Güei entama ‘Arribada 2007’, nueve díes que van convertir a Xixón na capital de la lliteratura asturiana

Yá ta too preparao. L’Antiguu Institutu de Xixón espera la llegada de los escritores y artistes que van enllenalu d’actos nos próximos nueve díes d’Arribada 2007. Güei a les 12 la mañana va presentase’l númberu 2 del periódicu Vagamar, periódicu oficial de Vagamar dirixíu por Inaciu Galán. Esti va ser l’entamu de los actos de l’Arribada 2007. Pero’l platu fuerte va llegar pela tarde, cuando los escritores y dellos políticos xixoneses van arribar a El Muelle de Xixón, na rampla asitiada delantre de la estatua de Pelayo, será a les 5 la tarde.

Darreu, un pasacais nel que participa la Banda de Gaites ‘Ciudá d’Uvieu’, escritores y políticos xixoneses va percorrer los Xardinos de la Reina, la Cai Corrida, Zarrazina, Tomás y Valiente y la Plaza’l Parchís, p’aportar al patiu del Antiguu Institutu Xovellanos. Yá dientro y a les 18:00 hores, nel Salón d’Actos, el conceyal de cultura de Xixón, Justo Vilabrille, la Directora de Promoción Cultural y Política Llingüística, Consuelo Vega y el coordinador de la edición 2007, Humberto Gonzali, van inaugurar l’Arriabada con unes pallabres a los asistentes.

A les 18:30 va celebrase un actu que quier implicar a los políticos na defensa de la lliteratura y la llingua asturianes. Asina, 6 conceyales del Partíu Popular de Xixón, ente los que va tar la senadora Pilar Fernández Pardo y 5 del PSOE, ente los que van tar conceyales como Sanjurjo, amás del diputáu d’Izquierda Xunida, Francisco Javier García Valledor y el conceyal Jesús Montes Estrada ‘Churruca’, van lleer poemes en llingua asturiana. Tará tamien nesti actu la presidenta de l’Academia de la Llingua Asturiana.

Yá a les siete y media, va inaugura la esposición ‘Palabres pa la Llibertá’ organizada pola Arribada y pol Foru Arte Ciudá y coordinada pol artista Ánxel Nava. El día piesllase cola actuación del grupu ‘Ayalga Sinfónica’.

Dende güei pela mañana y hasta’l vienres 21 tán abiertos puestos de llibros y otros productos asturianos nel Patiu del Antiguu Institutu. Los próximos 9 díes van ser, dende llueu, unu de los actos más importantes organizáu nunca alredror de la lliteratura asturiana. Equí ufiertamos la programación d’estos próximos tres díes. Los demás nel programa completu que tamien ufrimos.

VIENRES 14 DE SETIEMBRE

12,00 Apertura espaciu editorial CCAI – Patiu

12,00 Presentación CCAI – Patiu
Vagamar, periódicu de l’Arribada 2007

12,00 Apertura d’esposición pictórica CCAI – Vestíbulu, 2º planta Palabres pa la llibertá

17,00 ARRIBADA DE LOS CONGRESISTES Puertu deportivu

18,00 Inauguración de l’Arribada 2007 CCAI – Salón d’actos

18,30 Llectura de testos lliterarios CCAI – Salón d’actos
Intervienen: representantes de los grupos políticos del Conceyu
de Xixón.

19,30 Inauguración d’esposición pictórica CCAI – Vestíbulu, 2º planta Palabres pa la llibertá

20,00 Espaciu musical CCAI – Patiu

Ayalga Sinfónica

SÁBADU 15 DE SETIEMBRE

11,00 Presentación CCAI – Patiu
Númberu 1 de la revista N’Ast

11,30 VOCES Y ACENTOS CCAI – Patiu

La xeneración del compromisu

Introducción de Xaviel Vilareyo
Intervienen: Berto García, Ricardo Candás, Xabel de Cea, Elizabeth Felgueroso, Pablo Rodríguez Alonso, Alejandra Sirvent, Carlos Suari y Xaviel Vilareyo

12,00 Presentación CCAI – Patiu
La causa más probable de Xaviel Vilareyo

12,30 Tertulia CCAI – Patiu
Premios lliterarios n’Asturies
Intervienen: Ramón d’Andres, L.luis Fernández, Esther García López, Inaciu Iglesias, Pablo Antón Marín Estrada y Xulio Vixil

Los tiempos de la novela histórica

13,30 Presentación CCAI – Patiu
La senda del cometa
de Miguel Rojo

16,30 Presentación CCAI – Patiu
Potestas
de Xulio Arbesú

17,00 Presentación CCAI – Patiu
En busca de Xovellanos
d’Ismael González Arias

17,30 Presentación CCAI – Patiu
Caballeros de la muerte
d’Alejandro M. Gallo

18,00 Presentacion CCAI – Patiu
Escrito na ceniza de Xose Nel Riesgo

18,30 Presentación CCAI – Patiu
La emperatriz de Roma
de Pedro Galvez

19,00 tertulia CCAI – Patiu
Xenesis y desarrollu de la novela histórica n’Asturies
Intervienen: Xulio Arbesú, Pedro Gálvez, Alejandro M. Gallo, Ismael González Arias, Xose Nel Riesgo y Pilar Sánchez Vicente

20,00 Espaciu musical CCAI – Patiu

DOMINGU 16 DE SETIEMBRE

11,00 tertulia CCAI – Patiu

Promoción y futuru del cómic

Comunicación: El cómic en llingua asturiana
de Chechu García
Intervienen: Enrique Carballeira, Chechu García, Lluis Antón González, Neto, Mari Luz Pontón y Isaac del Rivero sr.

12,00 Presentación CCAI – Patiu
Gladius de Neto

12,30 Presentación CCAI – Patiu
Númberu 3 de la revista Formientu
13,00 Presentación CCAI – Patiu
Contos, ducia e media
d’ Aurora García Rivas

13,30 VOCES Y ACENTOS CCAI – Patiu
Poetes en Xixón
Intervienen: Humberto Gonzali, Antonio Merayo, Xicu Monteserín, Pablo Rodríguez Medina y Armando Vega

Programa Completu de l’Arribada 2007