Masa Crítica, movimientu que reivindica l’uso de la bicicleta como mediu de tresporte, organiza esti primer vienres de febreru una nueva marcha organizada en bicicleta n’Uvieu y Aviles. Esta marcha, asemeyada a les que se vien faciendo durante los últimos meses n’Asturies, va salir a les 20:00 hores de la Plaza’l Parche d’Aviles y de la Plaza la Losa n’Uvieu. Esti colectivu llucha pol derechu a que les bicicletes tengan mayor protagonismu a la hora de movese pola ciudá y amenorgar asine les molesties que causa’l tráficu motorizáu.