La Fundación Municipal de Cultura entama un conciertu de música clásica destináu al públicu familiar basáu na temática carnavalesca, al cargu de la Orquesta Uviéu Filarmonía. Esti sábadu a les 18:00 nel Auditoriu va tener llugar el denomináu Con-ciertu disfraz, que’l so repertoriu compon L’antroxu de los animales, de Saint-Saëns, y Pedro y el llobu, de Prokófiev.
Esti conciertu, que va tar dirixíu pola batuta de Lucas Macías, va ser presentáu por Pachi Poncela. El conciertu va durar una hora y va ser d’accesu llibre hasta completar aforu.