Derechos sociales, llaborales y civiles de los emigrantes na Casa d’Asturies de Bruseles

El prósimu sábadu, 15 d’ochobre, a les siete la tarde, l’Edificiu Asturies de Bruseles entama una conferencia sobre ‘Los derechos sociales, llaborales y civiles de los emigrantes’, ún de los temes que más preocupa a la comunidá asturiana residente na capital belga. La conferencia va correr a cargu de Pedro Jesús Rodríguez Martínez, director xeneral de Servicios Sociales, Comunitarios y Prestaciones de la Conseyería de Vivienda y Bienestar Social del Principáu d’Asturies.

L’actu ta organizáu pol Centru Asturianu de Bruseles que, d’esta manera, quier atender la demanda de los sos socios, que deseen recibir información sobre aquellos temes que más-yos preocupen, como ye’l casu de la torna y los trámites alministrativos que se necesiten.