Henar Fernández Clavel, alumna del Conservatoriu Municipal de Música “Julián Orbón”, llogró’l sábadu 9 d’abril el segundu premiu nel VI Concursu Nacional de Nuevos Intérpretes “América Martínez”, celebráu en Mairena del Aljarafe (Sevilla).
La neña pianista de 9 años, qu’estudia so la dirección de Lucía González, compitió con otros 20 alumnos de Grau Elemental na ronda eliminatoria, celebrada nel Conservatorio d’esta localidá sevillana a les 10:30 de la mañana. Nesta primer fase, interpretó’l Nocherniegu en Do m (póstumu) de Chopin.
Tres la deliberación del xuráu, 7 concursantes fueron escoyíos pa pasar a la fase final, que tuvo llugar nel Teatru “Villa de Mairena” a les 17.00 hores. Una brillosa interpretación de “Rumores de la caleta”, de Albéniz, fixo a Henar Fernández merecedora del segundu premiu.