Fernández Romero aconceya col nueu director xeneral d’Emigración

Luis Miguel Ferández Romero, director de l’Axencia Asturiana d’Emigración, aconceya güei a les cinco la tarde na se de la Dirección Xeneral d’Emigración de Madrid col nuevu director xeneral d’Emigración, Agustín Torres, pa tratar los diferentes programes nos que collaboren emtrambes entidaes.

Mañana vienres, el director de l’Axencia Asturiana d’Emigración tien previsto participar nel actu institucional de clausura de la Selmana Cultural de l’Asociación ASMA, que va tener llugar na llibrería La Central nel nuevu edificiu del Museu Nacional Centru d’Arte Reina Sofía en Madrid, a les siete y media la tarde, que coincide col recital “Nomes Propios” d’escritores asturianos. Nel actu, que va tar presentáu pol tamien escritor Martín López-Vega, van facer llectura de los sos poemes los autores Silvia Ugidos, Vanessa Gutierrez, Jordi Doce y Julio Rodríguez, recientemente premiáu col Premiu “Vargas Llosa” de novela.