El nome de Charlotte Awbery nun para d’apaecer poles redes. La voz d’esta muyer londinense fíxose viral dempués de que l’influencer y humorista Kevin Freshwater atoparase con ella y xubiera un vídeu d’ella cantando en redes sociales. Una actuación cola que la gran mayoría de los sos siguidores quedáronse estelaos.
El cómicu empecipió un retu va unos díes al que llamó ‘Termina la lletra’ y col que pasaba’l micrófonu a distintes persones de la cai, animándo-yos a cantar. La mayoría nun s’atrevía cola propuesta o cantaba tímidamente dellos versos, hasta qu’apaeció Charlotte.