De cutiu encegolamos con dar esplicaciones fuertemente encimentaes al orixe d’una obra, o d’un nuevu fechu artísticu. Y ye bien posible que dexemos a un llau una parte bien importante de lo fundamental: la de la llibertá que ta nel principiu, nel ensayu, na rosa; nel proyectu del proyectu del proyectu.
Nesta fase de pruebes –la que nos comparte Ramón Isidoro nestes series– ye bien posible que se revele lo xenuino: la obra neonata, pura, inocente, astórdiga. El xerme o l’aullida. El bacilu y el eureka. El plasmu o’l divertimento. El rumor desaposiáu entá d’oxetivos qu’esquita sele o exultante, pero nunca del tou despreocupado.
Esta esposición, oxetivu del oxetivu, déxanos dir a les fontes y esfrutar ensin prexuicios; trespasar la puerta del estudiu y hermananos col autor nos sos probables enriedos, pero, sobremanera, nel prestu de los sos afayos.
Castrillón
Hasta’l 28 de mayu de 2022
Horariu de visita: de llunes a sábadu de 11:00 a 14:00 y de 17:00 a 21:00 h.
Valey Centru Cultural
33870 Piedrasblancas
T: 985 53 0329