pablo Lomba Fernández, Nacho Quevedo y Toño Caamaño

Producciones Nun Tris

Una asociación formada por setenta y cuatro titulaos del ITAE, faen un llamamientu a ‘la Conseyería d’Educación y Cultura, a partidos políticos y organismos competentes’ pa que apoyen la so demanda d’homologación, convocalidación o habilitación profesional, cuyu decretu d’estinción foi publicáu’l pasáu 25 de xunu.

Sigún l’asociación, la non oficialidá del títulu ta dificultando-yos y impidiendo-yos trabajar como actores o como profesores na Escuela Superior d’Arte Dramáticu. El fechu agrávase, declaren, ‘nos casos de profesionales de cierta edá, con families y una llarga esperiencia’.
L’actor Toño Caamaño, denuncia que ‘ta dándose la circunstancia absurda de que tenemos fecho cursos de quince díes de maquillaxe y peluquería que tienen más valor oficial que los cuatro años d’estudios que fiximos equí’.

Por esta razón, critiquen la ‘pasividá’ de l’Alministración na solución del so problema, oficializando los sos títulos, ‘disponiendo como dispón de toles competencias pa resolvelo’.

Toes estes crítiques y demanda esponles l’asociación nun escritu de petición dirixíu a la Dirección Xeneral de Planificación, Centros y Infrastructures y al Serviciu d’Enseñances Artístiques.

La compañía asturiana Nun Tris presenta esta tarde nos Xardines de la Reina de Xixón el so espectáculu de cai Super 8. L’actuación enmárcase dientro la programación del ciclu braniegu A Ver la Ballena qu’organiza l’Autoridá Portuaria. La función escomienza a les 19,30 hores,

Un disparatáu equipu de filmación acaba de llegar a la ciudá pa rodar la película más esperada de la temporada. La música y los malabares, xunto a la participación del públicu farán posible esta gran superproducción de la Compañía Nun Tris.

Mañana sábadu a la mesma hora nos Xardines de la Reina lléga-y el turnu a Miss Vero, premiu a la meyor primer actriz individual na última Feria de Teatru de Valladolid. Miss Vero va poner n’escena’l so espectáculu “La guardiana de la risa”.

La programación d’actividaes braniegues de l’Autoridá Portuaria de Xixón A Ver la Ballena siguen esta nueche cola actuación de Kamante Teatro cola obra “¡Glup! Mil rayas”. Mañana viernes va ser la compañía Nun Tris la que ponga n’escena el so montaxe “Super 8”.

Miss Vero va tar nel escenariu d’A Ver la Ballena el sábadu 13 cola obra “La Guardiana de la risa”. Toles actuaciones empiecen a les 19,30 nos Xardines de la Reina del Muelle de Fomentu.

La Compañía Asturiana de Comedies estrena güei’l so nuevu espectáculu “Interditu” o “Pleitín de aldea”. Esta obra, de la que ye autor Jose María Malgor, va representase nos díes 5, 6 y 7 d’agostu a les ocho y media la tarde nel Teatru Xovellanos de Xixón.

La veterana compañía teatral, con casi cien años nes tables, ta dirixida pol que ye’l so director dende mediaos de los ochenta, Eladio Sánchez, que se fai cargu tamien de la escenografía y del montaxe. Mentes que los actores que participen nesta obra son: Pili Ibaseta, Arsenio González, Eladio Sánchez, Josefina García, Norberto Sánchez, Armando Felgueroso, Mª Luisa Argüelles, Belen Sánchez, Avelino Arias, Manuel Aller, Mar Buelga y J. ManuelGonzález.

El preciu de les entraes ye de 9 euros la butaca y 6 nel entresuelu.

Web del Teatru Xovellanos

Les nueves representaciones van entamase los díes 13, 20 y 27 d’agostu y les localidaes p’asistir a elles pónense a la vienda’l prósimu xueves 4 d’agostu.

L’espectáculu “Nueches máxiques” represéntase selmnalmente tolos viernes a les diez y media la nueche y tá protagonizáu por siete personaxes mitolóxicos asturianos, que sorprenden a los visitantes del Botánicu nel trescursu d’una visita nocturna y guiada al Xardín. A cada espectáculo de música y danza pueden asistir un másimu de 220 personas debío al diseñu del montaxe y a les propies midíes de seguridá del Botánicu.

Dende que s’escomenzó representar l’espectáculu y hasta’l prósimu 9 de setiembre que se va facer la última “Nueche Máxica” calculase que van pasar pol Xardín nestes nueches un total de 7.200 persones.

La diputada d’Izquierda Xunida Diana Camafeita reunióse cola presidenta del Conseyu de la Mocedá d’Asturies pa tratar de la vienda de locales propios del Institutu Asturianu de Xuventú, ente ellos los reservaos como espacios espositivos d’artistes mozos de la nuestra comunidà. Camafeita, tres la reunión, encamentó a la Conseyería Cultura a buscar un nuevu afayu a esti espaciu.

El grupu parlamentariu d’IX-BA enfótase en que’l Director Xeneral de Cultura Carlos Madera cumpla’l so compromisu públicu d’adquirir en 2006 un local céntricu n’Uviéu que valga pa reubicar la Sala Borrón, afayando nella un espaciu p’artistes asturianos consolidaos y que valga tamién como sitiu d’amuesa del llabor de los creadores más mozos.