Vuelve la Feria del Llibru de Xixón y con ella vuelve’l concursu Xuega con #FeLiX19, nel que van participar tolos interesaos qu’al traviés deles redes sociales respuendan a les entrugues que llancen acaldía les llibreríes.
Al traviés de les redes sociales (Facebook y Twitter) acaldía una llibrería o editorial va llanzar una entruga sobro un llibru, un autor, una xeneración, etc. Para participar namái hai qu’unviar un email a felixixongijon.es cola respuesta, acompañada de nome y apellíos, teléfonu y email. Los acertantes a la entruga van entrar directamente nel sortéu d’un llibru propuestu pola llibrería o editorial cola que xuguemos esi día.
Los vienres van ser anunciaos los o les ganadores de los retos de la selmana al traviés de les redes, y van poder recoyer el so premiu, nel estand que la Rede Municipal de Biblioteques tien na feria, el sábadu 15 de xunu a les 20.00 hores.