El Centru Asturianu de Rosario presentó’l so conxuntu de baille y gaites na Sociedá Española

El Centru Asturianu de Rosariu presentó na ciudá santafesina d’Estación Díaz parte del so conxuntu de baille y gaites, dirixíu pola profesora Carmen Marianucci Llansa, convidaos pola Sociedá Española. Con esta presentación, el grupu participó nos festeyos de celebración del 101 aniversariu d’esta sociedá, pa la qu’interpretaron bailles como Ringo Rango, Les tres vueltes, Xota de Cadaveu, Xiringüelu de Naves, y tocáronse temes como l’himnu arxentín, l’español, la Guía y l’Arcu la Vieya.

Dase’l casu de que’l fundador d’esa localidá de Santa Fe y de la Sociedá Española de Socorros Mutuos de la que se celebraba l’aniversariu foi l’asturianu Mariano Díaz.